കുട്ടിക്കാല ചിത്രം പങ്കുവെച്ച് പൂര്‍ണിമ ഇന്ദ്രജിത്ത്! ഒപ്പം ചാക്കോച്ചനും ഉണ്ണി മുകുന്ദനും!

തന്റെയും ഭര്‍ത്താവിന്റെയും ചിത്രങ്ങള്‍ ഇന്‍സ്റ്റഗ്രാമില്‍ പങ്കുവെച്ചുകൊണ്ടായിരുന്നു പൂര്‍ണിമ ഇന്ദ്രജിത്ത് എത്തിയിരുന്നത്. സാരിയുടുത്ത് കുഞ്ഞ് സുന്ദരിയായുളള തന്റെ കുട്ടിക്കാല ചിത്രമാണ് പൂര്‍ണിമ ഇന്ദ്രജിത്ത് ഇന്‍സ്റ്റഗ്രാമില്‍ പങ്കുവെച്ചിരുന്നത്. അച്ഛനാണ് ഈ ചിത്രം എടുത്തതെന്നും അമ്മയാണ് തന്നെ ഒരുക്കിയിരിക്കുന്നതെന്നും പൂര്‍ണിമ തന്റെ പോസ്റ്റിന് താഴെയായി കുറിച്ചിരിക്കുന്നു. ഇന്‍സ്റ്റഗ്രാം സ്‌റ്റോറിയായിട്ടാണ് ഇന്ദ്രജിത്തിന്റെ ചിത്രം പൂര്‍ണിമ പങ്കുവെച്ചിരുന്നത്.

കുഞ്ഞുടിപ്പിട്ടുളള തന്റെ കുട്ടിക്കാല ചിത്രമായിരുന്നു നവ്യാ നായര്‍ പങ്കുവെച്ചിരുന്നത്. ഒപ്പം ചിത്രത്തിന് താഴെയായി ശ്രദ്ധേയമായൊരു അടിക്കുറിപ്പും നവ്യ ഇന്‍സ്റ്റഗ്രാമില്‍ കുറിച്ചിരുന്നു. വലുതാകുമ്പോള്‍ ആരാകണം എന്നതിന് ഒരുത്തരം കണ്ടെത്താന്‍ കുറെ കഷ്ടപ്പെട്ടു. ഇപ്പോള്‍ വളര്‍ന്നപ്പോള്‍ എനിക്കതിന് ഉത്തരം കിട്ടി, എനിക്ക് വീണ്ടുമൊരു കുഞ്ഞാവണം. ശിശുദിനാംശസകള്‍ എന്നായിരുന്നു നവ്യാ നായര്‍ തന്റെ ഇന്‍സ്റ്റഗ്രാം പോസ്റ്റില്‍ കുറിച്ചത്. വിവാഹ ശേഷം നൃത്തവേദികളിലും ടെലിവിഷന്‍ രംഗത്തും സജീവമായ താരമാണ് നവ്യ.

ഇന്‍സ്റ്റഗ്രാമില്‍ സ്റ്റാറ്റസായിട്ടാണ് ഉണ്ണി മുകുന്ദന്‍ തന്റെ കുട്ടിക്കാല ചിത്രം പങ്കുവെച്ചിരുന്നത്. ഒപ്പം തന്നെ കുറച്ചു കുട്ടികള്‍ക്കൊപ്പം നില്‍ക്കുന്ന പഴയൊരു ചിത്രവും ഉണ്ണി ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നു. കുട്ടികള്‍ക്കെല്ലാം ശിശുദിനാശംസകള്‍ നേര്‍ന്നുകൊണ്ടുമാണ് ഉണ്ണി മുകുന്ദന്‍ എത്തിയത്. നിങ്ങളിലുളള ആ കുട്ടിയെ ജീവനോടെയും സന്തോഷത്തോടെയും നിലനിര്‍ത്തുക എന്നും നടന്‍ ഇന്‍സ്റ്റഗ്രാമില്‍ കുറിച്ചു.

കുഞ്ചാക്കോ ബോബനും ഇന്‍സ്റ്റഗ്രാമില്‍ ചിത്രങ്ങളുമായി എത്തിയിരുന്നു. ഭാര്യ പ്രിയയുടെയും മകന്‍ ഇസയുടെ ചിത്രങ്ങള്‍ക്കൊപ്പം തന്റെയും കുട്ടിക്കാല ചിത്രം പങ്കുവെച്ചുകൊണ്ടാണ് ചാക്കോച്ചന്‍ എത്തിയിരുന്നത്. ഒപ്പം തന്നെ എല്ലാവര്‍ക്കുമായി ശിശുദിനാശംസകളും നടന്‍ നേര്‍ന്നു. ഇവര്‍ക്കൊപ്പം തന്നെ വിവിധ ഇന്‍ഡസ്ട്രികളിലെ നിരവധി താരങ്ങള്‍ കുട്ടികള്‍ക്ക് ശിശുദിനാശംസ നേര്‍ന്നുകൊണ്ട് എത്തിയിരുന്നു.