Don't Miss!
- Sports IPL 2024: മുംബൈയെ തീര്ത്തതെങ്ങനെ? ഇത്രയും സിംപിള്! ഗെയിം പ്ലാന് വെളിപ്പെടുത്തി ക്ലാസെനും അഭിഷേകും
- Technology ഇങ്ങനെയൊരെണ്ണം ഇത് മാത്രമേ ഉള്ളൂ...! ജിയോ കൊണ്ടുവന്ന ഐഡിയ വച്ച് എയർടെൽ ഉണ്ടാക്കിയ പ്ലാൻ
- Finance 10,000 രൂപ 1.32 ലക്ഷമാക്കിയ മൾട്ടിബാഗർ സ്റ്റോക്ക്, ഓഹരി വില 40-ൽ താഴെ, നിങ്ങൾ വാങ്ങുന്നോ...?
- Lifestyle ചാണക്യനീതി: വിഡ്ഢിയായ സുഹൃത്തിനേക്കാള് നല്ലത് മിടുക്കനായ ശത്രു; ഇത്തരക്കാര് ദോഷം ചെയ്യും
- Automobiles സൗജന്യ യാത്ര സ്ത്രീകള്ക്ക് മാത്രം! കെഎസ്ആര്ടിസിയില് 4 ലൗബേര്ഡ്സിന് വാങ്ങിയ ടിക്കറ്റ് നിരക്ക് അറിയണോ?
- News സംസ്ഥാനത്ത് ആദ്യ പത്രിക സമർപ്പിച്ച് മുകേഷ്,കെട്ടിവയ്ക്കാൻ പണം നൽകിയത് മത്സ്യത്തൊഴിലാളികൾ
- Travel ഇതല്ലേ സ്വർഗ്ഗം! ഈ ജീവിതത്തില് ഇതൊക്കെയല്ലേ കാണേണ്ടത്; ജന്നത്ത്- ഇ- കശ്മീര് യാത്രയുമായി ഐആര്സിടിസി
മകളുടെ അച്ഛൻ ഒരിടത്തും അപമാനിക്കപെടരുതെന്ന് ആഗ്രഹിച്ചവൾ; മഞ്ജുവിന് കാലം കാത്ത് വച്ച നീതിയാണ്, കുറിപ്പ് വൈറൽ
പതിനാല് വര്ഷത്തോളം അഭിനയത്തില് നിന്നും മാറി നിന്ന് പിന്നീട് മലയാള സിനിമയിലെ സൂപ്പര് സ്റ്റാറായി മാറിയിരിക്കുകയാണ് മഞ്ജു വാര്യര്. ലേഡീ സൂപ്പര്സ്റ്റാര് എന്ന ലേബലില് അറിയപ്പെടാന് ഭാഗ്യം ലഭിച്ച മഞ്ജു ഇപ്പോള് കൈനിറയെ സിനിമകളുമായി തിരക്കിലാണ്. എന്നാല് നടിയുടെ വ്യക്തി ജീവിതത്തിലെ ചില സംഭവങ്ങളാണ് സോഷ്യല് മീഡിയയിലൂടെ വൈറലാവുന്നത്. വിവാഹ ബന്ധം അവസാനിപ്പിച്ചപ്പോഴും മറ്റ് പല വാര്ത്തകള് വന്നപ്പോഴും മൗനം കൊണ്ടാണ് മഞ്ജു മറുപടി പറഞ്ഞത്.
ഇതേ കുറിച്ച് ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി അടക്കമുള്ളവര് കഴിഞ്ഞ ദിവസം വെളിപ്പെടുത്തലുകളുമായി വന്നിരുന്നു. ഇപ്പോഴിതാ മഞ്ജു വാര്യരുടെ സുഹൃത്ത് കൂടിയായ സിന്സി അനില് സോഷ്യല് മീഡിയയില് എഴുതിയ കുറിപ്പ് വൈറലാവുകയാണ്. മഞ്ജു വാര്യരുടെ ജീവിതത്തിലുണ്ടായ ചില കാലഘട്ടത്തിലെ പ്രശ്നങ്ങളെ കുറിച്ചാണ് സിന്സി പറഞ്ഞത്. കുറിപ്പിന്റെ പൂര്ണരൂപം വായിക്കാം..
