മോഹൻലാലും മമ്മൂട്ടിയും തമ്മിലുളള വ്യത്യാസം, മെഗാസ്റ്റാറിന്റെ മുന്നിൽ അത് തുറന്ന് പറഞ്ഞ് മഞ്ജു വാര്യർ

മോഹൻലാലിനോടൊപ്പം നിരവധി ചിത്രങ്ങളിൽ മഞ്ജു വാര്യർ അഭിനയിച്ചിട്ടുണ്ട്. ആറാം തമ്പുരാനും, കന്മവുമൊക്കെ ഇന്നും പ്രേക്ഷകരുടെ ഇടയിൽ ചർച്ചാ വിഷയമാണ്. രണ്ടാം വരവിലും മോഹൻലാലിനോടൊപ്പം നടി അഭിനയിച്ചിരുന്നു. മോഹൻലാലിനോടൊപ്പം നിരവധി ചിത്രങ്ങളിൽ അഭിനയിച്ചിട്ടുണ്ടങ്കിലും മമ്മൂട്ടിക്കൊപ്പം ആദ്യമായിട്ടാണ് മഞ്ജു അഭിനയിക്കുന്നത്. ദി പ്രീസ്റ്റാണ് ഇരുവരും ഒന്നിച്ചെത്തുന്ന ചിത്രം.

മമ്മൂട്ടിക്കും മോഹൻലാലിനും അവരുടേതായ പ്രത്യേകളുണ്ടെന്നാണ് മഞ്ജു വാര്യർ പറയുന്നത്. മമ്മൂക്കയും ലാലേട്ടനും എന്താണോ അങ്ങനെ തന്നെയായി നില്‍ക്കുന്നതിന് അതിന്റേതായ കാരണമുണ്ട്. രണ്ടുപേര്‍ക്കും അവരവരുടേതായിട്ടുള്ള, യൂനീക്കായിട്ടുള്ള പേഴ്‌സണാലിറ്റിയുണ്ട്. ഇത് എല്ലാവര്‍ക്കും അറിയാം. മലയാള സിനിമയുടെ രണ്ട് വലിയ തൂണുകളാണ് ഇരുവരുമെന്നും മഞ്ജു വാര്യർ പറഞ്ഞു. നേരത്തെ നൽകിയ അഭിമുഖങ്ങളിൽ മമ്മൂട്ടിക്കൊപ്പം അഭിനയിക്കാൻ കഴിയാത്തതിന്റെ ദുഃഖം മ‍ഞ്ജു വാര്യർ പങ്കുവെയ്ക്കാറുണ്ടായിരുന്നു.

തന്റെ അഭിനയജീവിത്തിൽ ഏറ്റവും കൂടുതൽ കേട്ട ഒരു ചോദ്യമായിരുന്നു മമ്മൂട്ടിക്കൊപ്പമുള്ള ചിത്രം എന്നാണ് എന്നുള്ളത്..
ഞാൻ അഭിനയം തുടങ്ങിയ കാലം മുതലെ കേൾക്കുന്ന ചോദ്യമാണ് എന്താണ് മമ്മൂട്ടിക്കൊപ്പം അഭിനയിക്കാത്തത് എന്ത് എന്നുള്ളത് . ആ ഭാഗ്യത്തിനായി കാത്തിരിക്കുകയാണ് എന്നാണ് ഞാൻ മറുപടി പറയാറുള്ളത്. ഇപ്പോൾ അത് നടന്നിരിക്കുകയാണ്. 2019ല്‍ ബി ഉണ്ണികൃഷ്ണനാണ് ഈ സിനിമയെ കുറിച്ച് എന്നോട് പറയുന്നത്. മമ്മൂക്കയാണ് അഭിനയിക്കുന്നത് എന്ന കേട്ടപ്പോ തന്നെ ഞാന്‍ വേറെ ഒന്നും ആലോചിച്ചില്ല. അപ്പോൾ തന്നെ ഞാന്‍ ഉണ്ടെന്ന് പറഞ്ഞു. പിന്നീട് ആണ് കഥയും സംവിധായകനെ കുറിച്ചുമൊക്കെ കേള്‍ക്കുന്നതൊന്നും മഞ്ജു പറയുന്നു.

ഒരു വർഷത്തെ കാത്തിരുപ്പിന് ശേഷം മാർച്ച് 11 ആണ് ചിത്രം റിലീസ് ചെയ്യുന്നത്. ചിത്രത്തിൽ ഡിക്റ്ററ്റീവാ വൈദികനായിട്ടാണ് മമ്മൂട്ടി എത്തുന്നത്. ഫാദർ അന്വേഷിക്കുന്ന ആത്മഹത്യ കേസുകളും തുടര്‍ന്നുണ്ടാവുന്ന സംഭവങ്ങളിലൂടെയാണ് ചിത്രം മുന്നോട്ട് പോകുന്നത്. ചിത്രത്തിൽ അണിനിരക്കുന്നത്. മമ്മൂട്ടിയേയും മഞ്ജു വാര്യരേയും കൂടാതെ ബേബി മോണിക്ക, നിഖില വിമല്‍, ശ്രീനാഥ് ഭാസി, മധുപാല്‍, ജഗദീഷ് എന്നിവരും മറ്റ് പ്രധാന വേഷത്തിലെത്തുന്നുണ്ട്.