മമ്മൂക്ക മരണ മാസാണ്!! സൂപ്പർ കാറുകൾ മാത്രമല്ല വിമാനവും പറത്തും!! മമ്മൂട്ടി വിമാനം പറത്തിയകഥ ഇങ്ങനെ

ദുബായ് ഷൂട്ടിങ്

റാസൽഖൈമയിൽ ദുബായി ചിത്രത്തിന്റെ ഷൂട്ടിങ്ങ് നടക്കുമ്പോഴാണ് ആ സാഹസികമായ സംഭവം നടന്നത്. കൊതുമ്പ് വള്ളം പോലെ ഒരു ടൂ സീറ്റ് വിമാനമായിരുന്നു താൻ പാറത്താൻ ശ്രമിച്ചത്. അതിലെ പൈലറ്റിന്റെ ആവശ്യ പ്രകാരമായിരുന്നു ആ സാഹസികത. അദ്ദേഹം തന്നോട് പറത്താൻ ആവശ്യപ്പെടുകയായിരുന്നെന്നു മമ്മൂട്ടി പറഞ്ഞു. അയാളുടെ ഒറ്റ നിർബന്ധത്തിലായിരുന്നു അന്ന് വിമാനം പറത്തിയത്.

പൈലറ്റിന്റെ ധൈര്യം

ആ വിമാനത്തിന്റെ പൈലറ്റ് ഒരു നല്ല ട്രൈനറും കൂടിയാണ്. അദ്ദേഹമാണ് ഈ ഐഡിയ മുന്നോട്ട് വച്ചത്. ഞാൻ മുന്നിൻ സീറ്റിലും അദ്ദേഹം പിറകിലെ സീറ്റിലും ഇരുന്നു വേണം വിമാനം പറത്താൻ. ആദ്യമൊന്നു ത സമ്മതിച്ചില്ലായിരുന്നു. ധൈര്യമായി പറത്തിക്കോളൂ എന്ന് അദ്ദേഹം ആത്മവിശ്വാസം നൽകിയിരുന്നു. അദ്ദേഹ കുറെ നിർബന്ധിച്ചപ്പോൾ വിമാനം പറത്തുകയായിരുന്നു

വിമാനം പറത്തി

വിമാനം പറത്തിയ അനുഭവം അദ്ദേഹം പങ്കുവെയ്ക്കുന്നുണ്ട്. വിമാനം പറത്തുന്നതിനു ആവശ്യമായ മർഗ നിർദ്ദേശങ്ങൾ പിറകിൽ ഇരുന്ന് പൈലറ്റ് നൽകുന്നുണ്ടായിരുന്നു. ജോയിസ്റ്റിക് പോലുള്ള വടി മുന്നോട്ടും പിന്നോട്ടും പിടിച്ച് തിരിച്ചാൽ മാത്രം മതി. അദ്ദഹം പറ‍ഞ്ഞതു പോലെ തന്നെ താനും ചെയ്തു. അപ്പോൾ വിമാനം പറന്നു പൊങ്ങുകയായിരുന്നു. അതോടെ സംഭവം കൈവിട്ട് പോയ പോലെ തോന്നി. തിരിച്ച് ലാൻഡ് ചെയ്യാൻ താഴ്ന്ന് വന്നപ്പോൾ ഇലക്ട്രിക് ലൈനുകൾ കാണാൻ സാധിച്ചിരുന്നു. അതോടെ തന്റെ പേടി കൂടുകയായിരുന്നെന്നും മമ്മൂക്ക പറഞ്ഞു.

സിനിമയിലെ ഇൻട്രൊഡക്ഷൻ സീൻ

വിമാനം പറത്തി തിരിച്ചെത്തിയപ്പോൾ സിനിമയുടെ ഇൻഡ്രൊക്ഷൻ സീൻ ഇങ്ങനെയാക്കിയാലോ എന്ന് വരെ ജോഷി ആലോചിച്ചിരുന്നു. അതിനെപ്പറ്റി തന്നോട് പറയുകയും ചെയ്തു. എന്നാൽ ഒന്നുകൂടി വിമാനം പറത്താനുളള ധൈര്യം തനിയ്ക്ക് ഇല്ലായിരുന്നു.. അതിനാൽ അന്ന് ഈ പ്ലാനിങ്ങ് നടന്നില്ലായിരുന്നുവെന്നും മമ്മൂട്ടി വ്യക്തമാക്കി.

ദുബായ്

രഞ്ജി പണിക്കർ കഥയെഴുതി ജോഷി സംവിധാനം ചെയ്ത ചിത്രമായിരുന്നു ദുബായ്. 2001 പുറത്തിറങ്ങിയ ഈ മമ്മൂക്ക ചിത്രം ബോക്സ് ഓഫീസിൽ പ്രതീക്ഷ വിജയം കണ്ടിരുന്നില്ല. പൂർണ്ണമായും അറബ് എമിറെറ്റ്സിൽ ചിത്രീകരിച്ച ഈ ചിത്രം അന്നത്തെ കാലഘട്ടത്തിലെ മലയാള ചലച്ചിത്രരംഗത്തെ ഏറ്റവും ചിലവേറിയ ഒരു ബിഗ്ബജറ്റ് ചിത്രമായിരുന്നു. മമ്മൂട്ടി,എൻ.എഫ്. വർഗ്ഗീസ്,ബിജു മേനോൻ,കൊച്ചിൻ ഹനീഫ,നെടുമുടി വേണു,മാമുക്കോയ തുടങ്ങിയവരാണ് ചിത്രത്തിൽ പ്രധാനവേഷങ്ങളിൽ എത്തിയത്