ആരാധകരെ ഞെട്ടിച്ച് മമ്മൂട്ടി! പുതുവര്‍ഷം തന്നെ ഇക്ക കളറാക്കി! ലേറ്റസ്റ്റ് ഫോട്ടോ വൈറലാവുന്നു!

മമ്മൂട്ടിയുടെ പുതിയ ഫോട്ടോ

ഫ്രഷ് ബിഗിനിങ്ങിനെക്കുറിച്ച് പറഞ്ഞായിരുന്നു മമ്മൂട്ടി പുതിയ ഫോട്ടോ പോസ്റ്റ് ചെയ്തത്. മഞ്ഞ നിറത്തിലുള്ള ജാക്കറ്റും പാന്റുമൊക്കെയായാണ് മെഗാസ്റ്റാര്‍ എത്തിയത്. ലുക്കിലും ഗെറ്റപ്പിലും പുതുമയുള്ള ചിത്രം ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. മനോരമയുടെ കലണ്ടറിന് വേണ്ടിയുള്ള ഫോട്ടോ ഷൂട്ടിനിടയിലെ ചിത്രങ്ങളാണ് താരം പങ്കുവെച്ചത്. . ക്ഷണനേരം കൊണ്ട് തന്നെ ചിത്രം വൈറലായി മാറിക്കഴിഞ്ഞിട്ടുണ്ട്. പുതുവര്‍ഷത്തിലെ ആദ്യ ചിത്രവുമായാണ് താരമെത്തിയത്.

എന്താണ് ഉദ്ദേശം

ഇക്കയുടെ ഉദ്ദേശം എന്താണ്, ഇവിടെയുള്ള ഫ്രീക്കന്‍മാര്‍ക്കും ജീവിക്കണ്ടേ, ഇങ്ങള് ഇങ്ങനെ തുടങ്ങിയാല്‍ എല്ലാവരും പണി നിര്‍ത്തി പോവേണ്ടി വരും. ഇക്ക ഇതേക്കുറിച്ച് ആലോചിച്ച് നോക്കൂ. മരണം വരെ ഇക്കയെ ഇത് പോലെ കാണാനാണ് ആഗ്രഹമെന്നുമായിരുന്നു ഒരാളുുടെ കമന്റ്. 2020 ലെ കൊലമാസ് ചിത്രവുമായെത്തി ഇക്ക ഞെട്ടിച്ചുവെന്നായിരുന്നു മറ്റൊരാള്‍ കുറിച്ചത്.

സൗന്ദര്യം കൂടിക്കൊണ്ടേയിരിക്കുന്നു

വെറുതെ പറയുന്നതല്ല, ശരിക്കും ഇക്കയുടെ സൗന്ദര്യം കൂടിക്കൊണ്ടേയിരിക്കുകയാണെന്നുള്ള കണ്ടെത്തലുമായാണ് മറ്റൊരാള്‍ എത്തിയത്. ഫേസ് ഓഫ് ഇന്ത്യന്‍ സിനിമയായ ഞങ്ങളുടെ ഇക്കയ്ക്ക് ആശംസ നേരുന്നുവെന്നും ആരാധകന്‍ കുറിച്ചിട്ടുണ്ട്. പ്രായം താഴോട്ട് പോയിക്കൊണ്ടിരിക്കുന്ന ഇതിഹാസമാണ് മമ്മൂക്ക. രാവിലെ തന്നെ കൊലകൊല്ലി ഐറ്റമാണല്ലോ കര്‍ത്താവേ, തുടങ്ങിയ കമന്റുകളും ചിത്രത്തിന് കീഴിലുണ്ട്.

ഷൈലോക്കിന്റെ ടീസറിന് പിന്നാലെ

മമ്മൂട്ടി- അജയ് വാസുദേവ് കൂട്ടുകെട്ടിലൊരുങ്ങുന്ന പുതിയ സിനിമയായ ഷൈലോക്കിന്റെ ടീസര്‍ പുറത്തുവന്നത് 12 മണിക്കായിരുന്നു. തുടക്കം മുതല്‍ വാര്‍ത്തകളില്‍ നിറഞ്ഞുനിന്ന സിനിമയായിരുന്നു ഇത്. മീനയും രാജ്കിരണും പ്രധാന വേഷത്തിലെത്തുന്ന ചിത്രത്തില്‍ കഴുത്തറപ്പന്‍ പലിശക്കാരനായാണ് മെഗാസ്റ്റാര്‍ എത്തുന്നത്. ടീസറിന് പിന്നാലെയായി പുതിയ ചിത്രവും കൂടിയെത്തിയതോടെ ഇരട്ടി സന്തോഷമായെന്നും ആരാധകര്‍ പറയുന്നു.