ചെറുപ്പമായി ഇരിക്കാനുളള മാർഗം പങ്കുവെച്ച് മഞ്ജു വാര്യർ, ഇതാണ് നടിയുടെ ലുക്കിന്റെ രഹസ്യം

ചെറുപ്പമായി ഇരിക്കുന്നു എന്ന് കേൾക്കുന്നത് ഒരു നേട്ടമായിട്ടല്ല താൻ കാണുന്നതെന്നാണ് മഞ്ജു പറയുന്നത്. സന്തോഷമാണ് സൗന്ദര്യം വർധിക്കുന്നതെന്നാണ് നടി പറയുന്നത്. മഞ്ജുവിന്റെ വാക്കുകൾ ഇങ്ങനെ... '' ചെറുപ്പമായി ഇരിക്കുന്നു എന്ന് കേൾക്കുന്നത് ഒരു നേട്ടമായിട്ടല്ല താൻ കാണുന്നത്. പ്രായമാവുന്നത് സ്വഭാവികമാണ്. പ്രായമാകും ആരായാലും. താൻ വിശ്വസിക്കുന്ന കാര്യം പ്രായമാവുക അല്ലെങ്കിൽ ചെറുപ്പമായിരിക്കുക ഇതൊന്നും അല്ല. സന്തോഷത്തോടെ ഇരിക്കുക എന്ന‌താണ്. സന്തോഷമാണ് നമ്മളെ ചെറുപ്പമാക്കുന്നത്; നടി പറയുന്നു. മഞ്ജുവിന്റെ പഴയ അഭിമുഖത്തിലെ വാക്കുകൾ സോഷ്യൽ മീഡിയയിൽ ചർച്ചയായിട്ടുണ്ട്.

മറ്റൊരു അഭിമുഖത്തിൽ നമ്മൾ ചെയ്യുന്ന പ്രവൃത്തികൾ സൗന്ദര്യം വർധിപ്പിക്കുമെന്ന് മഞ്ജു പറഞ്ഞിരുന്നു. മറ്റുള്ളവരുടെ ദുഃഖം കേട്ട് അവർക്ക് വേണ്ടി എന്തെങ്കിലും ചെയ്യുമ്പോൾ നമ്മുടെ സൗന്ദര്യം കൂടുമെന്നാണ് മഞ്ജു പറയുന്നത്. താരത്തിന്റെ വാക്കുകൾ ഇങ്ങനെ.. '''' നമ്മൾ ചെയ്യുന്ന പ്രവർത്തികൾ ആണ് നമുക്ക് സൗന്ദര്യം ഉണ്ടാക്കുന്നത്. സമൂഹത്തിൽ ഉള്ള മറ്റൊരാളുടെ അതായത് നമ്മുടെ സഹജീവികളുടെ വേദന കേൾക്കാൻ കാതോർക്കുകയും, അവരുടെ വേദന കേൾക്കാൻ ഒരു മനസ്സ് ഉണ്ടാവുകയും ചെയ്യുക. അവർക്ക് വേണ്ടി എന്തെങ്കിലും ചെയ്യാൻ ഉള്ള ഒരു മനസ്സ് രൂപപെടുത്തുക. അപ്പോഴാകാം നമുക്ക് സൗന്ദര്യം ഉണ്ടാവുക... മഞ്ജു പറഞ്ഞു.

സോഷ്യൽ മീഡിയയിൽ സജീവമാണ് മഞ്ജു വാര്യർ. രണ്ടാമത് സിനിമയിൽ എത്തിയതിന് ശേഷമാണ് സോഷ്യൽ മീഡിയയിൽ ആക്ടീവ് ആകാൻ തുടങ്ങിയത്. അധികവും സന്തോഷത്തെ കുറിച്ചുള്ള വാക്കുകളാണ് മഞ്ജു ചിത്രങ്ങൾക്കൊപ്പം പങ്കുവയ്ക്കറുള്ളത്. ഈ അടുത്ത ഇടയ്ക്ക് '' ഉറക്കെ ചിരിക്കൂ, ഇടയ്ക്ക് ചിരിക്കൂ, ഏറ്റവും പ്രധാനമായി നിങ്ങളോട് ചിരിക്കൂ," എന്ന് കുറിച്ച് കൊണ്ട് വിവിധ ഭാവത്തിൽ ചിരിക്കുന്ന ചിത്രം മഞ്ജു പങ്കുവെച്ചിരുന്നു. മഞ്ജുവിന്റെ വാക്കുകൾ പ്രേക്ഷകരുടെ ഇടയിൽ വലിയ ചർച്ചയായിരുന്നു. ഇത്തരത്തിൽ പോസിറ്റീവായ വാക്കുകളാണ് എല്ലാ ചിത്രത്തിലും നടി കുറിക്കാറുള്ളത്.

Recommended Video

മഞ്ജു വാര്യര്‍ക്കെതിരെ സംഘി ആക്രമണം, കട്ടകലിപ്പില്‍ ഉണ്ണി മുകുന്ദന്‍ | FilmiBeat Malayalam

കൂടാതെ മഞ്ജു ജർമനിയിൽ പോയി പ്ലാസ്റ്റിക് സർജറി നടത്തി എന്ന് തരത്തിലുള്ള ചില പ്രചരണങ്ങൾ സോഷ്യൽ മീഡിയയിൽ നടന്നിരുന്നു.ലോക്ക് ഡൗൺ സമയത്തായിരുന്നു സർജറിക്കായി നടി പോയതെന്നായിരുന്നു വാർത്ത പ്രചരിച്ചത്. ഇതിനെ കുറിച്ച് അടുത്ത് നൽകിയ ഒരു അഭിമുഖത്തിൽ നടി പറഞ്ഞിരുന്നു. അവതാരകന്റെ ചോദ്യത്തിനായിരുന്നു നടി ഉത്തരം നൽകിയത്. സോഷ്യൽ മീഡിയയിൽ ഉയർന്ന ചോദ്യമായിരുന്നു ഇദ്ദേഹം മഞ്ജുവിനോട് ചോദിച്ചത്. '' മഞ്ജു വാര്യർ ലോക്ക് ഡൗൺ സമയത്ത് ജർമ്മനിയിൽ പോയി എന്തൊക്കെയോ സ്കിന്നിന് വേണ്ടി ചെയ്തു എന്ന് കേൾക്കുന്നുണ്ടല്ലോ? എന്നായിരുന്നു അവതാരകന്റെ ചോദ്യം. ജർമ്മനിയോ എന്നായിരുന്നു മഞ്ജുവിന്റെ മറുപടി. ''പത്താം ക്‌ളാസിൽ പഠിക്കുമ്പോൾ എങ്ങാണ്ട് പോയതാണ്. അല്ലാതെ ഞാൻ ജർമ്മനി കണ്ടിട്ട് കൂടിയില്ല. ലോക്ക് ഡൗൺ സമയത്ത് സമാധാനത്തോടെ വീട്ടിൽ ഇരിക്കുകയായിരുന്നെന്നും'' മഞ്ജു പറഞ്ഞിരുന്നു. നടിയുടെ മറുപടി വൈറൽ ആയിരുന്നു.