മധുരരാജയെ നെഞ്ചിലേറ്റിയവരോട് മമ്മൂട്ടിക്ക് പറയാനുള്ളത് ഇത്രമാത്രം! വൈറലാവുന്ന പോസ്റ്റ് കാണാം!

മമ്മൂട്ടിയുടെ ഫേസ്ബുക്ക് പോസ്റ്റ്

സോഷ്യല്‍ മീഡിയയില്‍ സജീവമായ ഇടപെടലുകള്‍ നടത്തുന്ന താരമാണ് മമ്മൂട്ടി. ക്ഷണനേരം കൊണ്ടാണ് അദ്ദേഹത്തിന്റെ പോസ്റ്റുകള്‍ തരംഗമായി മാറാറുള്ളത്. വരാനിരിക്കുന്ന സിനിമകളെക്കുറിച്ചും മറ്റ് വിശേഷങ്ങളെക്കുറിച്ചുമൊക്കെയുള്ള വിശേഷം അദ്ദേഹം പങ്കുവെക്കാറുണ്ട്. മധുരരാജയുടെ ലൊക്കേഷന്‍ ചിത്രങ്ങളും ടീസറും ട്രെയിലറുമൊക്കെ സോഷ്യല്‍ മീഡിയയിലൂടെ തരംഗമായി മാറിയിരുന്നു. സിനിമ വിജയകരമായി മുന്നേറുന്നതിനിടയിലാണ് മധുരരാജയുടെ ചിത്രവും പങ്കുവെച്ച് മമ്മൂട്ടി എത്തിയത്.

പറയാനുള്ളത് ഇതാണ്

മധുരരാജയെ ഇരുകൈയ്യും നീട്ടി സ്വീകരിച്ചവരോട് നന്ദി പറയുന്നുവെന്നാണ് അദ്ദേഹം കുറിച്ചിട്ടുള്ളത്. നിരവധി പേരാണ് അദ്ദേഹത്തിന്‍രെ പോസ്റ്റ് ഷെയര്‍ ചെയ്തിട്ടുള്ളത്. ഇങ്ങനെയൊരു സിനിമ സമ്മാനിച്ചതിന് അദ്ദേഹത്തിന് നന്ദി അറിയിച്ചും ആരാധകരെത്തിയിരുന്നു. രാജയുടെ രണ്ടാമത്തെ വരവ് ചില്ലറയായിരുന്നില്ലെന്നും പ്രേക്ഷകരെ രസിപ്പിക്കാനുള്ള ചേരുവകളെല്ലാം ചിത്രത്തിലുണ്ടെന്നും പ്രേക്ഷകരും സാക്ഷ്യപ്പെടുത്തിയിരുന്നു. പതിവില്‍ നിന്നും വ്യത്യസ്തമായി പ്രീ ലോഞ്ച് നടത്തിയും മമ്മൂട്ടിയും സംഘവുമെത്തിയിരുന്നു.

മികച്ച എന്‍റര്‍ടൈനര്‍

മെഗാസ്റ്റാര്‍ ആരാധകരെ സംബന്ധിച്ച് ആഘോഷിക്കാനുള്ള ചേരുവകളെല്ലാം ചിത്രത്തിലുണ്ട്. ആരാധകരുടെ ആഘോഷത്തിനായുള്ള കൊലമാസ് രംഗങ്ങളായിരുന്നു ആദ്യപകുതിയില്‍ ഉണ്ടായിരുന്നത്. അതിനും മുകളില്‍ നില്‍ക്കുന്ന തരത്തിലുള്ളതാണ് രണ്ടാം പകുതി. മമ്മൂട്ടിയുടെ കരിയര്‍ ബെസ്റ്റ് രംഗങ്ങളാണ് മറ്റൊരു പ്രത്യേകത. അപ്രതീക്ഷിത ട്വിസ്റ്റുകളും കിടിലന്‍ ഫൈറ്റ് രംഗങ്ങളുമൊക്കെയായി മികച്ച എന്റര്‍ടൈനര്‍ തന്നെയാണ് മധുരരാജയെന്ന് പ്രേക്ഷകരും സാക്ഷ്യപ്പെടുത്തിയിരുന്നു.

