'നിന്റെ സ്വാഭാവത്തിന് വിവാഹം കഴിക്കാതിരിക്കുന്നതാണ് നല്ലതെന്ന് പറഞ്ഞവരുണ്ട്'; അനുഭവം പറഞ്ഞ് നടി ​ഗൗരി കൃഷ്ണൻ!

തന്റെ യുട്യൂബ് ചാനൽ വഴിയാണ് വിവാഹ നിശ്ചയ വിശേഷങ്ങൾ ​ഗൗരി കൃഷ്ണ പങ്കുവച്ചത്. ആരെയാണ് കല്യാണം കഴിക്കാൻ പോകുന്നത് എന്നത് അവസാനം വരെയും സസ്പെൻസ് ആയി വെച്ചിട്ടാണ് ​ഗൗരി വരനെ കുറിച്ച് വെളിപ്പെടുത്തിയത്. സീരിയൽ ലോകത്ത് തന്നെ ഉള്ള ആളാണെന്നും എന്നാൽ ക്യാമറയ്ക്ക് പിന്നിലാണ് എന്നും സൂചനകൾ നൽകിയ ശേഷമാണ് പൗർണമിതിങ്കൾ സംവിധായകൻ മനോജിനെയാണ് താൻ വിവാഹം ചെയ്യുന്നത് എന്ന് വെളിപ്പെടുത്തിയത്. മനോജ് സാർ എന്നാണ് ഭാവി വരനെ ​ഗൗരി വിളിക്കുന്നത്. തുടക്കത്തിൽ‌ അത് എല്ലാവരേയും അത്ഭുതപ്പെടുത്തിയിരുന്നു. ലൊക്കേഷനിൽ വിളിച്ച ശീലിച്ച കാര്യമായതിനാൽ പെട്ടന്ന് മാറ്റാൻ കഴിയുന്നില്ലെന്നാണ് ​ഗൗരി കൃഷ്ണൻ അന്ന് മാധ്യമങ്ങളോട് പറഞ്ഞത്. വിവാഹം തീരുമാനിച്ചപ്പോൾ നേരിട്ട വിമർശനങ്ങളെ കുറിച്ച് തുറന്ന് പറഞ്ഞിരിക്കുകയാണ് ​ഗൗരി കൃഷ്ണനിപ്പോൾ. നടി അൻഷിത അൻജിയുമായുള്ള സംഭാഷണത്തിനിടെയാണ് ​ഗൗരി കൃഷ്ണൻ മനസ് തുറന്നത്.

തനിയ്ക്ക് കല്യാണം ഉണ്ട് എന്ന് പറഞ്ഞപ്പോൾ പലർക്കും അതിശയമായിരുന്നുവെന്നാണ് ​ഗൗരി പറയുന്നത്. 'നിന്റെ സ്വഭാവത്തിന് നീ കല്യാണം കഴിക്കാത്തത് ആണ് നല്ലത്' എന്ന് കൂടെ ജോലി ചെയ്യുന്ന ഒരു ആർട്ടിസ്റ്റ് മുഖത്ത് നോക്കി പറഞ്ഞുവെന്നും ​ഗൗരി വെളിപ്പെടുത്തി. ​​ഗൗരി താൻ‌ കേട്ട വിമർശനങ്ങളെ കുറിച്ച് പറഞ്ഞപ്പോൾ ഗൗരി ചേച്ചിയുടെ സ്വഭാവം അത്ര മോശമല്ല എന്നാണ് അൻഷിത പറഞ്ഞത്. എന്തും വെട്ടിത്തുറന്ന് പറയുന്ന പ്രകൃതക്കാരിയാണ്. നോ പറയേണ്ടിടത്ത് നോ പറയും. അത്തരം ഒരു സ്വഭാവം ഉള്ളത് കൊണ്ട് ആവാം അടുത്തറിയാവുന്നവർ ഒരു പക്ഷെ ഗൗരിയ്ക്ക് കല്യാണ ജീവിതം ശരിയാവില്ല എന്ന് തെറ്റിദ്ധിരച്ചത് എന്നാണ് അൻഷിത പറയുന്നത്.

Recommended Video

ഈ വർഷം മമ്മൂക്ക അങ്ങ് എടുക്കുവാ..ഭീഷ്മ ബോക്സ് ഓഫീസ് തൂത്തുവാരി

'പെണ്ണിന് അഭിപ്രായ സ്വാതന്ത്രം ഉണ്ടെങ്കിൽ വിവാഹം ചെയ്യുന്നതിൽ എന്താണ് തെറ്റ്. നല്ല ഒരു ആൺ ആണെങ്കിൽ അയാൾ പെണ്ണിന്റെ അഭിപ്രായങ്ങളെയും മാനിക്കും. ദൈവം സഹായിച്ച് എനിക്ക് കിട്ടിയത് അങ്ങനെ ഒരാളെയാണ്' ഗൗരി പറഞ്ഞു. പണ്ടൊക്കെ കല്യാണത്തെ കുറിച്ച് ചോദിക്കുമ്പോൾ ഹൊ അതൊന്നും വേണ്ട എന്ന ഭാവമായിരുന്നു ഗൗരി ചേച്ചിക്കെന്ന് അൻഷിത പറയുന്നു. ഒന്നും പ്ലാൻ ചെയ്തിരുന്നില്ലെന്നും എല്ലാം പെട്ടന്നായിരുന്നു എന്നും ​ഗൗരി പറയുന്നു. നിശ്ചയം കഴിഞ്ഞുവെന്നേയുള്ളൂവെന്നും കല്യാണത്തിന്റെ തിയ്യതി പറയാറായിട്ടില്ലെന്നും വിവാഹം വൈകുമെന്നും ​ഗൗരി കൃഷ്ണ കൂട്ടിച്ചേർത്തു.