കുടുംബ പ്രേക്ഷകര്‍ക്ക് മമ്മൂക്കയെ നഷ്ടമായിട്ടില്ല, മാസും ക്ലാസുമായി പരോളി'റങ്ങിയാല്‍ തകര്‍ക്കും!

മമ്മൂക്കയുടെ സിനിമ

മമ്മൂക്കയുടെ ആക്ഷന്‍ സ്റ്റൈലിഷ് സിനിമകളാണ് അടുത്ത കാലത്തായി ഇറങ്ങിയ എല്ലാ സിനിമകളും. എന്നാല്‍ അത്തരം സിനിമകളുടെ പട്ടികയില്‍ നിന്നും പൂര്‍ണമായി മാറ്റി എഴുതാന്‍ കഴിയുന്ന സിനിമയായിരിക്കും പരോള്‍. അതിന് കാരണവുണ്ട്..

മാസും ക്ലാസും മാത്രമല്ല

മാസ്, ക്ലാസ് എന്നിങ്ങനെ പ്രതീക്ഷിച്ചിരിക്കുന്നവര്‍ക്കായി പരോള്‍ ഒരു ഫാമിലി എന്റര്‍ടെയിനര്‍ ആയിരിക്കുമെന്ന് വ്യക്തമാക്കുകയാണ്. സിനിമയില്‍ നിന്നും പുറത്ത് വരുന്ന ഓരോ സ്റ്റില്‍സുമാണ് പ്രേക്ഷകര്‍ക്ക് സിനിമയിലെ ഒരോ കാര്യത്തെ കുറിച്ചുമുള്ള സൂചനകള്‍ നല്‍കുന്നത്.

സഖാവായി

കഴിഞ്ഞ വര്‍ഷം തിയറ്ററുകളിലേക്ക് നിരവധി സഖാക്കന്മാരുടെ സിനിമകള്‍ വന്നിരുന്നു. അതില്‍ മമ്മൂട്ടിയുടെ ഒരു സഖാവ് വേഷം ആരും പ്രതീക്ഷിച്ചിരുന്നില്ലെങ്കിലും അതാണ് അടുത്ത് തന്നെ സാധ്യമാവാന്‍ പോവുന്നത്. സഖാവ് അലക്‌സ് എന്ന കഥാപാത്രത്തെയായിരിക്കും മമ്മൂട്ടി അവതരിപ്പിക്കുന്നത്.

നൂറ് ശതമാനം ഉറപ്പിക്കാം

കുടുംബ പ്രേക്ഷകര്‍ക്ക് മമ്മൂക്കയെ നഷ്ടമായി എന്ന് പറയുന്നവര്‍ക്കുള്ള മറുപടിയായിരിക്കും പരോള്‍. ശക്തമായൊരു കഥാപാത്രത്തിലൂടെ നൂറ് ശതമാനവും വിജയം നേടാന്‍ സിനിമയ്ക്ക് കഴിയുമെന്നാണ് ആരാധകര്‍ പ്രതീക്ഷിക്കുന്നത്.

റിലീസിനൊരുങ്ങുന്നു..

ഈസ്റ്ററിന് മൂന്നോടിയായിട്ടാണ് നിലവില്‍ റിലീസ് തീരുമാനിച്ചിരിക്കുന്നത്. ചിത്രീകരണം പൂര്‍ത്തിയായി കൊണ്ടിരിക്കുന്ന സിനിമ മാര്‍ച്ച് 30 നായിരിക്കും തിയറ്ററുകളിലേക്ക് എത്തുന്നത്. ഇക്കയെ നാടന്‍ ലുക്കില്‍ കാണാനുള്ള കാത്തിരിപ്പിലാണ് പ്രേക്ഷകര്‍.

വലിയ താരനിരയും

മമ്മൂട്ടി സിദ്ദിഖ് കൂട്ടൂകെട്ടിലെത്തുന്ന മറ്റൊരു സിനിമ കസറും എന്നാണ് ആരാധകര്‍ പറയുന്നത്. ഒപ്പം സുരാജ് വെഞ്ഞാറമൂട്, ഇനിയ, മിയ ജോര്‍ജ്, സുധീര്‍ കരമന, ലാലു അലക്‌സ് എന്നിവരാണ് സിനിമയിലെ മറ്റ് കേന്ദ്ര കഥാപാത്രങ്ങളെ അവതരിപ്പിക്കുന്നത്.