അന്ന് മമ്മൂട്ടി ചിത്രത്തിലെ നായകൻ ഇന്ന് മോഹൻലാൽ ചിത്രത്തിൽ, രഘു ചർച്ചയാകുന്നു...

40 വർഷം മുമ്പ് പുറത്തിറങ്ങിയ 'മേള' എന്ന ചിത്രത്തിലെ നായകനായിരുന്നു രഘു. 1980 ൽ കെജി ജോർജ്ജാണ് ചിത്രം സംവിധാനം ചെയ്തത്. ഈ ചിത്രത്തിൽ മമ്മൂട്ടിയും ഒരു പ്രധാന വേഷത്തിലെത്തിയിരുന്നു. മമ്മൂട്ടിയുടെ ആദ്യ കാല ചിത്രങ്ങളിൽ ഒന്നായിരുന്നു മേള. ഈ ചിത്രത്തിലൂടെ തെന്നിന്ത്യയിലെ പൊക്കം കുറഞ്ഞ ആദ്യ നായകൻ എന്ന റെക്കോർഡും അന്ന് കരസ്ഥമാക്കിയിരുന്നു.

മേളയിൽ ഗോവിന്ദന്‍കുട്ടിയെന്ന കേന്ദ്രകഥാപാത്രത്തെയാണ് രഘു അവതരിപ്പിച്ചത്. അഞ്ജലി നായിഡുവാണ് ചിത്രത്തിൽ നായികയായി എത്തിയത്. മമ്മൂട്ടി സഹതാരമായി എത്തിയ ചിത്രത്തിൽ ശ്രീനിവാസനും ഒരു പ്രധാന വേഷത്തിലെതതിയിരുന്നു. വിജയൻ എന്ന മോട്ടോർ സൈക്കിൾ അഭ്യാസിയായ വിജയൻ എന്ന കഥാപാത്രത്തെയാണ് മമ്മൂട്ടി ചിത്രത്തിൽ അവതരിപ്പിച്ചത്.

ഒരു സർക്കസ് കൂടാരത്തിൽ നടക്കുന്ന കഥയാണ് മേള.. സർക്കസിലെ കോമാളിയെയായ ഗോവിന്ദൻ കുട്ടിയെയാണ് രഘു അവതരിപ്പിച്ചത്. ഗോവിന്ദൻക്കുട്ടിയുടെ സുന്ദരിയായ ഭാര്യയും പുതുതായി വരുന്ന മോട്ടോർ സൈക്കിൾ അഭ്യാസിയും സുന്ദരനുമായ യുവാവും (മമ്മൂട്ടി) തമ്മിൽ രൂപപ്പെടുന്ന പ്രണയവും തുടർന്ന് അവർ മൂന്നു പേരുടെയും ജീവിതത്തിൽ ഉണ്ടാക്കുന്ന പ്രശ്നങ്ങളുമാണ് സിനിമയിൽ പറയുന്നത്. ശ്രീധരൻ ചമ്പാടും സംവിധായകൻ കെ.ജി. ജോർജ്ജും ചേർന്നാണ് തിരക്കഥ ഒരുക്കിയിരിക്കുന്നത്.

മേള കൂടാതെ സഞ്ചാരികള്‍, കാക്കോത്തിക്കാവിലെ അപ്പൂപ്പന്‍താടികള്‍, അപൂര്‍വ്വ സഹോദരങ്ങള്‍ എന്ന കമല്‍ ഹാസന്‍ ചിത്രം, ഒരു ഇന്ത്യന്‍ പ്രണയകഥ എന്നിങ്ങനെ ഏകദേശം 30 ഓളം സിനികളിൽ അഭിനയിച്ചിട്ടുണ്ട്. ദൃശ്യം സിനിമയ്ക്കൊപ്പം തന്നെ രഘുവും പ്രേക്ഷകരുടെ ഇടയിൽ ചർച്ചയായിട്ടുണ്ട്. വർഷങ്ങൾക്ക് ശേഷവും പ്രേക്ഷകർ രഘുവിനെ തിരിച്ചറിഞ്ഞിട്ടുണ്ട്.