മമ്മൂട്ടിയ്ക്ക് മോഹന്‍ലാലിന്റെ അച്ഛനാവാം, മോഹന്‍ലാലിന്റെ നായികയുടെ അച്ഛനാവാന്‍ പറ്റില്ലേ?

മോഹന്‍ലാലിന്റെ അച്ഛന്‍

പടയോട്ടം എന്ന സിനിമയിലായിരുന്നു മമ്മൂട്ടിയും മോഹന്‍ലാലും ആദ്യമായി ഒന്നിച്ചഭിനയിച്ചത്. ചിത്രത്തില്‍ മോഹന്‍ലാലിന്റെ അച്ഛന്റെ വേഷത്തിലായിരുന്നു മമ്മൂട്ടി അഭിനയിച്ചിരുന്നത്.

പടയോട്ടം

ജിജോ പുന്നൂസ് സംവിധാനം ചെയ്ത് 1982 ലായിരുന്നു പടയോട്ടം റിലീസ് ചെയ്തിരുന്നത്. മമ്മൂട്ടിയും പ്രേം നസീറും പ്രധാന കഥാപാത്രങ്ങളെ അവതരിപ്പിച്ച സിനിമയില്‍ മോഹന്‍ലാലും ശ്രദ്ധിക്കപ്പെട്ട കഥാപാത്രമായിരുന്നു.

മമ്മൂട്ടിയുടെ അഭിമുഖം

വര്‍ഷങ്ങള്‍ക്ക് മുമ്പ് മമ്മൂട്ടിയും സംവിധായകന്‍ രഞ്ജിത്തും തമ്മില്‍ നടത്തിയ അഭിമുഖത്തില്‍ മമ്മൂട്ടി മോഹന്‍ലാലിനെ കുറിച്ച് സംസാരിച്ചിരുന്നു. അതിനിടെ ആദ്യമായി തങ്ങള്‍ അഭിനയിച്ചത് അച്ഛന്‍ മകന്‍ വേഷത്തിലായിരുന്നെന്ന് മമ്മൂട്ടി തന്നെ വ്യക്തമാക്കിയിരുന്നു.

മമ്മൂട്ടി അച്ഛനായി അഭിനയിച്ചോട്ടെ

അന്ന രാജന്‍ എന്ന ലിച്ചിയുടെ വാ വിട്ട് പോയ വാക്കാണ് വലിയ പ്രശ്‌നമായി മാറിയിരുന്നത്. ഒരു ടെലിവിഷന്‍ പരിപാടിയ്ക്കിടെയാണ് അന്ന ദുല്‍ഖര്‍ നായകനും മമ്മൂട്ടി അച്ഛനുമായി അഭിനയിച്ചോട്ടെ എന്ന് തമാശയായി പറഞ്ഞിരുന്നത്.

നടിയ്‌ക്കെതിരെ ആക്രമണം

എന്നാല്‍ നടിയുടെ പ്രസ്താവനയ്‌ക്കെതിരെ ഇക്കാ ഫാന്‍സ് രംഗത്തെത്തുകയായിരുന്നു. സോഷ്യല്‍ മീഡിയയിലൂടെ നടിയെ തെറി പറഞ്ഞ് രംഗം വളരെ വഷളാക്കുകയായിരുന്നെങ്കിലും നടി മാപ്പ് പറയുകയും ചെയ്തിരുന്നു.