മഞ്ജു വാര്യർ നിരവധി സ്ത്രീകളെ സ്വാധീച്ചിട്ടുണ്ട്, നടിയെ ഏറ്റവും കൂടുതൽ സ്വാധീനിച്ചത് ഈ വ്യക്തിയാണ്

ശക്തമായ സ്ത്രീ കഥാപാത്രങ്ങളിലൂടെ കയ്യടി നേടുന്ന മ‍ഞ്ജുവിനെ ജീവിതത്തിൽ ഏറ്റവും കൂടുതൽ സ്വാധീച്ച വ്യക്തിയെ കുറിച്ച് വെളിപ്പെടുത്തുകയാണ്. വനിത ഒരുക്കിയ ഒരു ടോക്ക് ഷോയിലാണ് നടി ഇക്കാര്യം വെളിപ്പെടുത്തിയത്. ഒരു സിനിമയുടെ ഭാഗമായിട്ടുളള പ്രെമോഷൻപരിപാടിയിലാണ് തന്നെ സ്വാധീനിച്ച വ്യക്തിയെ കുറിച്ച് നടി വെളിപ്പെടുത്തിയത്.

അമ്മയുടെ പേരാണ് മഞ്ജു പറയുന്നത്. ജീവിതത്തിൽ സ്വാധീനിച്ച മൂന്ന് വ്യക്തികളുടെ പേരായിരുന്നു ആരാധിക ചോദിച്ചത്. അങ്ങനെ പറയാൻ ബുദ്ധിമുട്ടാണ് എന്ന് പറഞ്ഞുകൊണ്ടാണ് മഞ്ജു ആരംഭിച്ചത്. എല്ലവരുടേയും ജീവിത്തിലേത് പോലെ അമ്മയാണ് തന്നേയും ഏറ്റവും കൂടുതൽ സ്വാധീനിച്ച വ്യക്തി. നമ്മൾ അറിയാതെയാണ് ഓരോരുത്തരും നമ്മളെ സ്വാധീനിക്കുന്നതെന്നാണ് തനിക്ക് തോന്നുന്നത്. ഞാൻ കാണുന്ന ഓരോരുത്തരും എന്നെ സ്വാധീനിക്കുന്നുണ്ടാകും. എങ്കിലും എല്ലാവരുടേയും മനസ്സിൽ ആദ്യം വരുന്ന വാക്ക് അമ്മയുടേതാണ്.

ജീവിതത്തിലുണ്ടായ വഴിത്തിരിവിനെ കുറിച്ചും മഞ്ജുവിനോട് ചോദിക്കുന്നുണ്ട്. മഞ്ജുവിന്റെ ജീവിതത്തിലുണ്ടായ വലിയ വഴിത്തിരിവ് എന്താണെന്നായിരുന്നു ചോദ്യം. എന്നാൽ താൻ അത്തരത്തിൽ ചിന്തിക്കാറില്ല എന്നായിരുന്നു മറുപടി. ജീവിതം ഒരു എങ്ങോട്ടാണോ കൊണ്ട് പോകുന്നത്. അതിൽ അങ്ങ് ഒഴുകി പോകുകയാണ്. അല്ലാതെ ഇതാണ് എന്റെ ജീവിതത്തിലെ വഴിത്തിരിവ്, അങ്ങനെ എന്റെ ജീവിതം മാറി എന്നൊന്നും മനസിൽ വയ്ക്കാറില്ലെന്നും മഞ്ജു പറയുന്നു.

സിനിമയിൽ ഗ്ലാമറസ് റോളിൽ പ്രത്യക്ഷപ്പെടാത്തതിനെ കുറിച്ചും മഞ്ജു അഭിമുഖത്തിൽ പറയുന്നുണ്ട്. ഗ്ലാമറസ്സായ വേഷങ്ങൾ തനിക്ക് ചേരാത്തത് കൊണ്ടാണ് അത്തരത്തിലൊരു ഗെറ്റപ്പിൽ എത്താത് എന്നാണ് മഞ്ജു പറയുന്നത്. കൂടാതെ അങ്ങനെ ഭയങ്കരമായ ഗ്ലാമറസ് കഥാപാത്രങ്ങളൊന്നും തന്നെ തേടിയെത്താറില്ലെന്നും നടി പറയുന്നു. തനിക്ക് ചേരുന്ന വേഷങ്ങളുണ്ട്. അത് മനസ്സിലാക്കുക എന്നതാണ് ഏറ്റവും വലിയ കാര്യം. കൂടാതെ തന്റെ ലിമിറ്റേഷൻസിനെ കുറിച്ച് തനിക്ക് കൃത്യമായ ബോധ്യമുണ്ടെന്നും നടി പറഞ്ഞു.