'അഞ്ച് വർഷത്തെ പരിചയം, പത്ത് വർഷത്തെ പ്രണയം' മമ്മൂട്ടിയുടെ മകനായി തിളങ്ങിയ മിഥുൻ വിവാഹിതനാകുന്നു!

'പത്ത് വർഷം നീണ്ട പ്രണയത്തെ കുറിച്ച് വനിതയ്ക്ക് നൽകിയ അഭിമുഖത്തിൽ മിഥുനും ഭാവി വധു കല്യാണിയും പറഞ്ഞ വാക്കുകളാണ് വൈറലാകുന്നത്. എന്റെ ചേച്ചിയുടെ സുഹൃത്തിന്റെ അനിയത്തിയാണ് കല്യാണി.'

'അങ്ങനെയാണ് ഞങ്ങൾ തമ്മിൽ പരിചയം. കല്യാണി എന്നെക്കാൾ നാല് വയസിന് ഇളയതാണ്' മിഥുൻ പറഞ്ഞു. പിന്നീട് കാര്യങ്ങൾ വിശദീകരിച്ച് കല്യാണിയാണ്.

'മൃദുല ചേച്ചിയും മിഥുനും കൂടി അവതരിപ്പിച്ചിരുന്ന ഷോ ടി.വിയിൽ കണ്ടതൊക്ക എനിക്ക് നല്ല ഓർമയുണ്ട്. ഞാനന്ന് കൊച്ചുകുട്ടിയാണ്.'

'പിന്നീട് എന്റെ ചേച്ചി മൃദുലച്ചേച്ചിയുടെ ക്ലാസ്മേറ്റായത്. അങ്ങനെ ചെറുതിലേ മിഥുനെ കണ്ടിട്ടുണ്ടെങ്കിലും കാര്യമായി സംസാരിച്ചിട്ടൊന്നുമില്ല. പിന്നീട് ഞാൻ പ്ലസ് വണ്ണിനൊക്കെ പഠിക്കുമ്പോൾ എന്റെ ഫ്രണ്ട്സ് താമസിച്ചിരുന്ന ഫ്ലാറ്റിലായിരുന്നു മിഥുനും കുടുംബവും.'

'അവിടെ വെച്ചാണ് വീണ്ടും നേരിൽ കണ്ടത്. അതിനുശേഷം സോഷ്യൽ മീഡിയയിലൂടെ പരിചയം പുതുക്കി. സംസാരിച്ച് തുടങ്ങി. ഒരു വർഷത്തോളം അങ്ങനെ പോയി.'

'പിന്നീട് ഞങ്ങൾ പോലുമറിയാതെ അടുപ്പം പ്രണയത്തിന് വഴിമാറുകയായിരുന്നു. ഞങ്ങൾ തമ്മിൽ പ്രണയത്തിലാണെന്ന് രണ്ടാളുടെയും ചേച്ചിമാർക്കാണ് ആദ്യം മനസിലായത്.'

'വീട്ടിൽ ആദ്യം പറഞ്ഞത് മിഥുനാണ്' കല്യാണി വിശദീകരിച്ചു. എന്റെ ചേച്ചിക്ക് മനസിലാകട്ടേയെന്ന് കരുതി ഞാൻ ഒരു ചെറിയ സൂചന കൊടുത്തിരുന്നു. ചേച്ചി ചോദിച്ചപ്പോൾ തന്നെ ഞാൻ സമ്മതിച്ചു.

വീടുകളിൽ പറയുമ്പോൾ സമയമാകട്ടെ എന്നായിരുന്നു മറുപടി. വീട്ടുകാരുടെ സമ്മതം കിട്ടിയ ശേഷം വിവാഹത്തിനായി രണ്ട് വർഷം കൂടി കാത്തിരുന്നു' മിഥുൻ പറഞ്ഞു.

ക്രെയ്സോൾ ടെക്നോളജീസിൽ അസി.വൈസ് പ്രസിഡന്റാണ് മിഥുൻ ഇപ്പോൾ. ഒപ്പം സിനിമ ഫാക്ടറി എന്ന പ്രൊഡക്ഷൻ ഹൗസിന്റെ സിഇഒയായും പ്രവർത്തിക്കുന്നു.

ഏറ്റവും താൽപര്യം ബിസിനസാണെന്നും എംബിഎ അതുകൊണ്ടാണ് പഠിച്ചതെന്നും സിനിമയിൽ ഒരിക്കലും കൂടുതൽ ശ്രദ്ധ കൊടുത്തിട്ടില്ലെന്നും അവസരം വന്നാൽ ശ്രമിക്കാം എന്നേയുള്ളൂവെന്നും മിഥുൻ കൂട്ടിച്ചേർത്തു.

ടെക്ഫ്രിയറിൽ സീനിയർ സോഷ്യൽ മീഡിയ മാനേജരായ കല്യാണി വ്ലോഗർ, മോഡൽ എന്നീ നിലകളിലും ശ്രദ്ധേയയാണ്. സുരേഷ് രാജൻ-ജയ സുരേഷ് ദമ്പതികളുടെ മകളാണ്. സഹോദരി മീനാക്ഷി മേനോനാണ്. ഈ വരുന്ന ജനുവരി 18നാണ് ഇരുവരുടേയും വിവാഹം.