നമുക്ക് സിനിമ ചെയ്യാം, പക്ഷെ ഒരു കാര്യം; മകനോട്‌ വിനീത് ശ്രീനിവാസൻ പറഞ്ഞതിനെ കുറിച്ച് എസ്എന്‍ സ്വാമി

ഞാൻ ഒരിക്കലും സിനിമ ചെയ്യാൻ ഒരു സംവിധായകനെ സമീപിച്ചിട്ടില്ല. എനിക്ക് എപ്പോഴും നിർമ്മാതാക്കൾ ഉണ്ടായിരുന്നു. ഒരു സംവിധായകൻ വഴി ഒരിക്കലും ഒരു നിർമ്മാതാവിനെ എനിക്ക് പരിചയപ്പെടേണ്ടി വന്നിട്ടില്ലെന്നും എസ്എൻ സ്വാമി പറയുന്നത്.

ഇപ്പോൾ മകൻ സിനിമ ചെയ്യാൻ നടക്കുകയാണ്. അവനോട് പറയുന്നത് തന്റെ തിരക്കഥ വാങ്ങി വരാനാണ്. നടനും സംവിധായകനുമായ വിനീത് ശ്രീനിവാസൻ മകനോട് പറഞ്ഞ ഒരു രസകരമായ സംഭവവും എസ്എൻ സ്വാമി അഭിമുഖത്തിൽ പറയുന്നുണ്ട്. വനീതിനോട് മകൻ കഥ പറയാൻ പോയപ്പോൾ വനീത് ആദ്യം ചോദിച്ചത് അച്ഛൻ കഥ വായിച്ചോ എന്നാണ്. നീ പോയി അച്ഛന്റെ ഒരു തിരക്കഥ വാങ്ങി വാ. നമുക്ക് സിനിമ ചെയ്യാമെന്നാണ് വിനീത് മകനോട് പറഞ്ഞതെന്നും എസ്എൻ സ്വാമി കൂട്ടിച്ചേർത്തു

സി ബി ഐ സീരീസിന്റെ അഞ്ചാം ഭാഗത്തിന്റെ പണിപ്പുരയിലാണ് എസ്എൻ സ്വാമി ഇപ്പോൾ. 2005 ൽ പുറത്തിറങ്ങിയ നേരറിയാൻ സി ബി ഐയ്ക്ക് ശേഷം കെമധു- എസ്എൻ സ്വാമി- മമ്മൂട്ടി കൂട്ട്കെട്ട് ഒന്നിക്കുന്ന ചിത്രമാണിത്. ബാസ്ക്കറ്റ് കില്ലിംഗ് രീതിയുടെ കഥ പറയുന്ന ചിത്രം 3 വർഷം കൊണ്ടാണ് അദ്ദേഹം എഴുതി പൂർത്തിയാക്കിയത് . സി ബി ഐ സീരീസിൽ ഒരുങ്ങുന്ന അവസാന ചിത്രമായിരിക്കും ഇതെന്നും റിപ്പോർട്ടുകൾ പ്രചരിക്കുന്നുണ്ട്. കൊവിഡിനെ തുടർന്ന് നീണ്ടു പോയ സിനിമയുടെ ചിത്രീകരണം ഉടനെ തുടങ്ങുമെന്നാണ് റിപ്പോർട്ട്. ചിത്രത്തിന്റെ പ്രഖ്യാപനം മുതൽ സിനിമക്കായി ആകാംക്ഷയോടെ കാത്തിരിക്കുകയാണ് പ്രേക്ഷകർ

Recommended Video

2020 ല്‍ പരാജയം നേരിട്ട സിനിമകള്‍ ഇവയൊക്കെയാണ് | FilmiBeat Malayalam

2011 ൽ പുറത്തിറങ്ങിയ ഓഗസ്റ്റ് 15 ന് ശേഷം മമ്മൂട്ടി എസ്എൻ സ്വാമി കൂട്ട്കെട്ട് ഒന്നിക്കുന്ന ചിത്രമാണ് ആഗസ്റ്റ് 15. ഷാജി കൈലാസ് ആയിരുന്നു ചിത്രം സംവിധാനം ചെയ്തത്. പ്രേക്ഷകരുടെ ഇടയിൽ ചിത്രം ശ്രദ്ധിക്കപ്പെടുകയും ചെയ്തിരുന്നു. ജോഷി ചിത്രമായ ലോക്പാലാണ് ഏറ്റവും ഒടുവിൽ തിയേറ്ററുകളിൽ എത്തിയ എസ് എൻ സ്വാമി ചിത്രം. 2013 ൽ പുറത്തിറങ്ങിയ ചിത്രത്തിൽ മോഹൻലാൽ ആയിരുന്നു നായികനായി എത്തിയത്. എന്നാൽ പ്രതീക്ഷിച്ച വിജയം സിനിമയ്ക്ക് നേടാൻ കഴിഞ്ഞില്ല. 2010 ൽ പുറത്തിറങ്ങിയ സുരേഷ് ഗോപിയുടെ ജനകനും മോഹൻലാലിന്റെ സാഗർ ഏലിയാസ് ജാക്കിയുമൊക്കെ പ്രേക്ഷകരുടെ ഇടയിൽ ശ്രദ്ധിക്കപ്പെട്ടിരുന്നു.