'സ്നേഹത്തിന്റെ പേരില് കൈ പിടിച്ചവനെ വിശ്വസിച്ച് കലാജീവിതവും ഉപേക്ഷിച്ചു അവന്റെ ഭാര്യ ആയി ജീവിക്കാന് തീരുമാനിച്ചു ഇറങ്ങിയൊരു പെണ്ണ്. ഭര്ത്താവിന്റെ കുടുംബത്തിന് വേണ്ടി കൈയടികളുടെയും അവാര്ഡുകളുടെയും ലോകത്തു നിന്നും അടുക്കളയിലേക്ക് അരങ്ങേറിയവള്. സ്നേഹിച്ചവനില് നിന്നും ലഭിച്ച കണ്മണിയെ പൊന്നു പോലെ വളര്ത്തി വലുതാക്കിയവള്. തനിക്ക് നഷ്ടമായത് തന്റെ മകളിലൂടെ നേടണമെന്നു സ്വപ്നം കണ്ടവള്. അതിനായി ഊണിലും ഉറക്കത്തിലും മകള്ക്കു താങ്ങായി നടന്നവള്. വലിയൊരു ചതി നടക്കുന്നു എന്ന് ലോകം മുഴുവനും അറിഞ്ഞിട്ടും ഭര്ത്താവിനെ അവിശ്വസിക്കാതിരുന്നവള്..
ഭര്ത്താവിന്റെ ഫോണിലേക്ക് കാമുകിയുടെ സന്ദേശങ്ങള് വരുന്നത് കണ്ടു ചേമ്പില താളിലെ വെള്ളം ഊര്ന്നു പോകുന്നത് പോലെ അത്രയും കാലം തന്റെ സമ്പാദ്യം എന്ന് കരുതിയ ജീവിതം കൈയില് നിന്നും ഒഴുകി പോകുന്നത് മരവിപ്പോടെ കണ്ടു നിന്നവള്. എന്റെ ജീവിതം.. എന്റെ ഭര്ത്താവ്. എന്റെ കുടുംബം.. എനിക്ക് തിരികെ വേണമെന്ന് കരഞ്ഞു യാചിച്ചവള്. അവസാനം, തനിക്ക് നേരെ വച്ചു നീട്ടുന്ന ജീവിതം മറ്റൊരുത്തിയുടെ ഔദാര്യമാണെന്ന് തിരിച്ചറിഞ്ഞു താലി ഊരി വച്ചു ആത്മാഭിമാനത്തോടെ തല ഉയര്ത്തി ഇറങ്ങി പോന്നവള്. വട്ട പൂജ്യത്തില് നിന്നും ജീവിതം തിരികെ പിടിക്കാന് ഇറങ്ങുമ്പോള് സമ്പന്നതയില് നിന്നും ഒന്നുമില്ലായ്മയിലേക്ക് തന്റെ മകളെ കൂടി വലിച്ചിടരുതെന്നു ആഗ്രഹിച്ചവള്..
വേര്പിരിയലിനു കാരണം തിരക്കിയവരെ മൗനം കൊണ്ട് നേരിട്ടവള്. തന്റെ മകളുടെ അച്ഛന് ഒരിടത്തും അപമാനിക്കപെടരുത് എന്ന് ആത്മാര്ഥമായി ആഗ്രഹിച്ചവള്. ഒരിടത്തു പോലും അയാളെ കുറിച്ചൊരു മോശം വാക്ക് നാവില് നിന്നും അറിയാതെ പോലും വീഴാതിരിക്കാന് ശ്രദ്ധിച്ചവള്. തന്റെ കഴിവുകളില് ഉള്ള ആത്മവിശ്വാസം കൊണ്ട് മാത്രം ജീവിതത്തോട് പൊരുതിയവള്. ഒരു സ്ത്രീ ചവിട്ടാവുന്ന കനലുകള് എല്ലാം ചവിട്ടി കയറി പൊരുതി നേടിയവള്. സഹപ്രവര്ത്തകയ്ക്ക് ഉണ്ടായ ആക്രമണത്തില് കോടതി മുറിയില് കഴിഞ്ഞു പോയ തന്റെ ദാമ്പത്യ ജീവിതത്തെ അപകീര്ത്തിപ്പെടുത്താന് ആവുന്നത്ര ശ്രമിച്ച വക്കീലന്മാരുടെ മുന്നില് സമനില നഷ്ടപ്പെടാതെ പിടിച്ചു നിന്നവള്.
