നടി മഞ്ജിമയ്ക്ക് പ്രേമമൊക്കെ ഉണ്ട്! അച്ഛനും അമ്മയും ചോദിക്കുന്നത് അതാണെന്ന് വെളിപ്പെടുത്തി മഞ്ജിമ!

മഞ്ജിമയുടെ വാക്കുകളിലേക്ക്..

ഇമോഷണലി എങ്ങനെ സ്‌ട്രോംഗ് ആകാമെന്ന് അമ്മയുടെ അടുത്ത് നിന്നുമാണ് താന്‍ പഠിച്ചത്. താനും ചേട്ടനും കുഞ്ഞായിരുന്നപ്പോള്‍ അച്ഛന്‍ മാസം മൂന്ന് പടങ്ങളൊക്കെ ചെയ്തിരുന്നു. അമ്മയാണ് ഞങ്ങളെ വളര്‍ത്തിയിരുന്നത്. ചെറിയ കള്ളം പറഞ്ഞാലും എതിര്‍ത്ത് പറഞ്ഞാലുമെല്ലാം അമ്മയുടെ കൈയില്‍ നിന്നും അടി കിട്ടും. പക്ഷെ പ്രൊഫഷണല്‍ ലൈഫില്‍ അച്ഛനാണ് സ്വാധീനിച്ചത്. ഈ ഫോട്ടോഷൂട്ടിനിടയില്‍ തന്നെ 25 തവണ അച്ഛന്‍ മെസേജ് അയച്ച് കാണും. രാവിലെ എഴുന്നേല്‍ക്കുമ്പോള്‍ മുതല്‍ കിടക്കും വരെയുള്ള കാര്യങ്ങള്‍ അച്ഛനെ അറിയിക്കുന്നത് ഇപ്പോള്‍ ശീലമായി പോയെന്നും മഞ്ജിമ പറയുന്നു.

പ്രേമിക്കാന്‍ സമയം ഉണ്ടോ?

ഇതിനൊക്കെ ഇടയില്‍ പ്രേമിക്കാന്‍ സമയം കിട്ടാറുണ്ടോ എന്ന ചോദ്യത്തിനും നടി മറുപടി പറഞ്ഞിരിക്കുകയാണ്. പ്രേമൊക്കെ ഉണ്ട് എന്നായിരുന്നു മറുപടി. പക്ഷെ ഒരിക്കലും അച്ഛനെയോ അമ്മയോ ഇരുത്തിയിട്ട് നിനക്ക് എങ്ങനെ ധൈര്യം വന്നു എന്ന് ചോദിച്ചിട്ടില്ല. കോളേജിലൊക്കെ പഠിക്കേണ്ട സമയത്ത് ചെറിയ പ്രേമമൊക്കെ ഉണ്ടായപ്പോള്‍ അവര്‍ വന്ന് പറഞ്ഞു... അത് തെറ്റാണ് ഇപ്പോള്‍ പഠിക്കേണ്ട സമയയമാണെന്ന്. പക്ഷെ ഇപ്പോള്‍ അവര്‍ ചോദിക്കുന്നു നീ എന്താ ആരെയും പ്രേമിക്കുന്നില്ലേ എന്നും. ഈ പ്രായത്തില്‍ സീരിസായൊരു റിലേഷന്‍ഷിപ്പില്‍ പോയി ചാടാന്‍ എന്നെ കൊണ്ട് പറ്റില്ല. ഇപ്പോള്‍ ശ്രദ്ധ മുഴുവന്‍ സിനിമയിലാണ്. അത് മാറ്റാന്‍ പറ്റിയ ഒരാള്‍ വരട്ടെ ഞാന്‍ വെയിറ്റിംഗിലാണെന്നും മഞ്ജിമ പറയുന്നു.

ബാലതാരമായിരുന്ന മഞ്ജിമ

1998 ല്‍ റിലീസിനെത്തിയ കളിയൂഞ്ഞാല്‍ എന്ന ചിത്രത്തിലൂടെയായിരുന്നു മഞ്ജിമ ആദ്യമായി സിനിമയില്‍ അഭിനയിക്കുന്നത്. മമ്മൂട്ടി, ശോഭന, ദിലീപ് എന്നിവരായിരുന്നു ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിച്ചിരുന്നത്. ശേഷം മയില്‍പീലി കാവ്, സാഫല്യം, പ്രിയം, തെങ്കാശിപട്ടണം, മധുര നോമ്പരക്കാറ്റ്, സുന്ദര പുരുഷന്‍, താണ്ഡവം എന്നിങ്ങനെയുള്ള സിനിമകളില്‍ മഞ്ജിമ ബാലതാരമായി അഭിനയിച്ചു. 2002 ലായിരുന്നു മഞ്ജിമയുടെ അവസാന ചിത്രമെത്തിയത്.

നായികയായിട്ടുള്ള അരങ്ങേറ്റം

ബാലതാരത്തില്‍ നിന്നും മാറി വര്‍ഷങ്ങള്‍ക്ക് ശേഷം മഞ്ജിമ സിനിമയിലേക്ക് തിരിച്ചെത്തി. നിവിന്‍ പോളിയുടെ നായികയായി ഒരു വടക്കന്‍ സെല്‍ഫി എന്ന ചിത്രത്തിലൂടെയായിരുന്നു മഞ്ജിമയുടെ മടങ്ങി വരവ്. സിനിമയിലെ പ്രകടനം ശ്രദ്ധിക്കപ്പെട്ടതോടെ നടിയെ തേടി വീണ്ടും അവസരങ്ങളെത്തി. മലയാളത്തിനെക്കാള്‍ തെലുങ്ക്, തമിഴ് ഭാഷകളിലേക്കാണ് നടിയിപ്പോള്‍ ശ്രദ്ധിക്കുന്നത്. ഒരു വടക്കന്‍ സെല്‍ഫിയ്ക്ക് ശേഷം മിഖായേല്‍ എന്ന ചിത്രത്തിലൂടെ മഞ്ജിമ വീണ്ടും മലയാളത്തില്‍ അഭിനയിക്കാന്‍ എത്തിയിരുന്നു. 2019 ല്‍ മൂന്ന് ഇന്‍ഡസ്ട്രികളിലുമായി നിരവധി ചിത്രങ്ങളാണ് മഞ്ജിമയ്ക്കുള്ളത്.