മമ്മൂട്ടിയുടെ നിർബന്ധം കാരണം ബാബു ആന്റണിയുടെ താരമൂല്യം കൂടി, ആ കഥ വെളിപ്പെടുത്തി ടിഎസ് സുരേഷ് ബാബു

കോട്ടയം കുഞ്ഞച്ചൻ കഴിഞ്ഞ് മറ്റൊരു ചിത്രത്തിനെ കുറിച്ച് ആലോചിച്ചിരുന്ന സമയമായിരുന്നു അത്. ഡെന്നീസ് ജോസഫ് മറ്റൊരു കഥയെ കുറിച്ച് തന്നോട് പറുകയും ചെയ്തിരുന്നു. ഒരു അരയന്റെ സ്റ്റോറിയായിരുന്നു അത്. അത് കുറച്ച് സമയമെടുത്ത് തിരക്കഥ എഴുതി ചെയ്യാമെന്ന് ഡെന്നീസ് അന്ന് എന്നോട് പറഞ്ഞിരുന്നു. ഇത് ഞാൻ മമ്മൂക്കയോട് പറഞ്ഞിരുന്നു. തിരക്കഥ പൂർത്തിയാക്കിയതിന് ശേഷം അതുമായി വരാനായിരുന്നു അദ്ദേഹം പറഞ്ഞത്.

മറ്റൊരു കാര്യവും അദ്ദേഹം അന്ന് എന്നോട് പറഞ്ഞു. പറ്റുമെങ്കിൽ മമ്മൂട്ടിയില്ലാത്ത ഒരു ചിത്രം ചെയ്യണമെന്നായിരുന്നു. ആ ചിത്രം വലിയ വിജയമായാൽ ബാബുവിന് നല്ലൊരു പേര് ലഭിക്കും. ഇപ്പോൾ കോട്ടയം കുഞ്ഞച്ചൻ എന്ന ചിത്രത്തിലൂടെ നിങ്ങൾക്ക് നല്ലൊരു പേരുണ്ട്. എന്റേയും ഡെന്നീസ് ജോസഫിന്റേയും പേര് കൊണ്ട് ഓടിയ ചിത്രമാണെന്ന് എല്ലാവരും പറയും. അത് ഇനി വേണ്ട ഒരു പടം കൂടി വിജയമാക്കിയാൽ നല്ലതായിരിക്കുമെന്ന് അദ്ദേഹം എന്നോട് പറഞ്ഞു. ഇത് എന്റെ മനസ്സിൽ കിടന്നു. മോഹൻലാൽ, മമ്മൂട്ടിയല്ലാതെ മറ്റൊരു ചിത്രം എന്റെ മനസിൽ വന്നു. കുഴപ്പമില്ലാത്ത ഒരു വിഷയമായിരുന്നു.

ചിത്രത്തിൽ ഒരു ആക്ഷൻ കഥാപാത്രത്തെവേണമായിരുന്നു. സുരേഷ് ഗോപിയെ ആയിരുന്നു ചിത്രത്തിലേയ്ക്ക് ആദ്യം കാസ്റ്റ് ചെയ്ത്. എന്നാൽ കരട്ടെ കഥാപാത്രമായതു കൊണ്ട് ചിത്രത്തിലേയ്ക്ക് ബാബു ആന്റണിയെ തിരഞ്ഞെടുക്കുകയായിരുന്നു. ബാബു ആന്റണിയുമായി അന്ന് വലിയ സൗഹൃദമില്ലായിരുന്നു. എന്നാൽ കഥാപാത്രത്തെ കുറിച്ച് പറഞ്ഞപ്പോൾ അദ്ദേഹം വന്ന് അഭിനയിക്കുകയായിരുന്നു. വളരെ നല്ല മനുഷ്യനാണ് ബാബു ആന്റണി. അങ്ങനെയാണ് നാല് ഹീറോ വച്ച് സിനിമ ചെയ്യുന്നത്. ബാബു ആന്റണിയുടെ കഥാപാത്രത്തിന് മികച്ച പ്രതികരണമായിരുന്നു തിയേറ്ററിൽ നിന്ന് ലഭിച്ചത്.

Recommended Video

Idavela babu's reply to Parvathy Thiruvoth | FilmiBeat Malayalam

ഈ സിനിമയ്ക്ക് ശേഷമാണ് ഉപ്പുകണ്ടംബ്രദേഴ്സിനെ കുറിച്ച് ചിന്തിക്കുന്നത്. അഞ്ച് വില്ലൻമാരെ വെച്ചൊരു ചിത്രമായിരുന്നു. തിരക്കഥ എഴുതി കഴിഞ്ഞപ്പോൾ തന്നെ ഞാൻ ബാബു ആന്റണിയോട് ചിത്രത്തെ കുറിച്ച് പറഞ്ഞു. ഈ കഥപാത്രം ക്ലിക്കാകുമെന്ന് ഉറപ്പിച്ചു പറഞ്ഞു. അങ്ങനെ ബാബു ആന്റണി ചിത്രത്തിലെത്തി. തിയേറ്ററിൽ ആദ്യം മുതൽ അവസാനം വരെ ബാബു ആന്റണിയുടെ കഥാപാത്രത്തിന് മികച്ച പ്രേക്ഷകപ്രതികരണമായിരുന്നു ലഭിച്ചത്.. ഈ ചിത്രത്തോടെ ബാബു ആന്റണിയുടെ താരമൂല്യം കൂടുകയായിരുന്നു . സ്റ്റാറായി അദ്ദേഹം മാറുകയായിരുന്നു.