കഞ്ഞിയെന്ന് കേട്ടാല്‍ ചേച്ചിയ്ക്ക് ദേഷ്യം വരുമോ? വൈറലായി മഞ്ജു വാര്യരുടെ മറുപടി

അടുത്തിടെ നടന്നൊരു ചടങ്ങില്‍ ഈ ഡയലോഗുമായി ബന്ധപ്പെട്ടുളള ചോദ്യത്തിന് മഞ്ജു വാര്യര്‍ നല്‍കിയ മറുപടി ശ്രദ്ധേയമായി മാറിയിരുന്നു. വിഎ ശ്രീകുമാറിന്റെ സംവിധാനത്തില്‍ പുറത്തിറങ്ങിയ ഒടിയന്‍ കഴിഞ്ഞ വര്‍ഷം ഡിസംബറിലാണ് പുറത്തിറങ്ങിയിരുന്നത്. റിലീസ് സമയത്ത് സോഷ്യല്‍ മീഡിയയില്‍ നിന്നും വലിയ രിതീയിലുളള സൈബര്‍ ആക്രമണം ചിത്രത്തിന് നേരിടേണ്ടി വന്നിരുന്നു. മോഹന്‍ലാലിന്റെ കരിയറിലെ രണ്ടാമത്തെ നൂറ് കോടി ചിത്രമായും സിനിമ മാറിയിരുന്നു.

തന്റെ എറ്റവും പുതിയ ചിത്രമായ പ്രതി പുവന്‍ കോഴിയുടെ പ്രചരണ പരിപാടിക്കിടെയായിരുന്നു ഒടിയനിലെ ഡയലോഗിനെക്കുറിച്ച് മ്ഞ്ജു സംസാരിച്ചത്. കഞ്ഞിയെന്ന് കേട്ടാല്‍ ചേച്ചിക്ക് ദേഷ്യം വരുമോ എന്നൊരു ആരാധിക ചോദിക്കുകയായിരുന്നു. ഇതിനുളള മറുപടിയായി തന്റെ അമ്മ സ്ഥിരമായി കഞ്ഞി എടുക്കട്ടെ മോളെ എന്ന് ചോദിക്കാറുണ്ടെന്ന് മഞ്ജു വാര്യര്‍ പറഞ്ഞു.

ചടങ്ങില്‍ പങ്കെടുക്കാന്‍ അപ്രതീക്ഷിതമായി മഞ്ജു വാര്യരുടെ അമ്മയും എത്തിയിരുന്നു,
അതേസമയം മഞ്ജു വാര്യരുടെ ക്രിസ്മസ് റിലീസ് ചിത്രമായിട്ടാണ് പ്രതി പൂവന്‍ കോഴി തിയ്യേറ്ററുകളിലേക്ക് എത്തിയിരിക്കുന്നത്. ഉണ്ണി ആറിന്റെ കഥയില്‍ റോഷന്‍ ആന്‍ഡ്രൂസാണ് സിനിമ സംവിധാനം ചെയ്തിരിക്കുന്നത്. സിനിമ മികച്ച പ്രതികരണങ്ങളോടെ തിയ്യേറ്ററുകളില്‍ മുന്നേറികൊണ്ടിരിക്കുകയാണ്.

ചിത്രത്തില്‍ മാധുരി എന്ന കേന്ദ്രകഥാപാത്രമായിട്ടാണ് നടി എത്തുന്നത്. ലൂസിഫര്‍, അസുരന്‍ എന്നീ സിനിമകളുടെ വിജയത്തിന് പിന്നാലെയാണ് മഞ്ജുവിന്റെ പുതിയ ചിത്രം റിലീസ് ചെയ്തിരിക്കുന്നത്. ഹൗഓള്‍ഡ് ആര്‍ യൂ എന്ന സിനിമയ്ക്ക് ശേഷം നീണ്ട ഇടവേള കഴിഞ്ഞാണ് മഞ്ജു വാര്യരും റോഷന്‍ ആന്‍ഡ്രൂസും വീണ്ടും ഒന്നിച്ചിരിക്കുന്നത്. മഞ്ജുവിനൊപ്പം അനൂശ്രീയും പ്രധാന വേഷത്തില്‍ എത്തുന്ന സിനിമയാണ് പ്രതി പൂവന്‍ കോഴി.