'കുട്ടിത്തം മാറിയിട്ടില്ല ചോക്ലേറ്റിനായി അടികൂടി ജോമോൾ'; ഇപ്പോഴും ജാനകികുട്ടിയെപ്പോലെ തന്നെയെന്ന് ആരാധകർ!

വിവാഹശേഷം ജോമോൾ സിനിമകളിൽ സജീവമല്ലാതായെങ്കിലും ചില ടെലിവിഷൻ സീരിയലുകളിൽ ഗൗരി എന്ന പേരിൽ അഭിനയിച്ചിരുന്നു. പഞ്ചാബി ഹൗസിൽ ദിലീപിന്റെ കാമുകിയായുള്ള ജോമോളുടെ അഭിനയവും ഏറെ ശ്രദ്ധിക്കപ്പെട്ടിരുന്നു. ഇന്നും റിപ്പീറ്റ് വാല്യുവുള്ള മലയാളത്തിലെ മികച്ച കോമഡി ഫാമിലി എന്റർടെയ്നറിൽ ഒന്നാണ് പഞ്ചാബി ഹൗസ്. പഞ്ചാബി ഹൗസിന് ശേഷം നിറത്തിലെ വർഷയെന്ന പെൺകുട്ടിയുടെ റോളും മലയാളിക്ക് ജോമോളുടെ പ്രിയപ്പെട്ട കഥാപാത്രങ്ങളിൽ ഒന്നാണ്. ഇപ്പോൾ ജോമോളുടെ വളരെ രസകരമായ ഒരു വീഡിയോ സോഷ്യൽമീഡിയയിൽ വൈറലാവുകയാണ്.

ലോഹം, പുത്തൻപണം, സൈറ ബാനു തുടങ്ങിയ സിനിമകളിലൂടെ ശ്രദ്ധേയയായ യുവനടി നിരഞ്​ജനയുടെ അമ്മയുമായി ചോക്ലേറ്റിന് തല്ലുകൂടുന്ന നടി ജോമോളിന്റെ വീഡിയോയാണ് ഇപ്പോൾ സോഷ്യൽമീഡിയയിൽ വൈറലാകുന്നത്. കാലമെത്ര മുന്നോട്ട് പോയിട്ടും ജോമോളുടെ കുട്ടിത്തത്തിന് ഒരു മാറ്റവും ഇല്ല എന്നാണ് വീഡിയോ കണ്ട ആരാധകർ പറയുന്നത്. ഇപ്പോൾ പുറത്തുവന്ന വീഡിയോ അത് ഒന്നുകൂടി ഉറപ്പിക്കുന്നതാണ്. നടി നിരഞ്ജന അനൂപ് തന്നെ ആണ് വീഡിയോ പങ്കുവെച്ചിരിയ്ക്കുന്നത്. നിരഞ്ജനയുടെ അമ്മയ്ക്കൊപ്പം ഒരു ചോക്ലേറ്റിന് വേണ്ടി തല്ലു കൂടുകയാണ് താരം. വീഡിയോയ്ക്ക് താഴെ നിരവധി കമന്റ് വരുന്നുണ്ട്. ഇതിനിടെ നടി ചെയ്ത കഥാപാത്രങ്ങളും അതിലെ കുസൃതികളും ആരാധകർ ഓർക്കുന്നു. വീഡിയോ എന്തായാലും സോഷ്യൽ മീഡിയ ഏറ്റെടുത്ത് കഴിഞ്ഞു. വിവാഹശേഷം സിനിമയിൽ നിന്നും വിട്ടുനിൽക്കുകയാണ് ജോമാൾ.

Recommended Video

വെളളം കണ്ട ജോമോളുടെ പ്രതികരണം കണ്ടോ | FilmiBeat Malayalam

ഇന്ന് രണ്ട് മക്കളുടെ അമ്മ കൂടിയാണ് ജോമോൾ. ഇപ്പോൾ നൃത്തത്തിലും പാചകത്തിലും ആണ് ജോമോൾ കൂടുതൽ ശ്രദ്ധ കൊടുക്കുന്നത്. അതേസമയം വലിയൊരു ഇടവേളയ്ക്ക് ശേഷം 2017 ൽ പുറത്തിറങ്ങിയ കെയർഫുൾ എന്ന ചിത്രത്തിലും നടി അഭിനയിച്ചിരുന്നു. ജോമോൾ അഭിനയിച്ച അവസാന ചിത്രം കൂടിയായിരുന്നു ഇത്. സോഷ്യൽമീഡിയയിൽ പാചക പരീക്ഷണങ്ങൾ എല്ലാം പങ്കുവെക്കാറുള്ള താരം ലോക്ക്ഡൗൺ കാലത്ത് മുപ്പത്തിയേഴ് വർഷം പഴക്കമുള്ള തന്റെ കുട്ടിക്കാല ചിത്രം പങ്കുവെച്ച് എത്തിയിരുന്നു. 'ഇത് 37 വർഷങ്ങൾക്ക് മുമ്പ്.. ഇപ്പോൾ എനിക്കെത്ര വയസായെന്ന് ഊഹിക്കാമല്ലോ?' എന്ന അടിക്കുറിപ്പോടെയാണ് ചിത്രം നടി പങ്കുവെച്ചത്. നടിയെ കണ്ടാൽ പ്രായം തോന്നുന്നില്ലെന്നും ഇരുപത്തിയഞ്ചുകാരിയെപ്പോലെയുണ്ടെന്നുമാണ് ആരാധകർ ഫോട്ടോ കണ്ട് കുറിച്ചത്. വി.കെ പ്രകാശ് ആയിരുന്നു ജോമോൾ അവസാനമായി അഭിനയിച്ച കെയർഫുൾ സിനിമ സംവിധാനം ചെയ്തത്. വിജയ് ബാബു, സൈജു കുറുപ്പ് തുടങ്ങിയവരും സിനിമയുടെ ഭാ​ഗമായിരുന്നു.