നടി മൈഥിലി വിവാഹിതയായി, വൈറലായി ചിത്രങ്ങൾ!

പാലേരി മാണിക്യം വലിയ ബ്രേക്കാണ് മൈഥിലിക്ക് നൽകിയത്. ആ സിനിമയ്ക്ക് ശേഷം സാൾട്ട് ആന്റ് പെപ്പർ, ഈ അടുത്ത കാലത്ത്, മാറ്റ്‌നി പോലുള്ള ചിത്രങ്ങളിൽ പ്രശംസനീയമായ അഭിനയം കാഴ്ച വെച്ച നടി കഴിഞ്ഞ കുറച്ച് കാലങ്ങളായി ഇന്റസ്ട്രിയിൽ നിന്നും മാറി നിൽക്കുകയായിരുന്നു. ബിസിനസും മറ്റും നോക്കി നടത്തി തിരക്കിലായിരുന്നു താരം. കേരള കഫേ, ചട്ടമ്പിനാട്, ഈ അടുത്ത കാലത്ത്, സോൾട്ട് ആന്റ് പെപ്പർ, ബ്രേക്കിങ് ന്യൂസ്, നല്ലവൻ, നാടോടിമന്നൻ, വെടി വഴിപാട്, ലോഹം, മേര നാം ഷാജി തുടങ്ങിയവയാണ് മൈഥിലി അഭിനയിച്ചിട്ടുള്ള പ്രധാന സിനിമകൾ.

മുപ്പത്തിനാലുകാരിയായ മൈഥിലി പത്തനംതിട്ട കോന്നി സ്വദേശിനിയാണ്. ബ്രെറ്റി ബാലചന്ദ്രൻ എന്നാണ് താരത്തിന്റെ യഥാർഥ പേര്. രഞ്ജിത്ത് ചിത്രം പാലേരി മാണിക്യത്തിൽ അഭിനയിക്കുമ്പോൾ മൈഥിലിക്ക് ഇരുപത്തൊന്ന് വയസ് മാത്രമായിരുന്നു പ്രായം. എന്നാൽ പ്രായത്തിൽ കവിഞ്ഞ പക്വതയോടെ മാണിക്യത്തെ അവതരിപ്പിക്കാൻ മൈഥിലിക്ക് സാധിച്ചു. മലയാളത്തിൽ പുറത്തിറങ്ങിയ മികച്ച ക്രൈം ത്രില്ലർ ചിത്രങ്ങളിൽ ഒന്നായിരുന്നു പാലേരി മാണിക്യം. ശ്വേത മേനോനാണ് ചിത്രത്തിൽ മറ്റൊരു പ്രധാന കഥാപാത്രത്തെ അവതരിപ്പിച്ചത്. മൈഥിലി എന്ന പേര് കേൾക്കുമ്പോൾ തന്നെ എല്ലാവരുടേയും മനസിലേക്ക് ഓടിയെത്തുന്നതും പാലേരി മാണിക്യം എന്ന സിനിമ തന്നെയാണ്.

2019ലാണ് ‌മൈഥിലി അഭിനയിച്ച ഒരു സിനിമ അവസാനമായി തിയേറ്ററുകളിൽ എത്തിയത്. ഏകദേശം 30ൽ കൂടുതൽ സിനിമകളിൽ അഭിനയിച്ചിട്ടുണ്ട് താരം. അതേസമയം ചില വിവാദങ്ങളും കരിയറിനൊപ്പം മുളച്ച് പൊന്തിയതോടെയാണ് മൈഥിലിക്ക് അവസരങ്ങൾ കുറഞ്ഞ് തുടങ്ങിയത്. നടിയാകും മുമ്പ് അവതാരികയായും മൈഥിലി തിളങ്ങിയിട്ടുണ്ട്. ഇപ്പോൾ സിനിമാമേഖലയിൽ സജീവമല്ലെങ്കിലും സോഷ്യൽ മീഡിയ ഇടങ്ങളിൽ താരത്തിന് നിരവധി ഫോളോവേഴ്സുണ്ട്. താരം പങ്കുവെക്കുന്ന ഫോട്ടോകളും വീഡിയോകളും വിശേഷങ്ങളും വളരെ പെട്ടെന്ന് ആരാധകർ ഏറ്റെടുക്കുകയും ചെയ്യാറുണ്ട്.

Recommended Video

മൈഥിലിയെ കാണാൻ ഗുരുവായൂരിൽ അനുമോൾ എത്തിയപ്പോൾ #Mythili #Anumol #ActressMythili

കഴിഞ്ഞ വർഷം മൈഥിലി വീണ്ടും സിനിമയിൽ സജീവമാകാൻ പോകുന്നുവെന്ന തരത്തിൽ വാർത്തകൾ വന്നിരുന്നു. ഡോൺ പാലത്തറയുടെ ചട്ടമ്പി എന്ന ചിത്രത്തിൽ സുപ്രധാന കഥാപാത്രത്തെ അവതരിപ്പിച്ച് മൈഥിലി അഭിനയത്തിൽ വീണ്ടും ശ്രദ്ധകേന്ദ്രീകരിക്കാൻ പോകുന്നുവെന്ന തരത്തിലായിരുന്നു വാർത്തകൾ വന്നത്. സിനിമയുടെ ഷൂട്ടിങ് ലൊക്കേഷനിൽ നിന്നുള്ള ചിത്രങ്ങളും വൈറലായിരുന്നു. 1995-96 കാലഘട്ടത്തിൽ നടന്ന ഒരു മരണവുമായി ബന്ധപ്പെട്ട യഥാർത്ഥ സംഭവത്തെ ആസ്പദമാക്കിയാണ് സിനിമ ഒരുക്കുന്നതെന്നാണ് അന്ന് അണിയറപ്രവർത്തകർ അറിയിച്ചത്. ശ്രീനാഥ് ഭാസി അടക്കമുള്ള മലയാളത്തിലെ യുവതാരങ്ങളും സിനിമയുടെ ഭാ​ഗമായിരുന്നു.