കുടുംബജീവിതത്തിലെ കണക്കുകൂട്ടലുകള്‍ പിഴച്ചുപോയോ? സരിതയുമായുള്ള വിവാഹമോചനത്തെക്കുറിച്ച് മുകേഷ് അന്ന് പറഞ്ഞത്

തെന്നിന്ത്യയില്‍ നിറഞ്ഞുനിന്നിരുന്ന നടി സരിതയെയാണ് മുകേഷ് ആദ്യം വിവാഹം ചെയ്തത്. ദീര്‍ഘനാളത്തെ പ്രണയത്തിനുശേഷം 1988-ലായിരുന്നു ഇരുവരുടെയും വിവാഹം. എന്നാല്‍ 2011-ല്‍ ഇരുവരും തമ്മില്‍ വേര്‍പിരിഞ്ഞു. ഈ ബന്ധത്തില്‍ ശ്രാവണ്‍ ബാബു, തേജസ് ബാബു എന്നീ രണ്ടു മക്കളുണ്ട്.

2013-ലാണ് നര്‍ത്തകിയായ മേതില്‍ ദേവികയെ മുകേഷ് വിവാഹം ചെയ്യുന്നത്. മേതില്‍ ദേവികയുടെയും രണ്ടാം വിവാഹമായിരുന്നു. ഈ ബന്ധവും അധികനാള്‍ നീണ്ടുനിന്നില്ല. അഭിപ്രായവ്യത്യാസങ്ങളെ തുടര്‍ന്ന് 2021-ല്‍ ഇരുവരും നിയമപരമായി വിവാഹമോചനം നേടി.

അങ്ങനെയൊരാളെ ഭര്‍ത്താവായി വേണ്ടെന്ന് തോന്നി, കുടുംബജീവിതത്തില്‍ സംഭവിച്ചത്, വെളിപ്പെടുത്തി ഐശ്വര്യ

ഇപ്പോഴിതാ സരിതയുമായുള്ള വിവാഹമോചനത്തെക്കുറിച്ച് സംസാരിക്കുകയാണ് മുകേഷ്. മുന്‍പ് കൈരളി ടിവിയിലെ ജെ.ബി ജങ്ഷനില്‍ പങ്കെടുത്തപ്പോഴായിരുന്നു അവതാരകനോട് തന്റെ വ്യക്തിജീവിതത്തെക്കുറിച്ച് മുകേഷ് മനസ്സുതുറന്നത്.

മറ്റെല്ലാ മേഖലയിലും വിജയിച്ചെങ്കിലും സ്വന്തം കുടുംബജീവിതത്തിലെ കണക്കുകൂട്ടലുകള്‍ പിഴച്ചുപോയോ എന്നായിരുന്നു മുകേഷിനോട് അവതാരകന്‍ ജോണ്‍ ബ്രിട്ടാസിന്റെ ചോദ്യം. മുകേഷിന്റെ മറുപടി ഇങ്ങനെയായിരുന്നു: ' അതെല്ലാം നമുക്ക് വന്ന് ഭവിക്കാനുള്ളതാണെന്നാണ് എന്റെ വിശ്വാസം. എങ്ങനെയൊക്കെ വേണ്ട എന്നു പറഞ്ഞാലും വരാനുള്ളത് വഴിയില്‍ തങ്ങില്ല എന്ന അഭിപ്രായമാണ് എനിക്കുള്ളത്.

'ജ്യോതികയുടെ സൂര്യ, പേർളിയുടെ ശ്രീനിഷ്, ഇപ്പോൾ നയൻസിന്റെ വിക്കി!, ഭാര്യയുടെ വ്യക്തിത്വത്തിൽ അഭിമാനിക്കുന്നവർ'

ഭാര്യാഭര്‍ത്താക്കന്മാര്‍ തമ്മില്‍ അഭിപ്രായവ്യത്യാസങ്ങളുണ്ടെങ്കില്‍ വേര്‍പിരിഞ്ഞ് ജീവിക്കുന്നതാണ് നല്ലത്. രണ്ടുപേരുടെയും ജോലി, സമാധാനം, സന്തോഷം എന്നിവയ്‌ക്കെല്ലാം നല്ലത് അത്തരമൊരു തീരുമാനം തന്നെയാണ്.

