മമ്മൂട്ടിയുടെ ഭീഷ്മപർവത്തെ കുറിച്ച് താരങ്ങൾ, ഇവരും മിഖായേലിനായി കാത്തിരിക്കുകയാണ്...

ഭീഷ്മപർവം ടീം ഏറെ പ്രതീക്ഷയോടെയാണ് ചിത്രത്തെ പ്രേക്ഷകരിലേയ്ക്ക് എത്തിക്കുന്നത്. ഇപ്പോഴിത സിനിമയെ കുറിച്ച് താരങ്ങൾ പങ്കുവെച്ച വാക്കുകൾ വൈറൽ ആവുകയാണ്. ബിഗ് ബി തിയേറ്ററുകളിൽ വിചാരിച്ച സ്വീകാര്യത ലഭിച്ചില്ലെങ്കിലും സോഷ്യൽ മീഡിയയിൽ വലിയ ഓളം സൃഷ്ടിച്ചിരുന്നു. ബിലാൽ സോഷ്യൽ മീഡിയയിലൂടെയാണ് പ്രേക്ഷകരുടെ പ്രിയങ്കരാവുന്നത്. മിഖയേൽ എത്തുന്നതിന് മുമ്പ് തന്നെ ആരാധകർ ആഘോഷ തുടങ്ങിയിട്ടുണ്ട്.

ഭീഷ്മ പർവ്വത്തെ കുറിച്ച അമൽ നീരദ് പറഞ്ഞത് ഇങ്ങനെ... ''തന്റെ സിനിമ ഒരിക്കലും പ്രത്യേകിച്ച് ഒരു ഗ്രൂപ്പ് ഓഫ് ആളുകള്‍ക്ക് വേണ്ടി ഉള്ളതായിരിയ്ക്കില്ല. ബിഗ് ബിയുടെ രണ്ടാം ഭാഗത്തെ കുറിച്ച് ചോദിച്ചപ്പോള്‍ അമല്‍ നീരദ് ഇങ്ങനെ പറഞ്ഞിരുന്നു. ബിഗ് ബിയുടെ രണ്ടാം ഭാഗമായ ബിലാല്‍ വരുന്നുണ്ട്. പക്ഷെ അതിന് മുന്‍പ് എത്തുന്നതാണ് ഭീഷ്മ പര്‍വ്വം. എല്ലാ തരം പ്രേക്ഷകര്‍ക്കും ഉള്ള എന്റര്‍ടൈന്‍മെന്റ് തന്നെയാവും സിനിമ''.

സൗബിൻ ആയിരുന്നു ആദ്യമായി ഭീഷ്മ പർവത്തെ കുറിച്ചുളള സൂചന നൽകിയത്. എന്നാൽ അന്ന് ചിത്രത്തിന്റെ പേര് വെളിപ്പെടുത്തിയിട്ടില്ലായിരുന്നു. മമ്മൂട്ടി - അമൽ നീരദ് ചിത്രമെന്ന് മാത്രമായിരുന്നു പറഞ്ഞത്. ചിത്രത്തിൽ അജാസ് എന്ന കഥാപാത്രത്തെയാണ് ചിത്രത്തില്‍ സൗബിന്‍ ഷഹീര്‍ അവതരിപ്പിക്കുന്നത്. '' ഭീഷ്മ പർവം തീര്‍ച്ചയായും പ്രേക്ഷകരെ അത്ഭുതപ്പെടുത്തുമെന്നും സിനിമ പൂര്‍ണമായും ഒരു അമല്‍ നീരദ് ഷോയാണ് എന്നും'' സൗബിന്‍ പറഞ്ഞിരുന്നു. ലാല്‍ ജോസ് സംവിധാനം ചെയ്ത തന്റെ പുതിയ ചിത്രമായ മ്യാവുവിന്റെ റിലീസുമായി ബന്ധപ്പെട്ട് നടന്ന പ്രസ് മീറ്റിലായിരുന്നു ഇക്കാര്യം പറഞ്ഞത്.

ജിനു ജോസഫും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. അമൽ നീരദ് ചിത്രത്തിലെ സ്ഥിരസാന്നിധ്യമാണ് ജിനു. സൈമണ്‍ എന്ന കഥാപാത്രത്തെയാണ് ഭീഷ്മ പർവത്തില്‍ അവതരിപ്പിയ്ക്കുന്നത്. മമ്മൂട്ടിയുടെ സഹോദരനായിട്ടാണ് താന്‍ എത്തുന്നത് എന്ന് നടൻ വെളിപ്പെടുത്തിയിരുന്നു. അധികം വൈകാതെ ബിലാലും എത്തുമെന്നും നടന്‍ പറഞ്ഞിരുന്നു.

Recommended Video

മമ്മൂക്കയുടെ സഹപാഠികളുടെ കൂടെയുള്ള ഫോട്ടോ കണ്ട് കണ്ണുതള്ളി

സുഷിന്‍ ശ്യാം ആണ് സിനിമയ്ക്ക് വേണ്ടി സംഗീതം ഒരുക്കുന്നത്. ഇപ്പോൾ പുറത്ത് ഇറങ്ങുന്ന മിക്ക ഹിറ്റ് ഗാനങ്ങളും ചിട്ടപ്പെടുത്തിയിരിക്കുന്നത് സുഷിൻ ആണ്. അമല്‍ നീരദിനൊപ്പം പ്രവര്‍ത്തിയ്ക്കുക എന്നാല്‍ തനിയ്ക്ക് വളരെ എക്‌സൈറ്റ്‌മെന്റ് ആയിരുന്നു. പുതിയൊരു സ്റ്റൈല്‍ സംഗീതത്തിനായി അമലേട്ടന്‍ തന്നെ പ്രോത്സാഹിപ്പിച്ചു എന്നാണ് സുഷിന്‍ പറഞ്ഞത്. വളരെ ഇന്‍ട്രസ്റ്റിങ് ആയിട്ടുള്ള സംഗീതം ഭീഷ്മ പര്‍വ്വത്തില്‍ ചെയ്തിട്ടുണ്ട് എന്നും അതിന് പ്രേക്ഷകരുടെ പ്രതികരണം എന്താവും എന്നറിയാന്‍ കാത്തിരിയ്ക്കുകയാണ് താന്‍ എന്നും സംഗീത സംവിധായകന്‍ പറഞ്ഞിരുന്നു.