മമ്മൂട്ടിക്കും മോഹന്‍ലാലിനുമൊപ്പം പ്രണവും, കറുപ്പണിഞ്ഞ് അനീഷയുടെ വിവാഹ വിരുന്നില്‍ താരരാജാക്കന്‍മാര്‍

ആന്റണി പെരുമ്പാവൂരിന്റെ മകളുടെ വിവാഹം

നവംബര്‍ 29നായിരുന്നു മോഹന്‍ലാലിന്റെ മകളുടെ വിവാഹനിശ്ചയം. മകളായ ഡോക്ടര്‍ അനിഷ വിവാഹിതയാവാന്‍ പോവുകയാണെന്നുള്ള സന്തോഷം പങ്കുവെച്ച് ആന്റണി എത്തിയിരുന്നു. കുടുംബ സുഹൃത്ത് കൂടിയായ ചക്കിയത്ത് ഡോ വിന്‍സെന്റിന്റെ മകനായ ഡോ എമിലാണ് അനീഷയെ വിവാഹം ചെയ്യുന്നതെന്നും അദ്ദേഹം പറഞ്ഞിരുന്നു. 27 വര്‍ഷങ്ങളായി ഇരുകുടുംബങ്ങളും തമ്മില്‍ സൗഹൃദത്തിലാണ്. ഒളിമ്പ്യന്‍ അന്തോണി ആദത്തില്‍ ബാലതാരമായി അഭിനയിച്ചിട്ടുണ്ട് എമിലിന്റെ സഹോദരന്‍.

മോഹന്‍ലാലും കുടുംബവും

വിവാഹനിശ്ചയത്തില്‍ മോഹന്‍ലാലും കുടുംബവും പങ്കെടുത്തിരുന്നു. ചന്ദനനിറത്തിലുള്ള മുണ്ടും കുര്‍ത്തിയുമണിഞ്ഞായിരുന്നു മോഹന്‍ലാലും പ്രണവും അന്നെത്തിയത്. ചടങ്ങിലുടനീളം മോഹന്‍ലാലിന്റെ സാന്നിധ്യമുണ്ടായിരുന്നു. വിവാഹത്തിലും അതാവര്‍ത്തിക്കുകയായിരുന്നു അദ്ദേഹം. ഇത്തവണ മകള്‍ വിസ്മയയും എത്തിയിരുന്നു. പ്രണവിന്റെ കൈപിടിച്ച് നടന്നുനീങ്ങുന്ന മായയുടെ ചിത്രവും വീഡിയോയും സോഷ്യല്‍ മീഡിയയിലൂടെ വൈറലായി മാറിയിരുന്നു.

മമ്മൂട്ടിയെത്തി

ദിലീപും ചടങ്ങില്‍ പങ്കെടുത്തിരുന്നു. ഇപ്പോഴിതാ മമ്മൂട്ടി എത്തിയതിന്റെ ചിത്രങ്ങളും വീഡിയോയും വൈറലായിക്കൊണ്ടിരിക്കുകയാണ്. നീട്ടി വളര്‍ത്തിയ മുടി കെട്ടിവെച്ച് മീശ പിരിച്ചാണ് മമ്മൂട്ടി എത്തിയത്. കറുത്ത നിറത്തിലുള്ള കുര്‍ത്തിയായിരുന്നു അദ്ദേഹം അണിഞ്ഞത്. പ്രണവ് മോഹന്‍ലാലും കറുപ്പ് കുര്‍ത്തിയിലായിരുന്നു. മോഹന്‍ലാലും കറുത്ത സ്യൂട്ടായിരുന്നു അണിഞ്ഞത്. സുചിത്രയും അതേ നിറത്തിലുള്ള വസ്ത്രമായിരുന്നു ധരിച്ചത്.

ആന്റോ ജോസഫും രമേഷ് പിഷാരടിയും

മമ്മൂട്ടിക്കും മോഹന്‍ലാലിനുമൊപ്പമുള്ള ചിത്രങ്ങളുമായി രമേഷ് പിഷാരടിയും ആന്റോ ജോസഫും എത്തിയിരുന്നു. മെന്‍ ഇന്‍ ബ്ലാക്ക് എന്ന ക്യാപ്ഷനുമായാണ് പിഷാരടി എത്തിയത്. കറുത്ത ടീഷര്‍ട്ടും പാന്റും അണിഞ്ഞുമായിരുന്നു പിഷാരടി എത്തിയത്. ആന്റോ ജോസും ഫേസ്ബുക്കിലൂടെ ചിത്രം പങ്കുവെച്ച് എത്തിയിരുന്നു. പൊതുവെ വെളുത്ത നിറത്തിലുള്ള വസ്ത്രങ്ങള്‍ അണിഞ്ഞെത്തുന്ന ആന്റോ ജോസഫും ഇത്തവണ കറുപ്പിലായിരുന്നു. എല്ലാവരും കറുപ്പിലെത്തിയതിനെക്കുറിച്ചായിരുന്നു ആരാധകര്‍ ചോദിച്ചത്.