വിവാഹജീവിതം എന്നത് പാര്‍ട്‌നര്‍ഷിപ്പല്ലേ, ചിലപ്പോള്‍ വിജയിക്കാം പരാജയപ്പെടാം. സരിതയ്ക്കും ഒരുപാട് കഴിവുകളുള്ളതാണ്. രണ്ട് പേര്‍ ഒന്നിച്ചുനില്‍ക്കുന്നതിനേക്കാള്‍ വേര്‍പിരിഞ്ഞ് നില്‍ക്കുന്നതാണ് നല്ലതെങ്കില്‍ അങ്ങനെ തന്നെയല്ലേ ചെയ്യേണ്ടത്. ജോലി ചെയ്യുന്ന കാര്യത്തില്‍ അതായിരിക്കാം കൂടുതല്‍ മനസ്സമാധാനവും സന്തോഷവും നല്‍കുക. രണ്ട് വ്യക്തികളും തമ്മില്‍ ചേരായ്മയുണ്ടായിരുന്നു. പിന്നെ അതില്‍ കടിച്ചുതൂങ്ങേണ്ട കാര്യമില്ല. ഞാന്‍ നന്നായി ശ്രമിച്ചു.' മുകേഷ് പറയുന്നു.

എന്നാല്‍ വിവാഹജീവിതത്തില്‍ അഡ്ജസ്റ്റ്‌മെന്റിന്റെ പ്രാധാന്യത്തെക്കുറിച്ച് സംസാരിച്ച അവതാരകനോട് മുകേഷിന്റെ മറുപടി ഇങ്ങനെയായിരുന്നു. ' ചില അഡ്ജസ്റ്റ്‌മെന്റുകള്‍ നമ്മുടെ ആത്മാഭിമാനത്തെ പോലും ബാധിക്കും. ചിലപ്പോള്‍ എന്തിന് എന്ന തോന്നല്‍ പോലും വരും. കുട്ടികള്‍ വലുതായി. അവര്‍ ഞങ്ങള്‍ രണ്ട് പേരുടെ കൂടെയും വളരെ കംഫര്‍ട്ടബിളാണ്.

ഏഴ് തലമുറ നശിച്ചുപോകണമെന്ന് ശപിച്ചയാള്‍ തന്നെ ഒടുവില്‍ വേണ്ടിവന്നു, ഇതല്ലേ ഇരട്ടത്താപ്പെന്ന് സോഷ്യല്‍ മീഡിയ

Recommended Video

Methil devika reveals the reason for divorce with Mukesh

നിയമപരമായി ബന്ധം വേര്‍പെടുത്തിയോ എന്ന ചോദ്യത്തിന് പിരിഞ്ഞു എന്നതാണ് വലിയ കാര്യമെന്നും സര്‍ട്ടിഫിക്കറ്റിന് അതില്‍ പ്രസക്തിയില്ലെന്നും മുകേഷ് മറുപടി നല്‍കുന്നു.

മറ്റൊരു വിവാഹം കഴിയ്ക്കുമോ എന്ന ചോദ്യത്തിന് ഒരുപാട് ആലോചനകള്‍ വരുന്നുണ്ട്, എന്നാല്‍ ഒന്നും അങ്ങോട്ട് ശരിയാകുന്നില്ല എന്നായിരുന്നു തമാശരൂപേണ മുകേഷിന് പറയാനുണ്ടായിരുന്നത്. പക്ഷെ, പിന്നീട് മറ്റൊന്നുകൂടി പറഞ്ഞു. 'അവരെ അത്രമാത്രം ഞാന്‍ മനസ്സില്‍ നിന്ന് പിരിച്ചുവിട്ടിട്ടില്ല. മറ്റൊരാളെ ഞാന്‍ മനസ്സില്‍ പ്രതിഷ്ഠിക്കാന്‍ സമയമായിട്ടില്ല. ചിലപ്പോള്‍ വരുമായിരിക്കാം.' മുകേഷ് വ്യക്തമാക്കുന്നു.