ആരോപണങ്ങള് അമ്പുകളായി കോടതി മുറിയില് നെഞ്ചും കൂടിനെ തകര്ത്തിട്ടും സഹപ്രവര്ത്തകയ്ക്ക് വേണ്ടി തനിക്കറിയാവുന്ന സത്യങ്ങള് തുറന്നു പറഞ്ഞു അഭിമാനം ആയവള്. 5 വര്ഷക്കാലം ഒരു കോള് കൊണ്ട് പോലും മകളുടെ സാമീപ്യം നിഷേധിക്കപ്പെട്ട തന്റെ മുന്നില് കോടതിയിലെ വിചാരണയുടെ തലേദിവസം മാത്രം അച്ഛനെതിരെ മൊഴി കൊടുക്കരുതെന്ന ആവശ്യവുമായി വന്ന മകളുടെ മുന്നില് പതറാതെ നിന്നവള്. ഇന്നത്തെ സ്ത്രീകള്ക്ക് പ്രചോദനവും രോമാഞ്ചവും ആയി ഉയര്ന്നു പറക്കുന്നവള്.
Recommended Video
ആ അവളെയാണ് മദ്യപാനിയും അവിഹിത ബന്ധക്കാരിയും മകളെ നോക്കാതെ സ്വന്തം ഇഷ്ടപ്രകാരം നടക്കുന്ന സ്ത്രീയുമായി ഈ കാലമത്രയും അപമാനിക്കാന് ശ്രമിച്ചത്. അവള്ക്കു കാലം കാത്ത് വച്ച നീതിയാണ്.. ഇപ്പോള് പുറത്തേക്ക് വരുന്ന ജീര്ണിച്ച കഥകള്. നുണകളുടെ എത്ര വലിയ ചില്ല് കൊട്ടാരം പണിതാലും അത് ഒരുനാള് തകര്ന്നു വീഴുക തന്നെ ചെയ്യും. കണക്ക് ചോദിക്കാതെ ഒരു കാലവും കടന്നു പോയിട്ടില്ല എന്നത് പ്രപഞ്ചസത്യം. ഇനിയും ഉയര്ന്നു പറക്കുക പ്രിയപെട്ടവളെ.. കാലം നിന്നെ ഇവിടെ അടയാളപ്പെടുത്തട്ടെ.. എന്നുമാണ് സിന്സി അനില് പങ്കുവെച്ച കുറിപ്പിലൂടെ പറയുന്നത്.
-
'ഫിനാഷ്യൽ ടൈറ്റ് വന്നപ്പോൾ വെഡ്ഡിങ് ഡേറ്റ് നീട്ടി, അത് നന്നായെന്ന് തോന്നുന്നു, അല്ലാതെ ഒന്നും ചെയ്തിട്ടില്ല'
-
ഇനിയൊരു കുട്ടി വേണ്ടെന്ന് തോന്നി, രണ്ടാമത്തെ കുഞ്ഞെന്ന തീരുമാനത്തിന് എട്ട് വർഷമെടുത്തതിന് കാരണം; അശ്വതി
-
ഇവർക്കെങ്ങനെ പ്രേക്ഷകരോട് ബന്ധമുണ്ടാക്കാനാകും?; അപകടം മനസിലാക്കി ബിഗ് ബോസ്; നേരിട്ടറിയിച്ചു