അമ്മയെക്കുറിച്ച് മഞ്ജു വാര്യര്‍, ഈ സ്ത്രീ എപ്പോഴും എന്നെ അത്ഭുതപ്പെടുത്തുന്നു, ചിത്രങ്ങള്‍ വൈറലാവുന്നു

അമ്മയ്ക്ക് മകളുടെ ആശംസ

അമ്മയുടെ മനോഹരമായ ചിത്രത്തിനൊപ്പമായാണ് മഞ്ജു വാര്യര്‍ ആശംസ പോസ്റ്റ് ചെയ്തത്. എന്‍രെ സൂപ്പര്‍സ്റ്റാറിന് പിറന്നാളാശംസകള്‍, ഈ സ്ത്രീ എപ്പോഴും എന്നെ അത്ഭുതപ്പെടുത്തുന്നു. ജീവിതത്തില്‍ പുതിയത് എന്തെങ്കിലും തുടങ്ങാന്‍ ഇനിയും വൈകിയിട്ടില്ലെന്ന് തെളിയിക്കുന്നുവെന്നായിരുന്നു മകള്‍ കുറിച്ചത്. മകളുടെ കലാജീവിതത്തിന് അമ്മ അങ്ങേയറ്റത്തെ പിന്തുണയായിരുന്നു നല്‍കിയത്. അമ്മയും അച്ഛനുമാണ് കുട്ടിക്കാലം മുതലേ തന്നെ കലാരംഗത്ത് മുന്നേറാന്‍ തന്നെ പ്രേരിപ്പിച്ചതെന്ന് താരം പറഞ്ഞിരുന്നു.

കമന്റുമായി താരങ്ങള്‍

താരങ്ങളും ആരാധകരുമൊക്കെയായി നിരവധി പേരാണ് ചിത്രത്തിന് കീഴില്‍ കമന്റുകളുമായെത്തിയത്. സണ്ണി വെയ്ന്‍, രമേഷ് പിഷാരടി, രഞ്ജിനി ഹരിദാസ്, അനുമോള്‍, മന്യ, മുരളി ഗോപി, ഗൗരിനന്ദ, തുടങ്ങിയവരെല്ലാം അമ്മയ്ക്ക് പിറന്നാളാശംസ അറിയിച്ചെത്തിയിരുന്നു. അമ്മയ്ക്ക് മകളൊരുക്കിയ സര്‍പ്രൈസ് എന്തായിരുന്നുവെന്നായിരുന്നു ആരാധകര്‍ ചോദിച്ചത്.

അമ്മയുടെ എഴുത്ത്

എഴുത്തില്‍ കഴിവ് തെളിയിച്ചിട്ടുണ്ട് ഗിരിജ വാര്യര്‍. നാളുകള്‍ക്ക് ശേഷം എഴുത്തിന്റെ ലോകത്തേക്ക് തിരിച്ചെത്തിയതിനെക്കുറിച്ച് പറഞ്ഞ് താരമെത്തിയിരുന്നു. വര്‍ഷങ്ങള്‍ക്ക് ശേഷം അമ്മ എഴുത്തിലേക്ക് തിരിച്ചെത്തിയതില്‍ അതീവ സന്തുഷ്ടയായിരുന്നു മകള്‍. ലോക് ഡൗണ്‍ സമയത്ത് മകളും മകനും മരുമകളും കൊച്ചുമകളും വീട്ടിലുണ്ടായിരുന്നുവെന്നും, ഇതൊന്നും കാണാന്‍ മാധവേട്ടനില്ലല്ലോയെന്നോര്‍ത്ത് വിഷമമുണ്ടെന്നുമായിരുന്നു ഗിരിജ വാര്യര്‍ കുറിച്ചത്. ഗൃഹലക്ഷ്മിക്കായി അമ്മ കുറിപ്പ് എഴുതുന്നുണ്ടെന്നും മഞ്ജു വാര്യര്‍ പറഞ്ഞിരുന്നു.

Recommended Video

തന്റെ മതവിശ്വാസം വെളിപ്പെടുത്തി മഞ്ജു വാര്യർ | Oneindia Malayalam

സര്‍പ്രൈസായെത്തിയപ്പോള്‍

സിനിമയ്ക്ക് പുറമെ മറ്റ് പരിപാടികളിലും സജീവമാണ് മഞ്ജു വാര്യര്‍. മലയാളത്തിന്റെ ലേഡി സൂപ്പര്‍സ്റ്റാറായാണ് മഞ്ജു വാര്യരെ വിശേഷിപ്പിക്കാറുള്ളതും. ഇടയ്ക്ക് മഞ്ജു വാര്യര്‍ക്കൊപ്പം അമ്മയും പൊതുവേദിയിലേക്ക് എത്തിയിരുന്നു. സര്‍പ്രൈസായാണ് മകള്‍ക്ക് മുന്നിലേക്ക് അമ്മയെത്തിയത്. ഇതെപ്പോ സംഭവിച്ചുവെന്നും ഞാന്‍ അറിഞ്ഞില്ലല്ലോയെന്നുമായിരുന്നു മഞ്ജു വാര്യര്‍ പറഞ്ഞത്. അമ്മയുടേയും മകളുടേയും കൂടിക്കാഴ്ചയുടെ വീഡിയോയും ചിത്രങ്ങളും സോഷ്യല്‍ മീഡിയയിലൂടെ വൈറലായി മാറിയിരുന്നു.