പള്ളീ വന്നാല്‍ പ്രാര്‍ത്ഥിക്കണം, ഫോട്ടോയെടുക്കരുത്! മാസ് ഡയലോഗുമായി നടന്നുനീങ്ങുന്ന മമ്മൂട്ടി! കാണൂ!

പള്ളിയിലേക്കെത്തിയപ്പോള്‍

കൈനിറയെ സിനിമകളുമായി നീങ്ങുമ്പോഴും വ്യക്തി ജീവിതത്തിലെ പതിവുകള്‍ക്ക് മുടക്കം വരുത്താറില്ല മമ്മൂട്ടി. ലൊക്കേഷന് അടുത്തുള്ള പള്ളിയിലേക്കാണ് അദ്ദേഹം ഇത്തവണയെത്തിയത്. ഖാലിദ് റഹ്മാന്‍ ചിത്രമായ ഉണ്ടയില്‍ പോലീസ് ഓഫീസറായാണ് അദ്ദേഹമെത്തുന്നത്. പേരിലൂടെ തന്നെ വാര്‍ത്താപ്രാധാന്യം നേടിയ ചിത്രമാണിത്. ചിത്രീകരണത്തിന് അല്‍പ്പനേരം ഇടവേള നല്‍കിയാണ് അദ്ദേഹം പള്ളിയിലേക്കെത്തിയത്. പള്ളിയിലേക്ക് അദ്ദേഹമെത്തിയതിന് പിന്നാലെയായാണ് ജനങ്ങളും അവിടേക്ക് പ്രവഹിച്ചത്.

സെല്‍ഫിയെടുക്കാന്‍ ശ്രമം

അപ്രതീക്ഷിതമായി പ്രിയതാരത്തെ മുന്നില്‍ കണ്ടപ്പോള്‍ ആ നിമിഷം ക്യാമറയിലാക്കാനായിരുന്നു ആരാധകന്റെ ശ്രമം. സെല്‍ഫിയെടുക്കാന്‍ സ്രമിച്ച യുവാവിന്റെ ഫോണ്‍ താരത്തിനൊപ്പമുള്ളവര്‍ പിടിച്ചുവാങ്ങിയിരുന്നു. ഫോട്ടോയ്ക്ക് പോസ് ചെയ്ത് ആരാധകരെ സന്തോഷിപ്പിക്കുന്ന കാര്.ത്തില്‍ മെഗാസ്റ്റാര്‍ ഏറെ പുറകിലാണ്. തീരെ താല്‍പര്യമില്ലാത്ത മട്ടില്‍ നടന്നുനീങ്ങാറാണ് പതിവ്. ഇത്തവണയും അത് തന്നെയാണ് സംഭവിച്ചത്. എന്നാല്‍ നടന്നുനീങ്ങുന്നതിനിടയില്‍ ആരാധകന് സ്‌നേഹോപദേശം നല്‍കാനും അദ്ദേഹം മറന്നിട്ടില്ല.

മമ്മൂട്ടിയുടെ ഉപദേശം

മമ്മൂട്ടി വന്നതോടെ ആള്‍ക്കാരും അദ്ദേഹത്തിനൊപ്പം കൂടിയിരുന്നു. ഫോട്ടോയെടുക്കാന്‍ ശ്രമിച്ചയാളോട് പള്ളിയില്‍ വന്നാല്‍ ഫോട്ടോയെടുക്കരുത്. പള്ളിയില്‍ വന്നാല്‍ പള്ളിയില്‍ വരണമെന്നായിരുന്നു അദ്ദേഹത്തിന്റെ ഉപദേശം. ഇതും പറഞ്ഞ് കൂളായി നടന്നുനീങ്ങുകയാണ് അദ്ദേഹം. സാധാരണക്കാരിലൊരാളായി പള്ളിയിലേക്ക് നടന്നുനീങ്ങുകയാണ് അദ്ദേഹം. യാതൊരുവിധ താരജാഡയുമില്ലാതെ നടന്നുനീങ്ങുന്ന താരത്തെ ഇതിനോടകം തന്നെ ആരാധകര്‍ അഭിന്ദനം കൊണ്ട് മൂടിക്കഴിഞ്ഞു.