68 ലെ കസര്‍ത്ത്

67 ന്റെ ചുറുചുറുക്കുമായി മലയാള സിനിമയില്‍ നിറഞ്ഞുനില്‍ക്കുകയാണ് മമ്മൂട്ടി. പ്രായത്തെ വെല്ലുന്ന സൗന്ദര്യം മാത്രമല്ല പ്രകടനവും കൂടിയായിരുന്നു അദ്ദേഹത്തിന്റേത്. സിനിമ കണ്ടവരെല്ലാം ഇക്കാര്യം ശരിവെച്ചിരുന്നു. ആക്ഷനിലൂടെ ഇത്തവണ മമ്മൂട്ടി ഞെട്ടിക്കുമെന്ന തരത്തിലുള്ള പ്രവചനങ്ങള്‍ നേരത്തെ തന്നെ നടനന്നിരുന്നു. പീറ്റര്‍ ഹെയ്‌നായിരുന്നു ചിത്രത്തിന് ആക്ഷനൊരുക്കിയത്. കൃത്യമായ പരിശീലനം നടത്തിയതിന് പിന്നാലെയായാണ് അദ്ദേഹം ഓരോ രംഗവും പൂര്‍ത്തീകരിച്ചതെന്ന് അദ്ദേഹം സാക്ഷ്യപ്പെടുത്തിയിരുന്നു.

ഏട്ടന്‍ ഫാന്‍സിനും ഇഷ്ടമായി

മോഹന്‍ലാല്‍ ആരാധകരും ചിത്രത്തിന് പിന്തുണയുമായി എത്തിയിരുന്നു. തങ്ങള്‍ക്കും സിനിമ ഇഷ്ടമായെന്നായിരുന്നു അവര്‍ പറഞ്ഞത്. എന്നാല്‍ അതേ സമയം തന്നെ ചിത്രത്തിനെതിരെ വ്യാപകമായ ഡീഗ്രേഡിങ്ങ് ശ്രമങ്ങളും സജീവമായിരുന്നു. ലൂസിഫറുമായുള്ള താരതമ്യപ്പെടുത്തലുകളും നടക്കുന്നുണ്ടായിരുന്നു. മോഹന്‍ലാലും മമ്മൂട്ടിയും വ്യത്യസ്തരായ രണ്ട് താരങ്ങളാണെന്നും അവരവരുടേതായ രീതിയിലുള്ള അഭിനയവും ചിത്രങ്ങളുമായാണ് ഇരുവരും മുന്നേറുന്നതെന്നും മനസ്സിലാക്കാതെയാണ് പലരും താരതമ്യം ചെയ്യുന്നത്.

കലക്ഷനിലും മോശമാക്കില്ല

ഈ വര്‍ഷത്തെ ബ്ലോക്ക്ബസ്റ്റര്‍ ചിത്രങ്ങളുടെ ലിസ്റ്റില്‍ മധുരരാജയും ഇടംപിടിക്കുമെന്ന തരത്തിലുള്ള വിലയിരുത്തലുകളാണ് പുറത്തുവന്നിട്ടുള്ളത്. കേരളത്തില്‍ നിന്നായാലും ജിസിസിയില്‍ നിന്നായാലും മികച്ച കലക്ഷനാണ് ചിത്രത്തിന് ആദ്യദിനത്തില്‍ ലഭിച്ചതെന്നുള്ള റിപ്പോര്‍ട്ടുകളും പുറത്തുവന്നിരുന്നു. വരുംദിനങ്ങളിലെ തിരക്കും വാരാന്ത്യവുമൊക്കെയാവുമ്പോള്‍ സിനിമ ബോക്‌സോഫീസിനെ വിറപ്പിക്കുമോയെന്നറിയാന്‍ ഇനിയും കാത്തിരിക്കണം.

പോസ്റ്റ് കാണാം

മമ്മൂട്ടിയുടെ ഫേസ്ബുക്ക് പോസ്റ്റ് കാണാം.