വീഡിയോ വൈറലാവുന്നു

സിനിമയ്ക്കപ്പുറത്ത് താരങ്ങള്‍ എങ്ങോട്ട് തിരിഞ്ഞാലും ഏത് കാര്യത്തില്‍ ഇടപെട്ടാലും അതെല്ലാം വാര്‍ത്തായാവാറുണ്ട്. അത്തരത്തിലൊരു കാര്യം തന്നെയായിരുന്നു കഴിഞ്ഞ ദിവസം അരങ്ങേറിയതും. തങ്ങളെ ഉപദ്രവിക്കുന്ന രീതിയിലേക്ക് ആരാധകരുടെ സ്‌നേഹം നീങ്ങുമ്പോള്‍ താരങ്ങള്‍ പ്രതികരിക്കാറുണ്ട്. ഫോട്ടോയെടുക്കാന്‍ നോക്കിയ ആരാധകനെ ശാസിച്ച് നടന്നുനീങ്ങുന്ന മമ്മൂട്ടിയുടെ വീഡിയോ ഇതിനോടകം തന്നെ സോഷ,്‌യല്‍ മീഡിയയിലൂടെ വൈറലായിക്കഴിഞ്ഞിട്ടുണ്ട്.

ആരാധക സ്‌നേഹം അമിതമായപ്പോള്‍

പൊതുപരിപാടികള്‍ക്കും മറ്റുമെത്തുമ്പോള്‍ ആരാധകര്‍ താരങ്ങളെ സ്‌നേഹം കൊണ്ട് വീര്‍പ്പുമുട്ടിക്കാറുണ്ട്. എന്നാല്‍ ആരാധകരുടെ അമിത സ്‌നേഹം കാരണം ചില്ലറ പൊല്ലാപ്പുകളല്ല താരങ്ങള്‍ക്ക് നേരിടേണ്ടി വരുന്നത്. സ്വാകാര്യതയിലേക്ക് കടന്നുകയറുമ്പോഴും ദേഹോപദ്രവമെന്ന തരത്തിലേക്കും അത് നീങ്ങുമ്പോള്‍ താരങ്ങളും പ്രതികരിക്കാറുണ്ട്. സിനിമയ്ക്കപ്പുറത്ത് യഥാര്‍ത്ഥ ജീവിതത്തില്‍ വളരെ സിംപിളായി ജീവിക്കുന്നവരാണ് പലരും. എന്നാല്‍ ഇതൊന്നും ആരാധകര്‍ ഓര്‍ക്കാറില്ല.

ആരാധകനെ തട്ടിമാറ്റിയ സംഭവം

തിരക്കിനിടയിലെ സ്‌നേഹ പ്രകടനം അമിതമാവുമ്പോഴാണ് താരങ്ങള്‍ പ്രതികരിച്ചുപോവാറുള്ളത്. ആരാധകരെ തട്ടി മാറ്റുന്നതും അടിക്കുന്നതും ഫോണ്‍ പിടിച്ചുവാങ്ങിയതുമായ നിരവധി സംഭവങ്ങളാണ് അരങ്ങേറിയിട്ടുള്ളത്. തങ്ങളുടെ പ്രവര്‍ത്തി കാരണമാണ് ഇത്തരത്തിലൊരു കാര്യം നടന്നെതന്നതിനെക്കുറിച്ച് ആരാധകര്‍ പലപ്പോഴും ഓര്‍്ക്കാറില്ല. താരങ്ങള്‍ക്കെതിരെ രൂക്ഷവിമര്‍ശനവും ട്രോളുകളുമൊക്കെയായി എത്തുന്നതിനിടയിലും യഥാര്‍ത്ഥ കാരണം ആരും അന്വേഷിക്കാറില്ല.

പ്രതികരിക്കാതെ രക്ഷയില്ല

യേശുദാസ്, മമ്മൂട്ടി, മോഹന്‍ലാല്‍, ടൊവിനോ തോമസ്, ശിവകുമാര്‍.. തുടങ്ങി ലിസ്റ്റ് നീളുകയാണ്. താരങ്ങളുടെ അമിത സ്‌നേഹ പ്രകടനം കാരണം കൃത്യമായി പ്രതികരിക്കേണ്ടി വന്നതിന്റെ പേരില്‍ പലരും ഇവര്‍ക്കെതിരെ പരസ്യമായി രംഗത്തുവന്നിരുന്നു. ഫോട്ടോയെടുക്കാനെത്തിയ ആരാധകനെ തല്ലിയ സംഭവം വരെ നടന്നിട്ടുണ്ട്. ആള്‍ക്കൂട്ടത്തിനിടയില്‍ നിന്നും തന്നെ നുള്ളി നോവിച്ച ആരാധകനിട്ട് ടൊവിനോ തോമസ് തല്ല് നല്‍കിയ സംഭവവും അരങ്ങേറിയിരുന്നു. ആരാധകന്റെ ഫോണ്‍ തട്ടിത്തെറുപ്പിച്ച് നടന്നുനീങ്ങിയ ശിവകുമാറിന്റെ വീഡിയോയും അടുത്തിടെ വൈറലായിരുന്നു.

വീഡിയോ കാണാം

സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുന്ന വീഡിയോ കാണാം.