ദാസേട്ടന്റെ പല വാക്കുകളും വേദനിപ്പിച്ചു!! തന്റെ അവസരങ്ങൾ നഷ്ടമായി, വെളിപ്പെടുത്തലുമായി മാർക്കോസ്

യോശുദാസിനെ അനുകരിക്കാൻ ശ്രമിക്കുന്നു

കഴിഞ്ഞ കുറെ വർഷങ്ങളായി യേശുദാസിനെ അനുകരിക്കാൻ ശ്രമിക്കുന്നു എന്നുള്ള ആരോപണം കേട്ട് വരുകയാണെന്ന് മാർക്കോസ് തുറന്ന് പറഞ്ഞു. ഇത് മറ്റുള്ളവർ മാത്രമല്ല ദാസേട്ടനിൽ നിന്നു പോലും ഇത്തരത്തിലുള്ള പരാമർശം ഉണ്ടായിണ്ട്. യേശുദാസ് ഒരു ഐഡന്റിറ്റി ഉണ്ടാക്കിയെടുത്തു എന്ന് കരുതി മറ്റാരും അത് ഉപയോഗിക്കാൻ പാടില്ല എന്ന് പറയുന്നത് ശരിയായ നിലപാടല്ലെന്നും മാർക്കോസ് പറഞ്ഞു.

അച്ഛന്റെ ഓർമ

യോശുദാസിനെ അനുകരിക്കാൻ ശ്രമിക്കുന്നു എന്ന് പറഞ്ഞാണ് എല്ലാവരും എന്നെ വിമർശിച്ചിരുന്നത്. എന്നാൽ സത്യം അങ്ങനെയല്ല. തന്റെ അച്ഛന്റെ ഓർമയ്ക്കായിട്ടാണ് വെള്ള വസ്ത്രം ധരിക്കുന്നത്. എന്റെ അച്ഛൻ ആരോഗ്യ വിഭാഗവുമായി ബന്ധപ്പെട്ട് പ്രവർത്തിച്ച വ്യക്തിയായിരുന്നു. അതു കൊണ്ട് തന്നെ ഞങ്ങൾക്ക് അധികവും വെളള വസ്ത്രങ്ങളാണ് വാങ്ങി തന്നിരുന്നത്. കൂടാതെ താൻ പാട്ട് പാടി തുടങ്ങിയ കാലം മുതൽ വെളള വസ്ത്രങ്ങളാണ് ധരിച്ചിരുന്നത്.

വെള്ളവസ്ത്രം

വെള്ളവസ്ത്രത്തിൽ മാത്രമാണ് യോശുദാസിനെ കാണാൻ സാധിക്കുന്നത്. അദ്ദേഹം പിന്നണി ഗായിക മേഖലയിലേയ്ക്ക് വന്നതു മുതൽ ഇപ്പോൾ വരെ അദ്ദേഹം വെളള നിറമുളള വസ്ത്രങ്ങളാണ് ഉപയോഗിക്കുന്നത്. എന്നാൽ ഇതുപോലെ തന്നെയാണ് മാർക്കോസും. വെള്ള വസ്ത്രങ്ങൾ മാത്രമാണ് ധരിച്ചിരുന്നത്.

ദാസേട്ടനും വിമർശിച്ചിരുന്നു

സിനിമ ലോകത്തുള്ളവർ മാത്രമല്ല ദാസേട്ടനും താൻ അദ്ദേഹത്തെ അനുകരിക്കാൻ ശ്രമിക്കുന്നുവെന്ന് ധാരണയുണ്ടായിരുന്നു. ഇതിനെ തുടർന്ന് അദ്ദേഹം പറഞ്ഞ ചിലവാക്കുകൾ തന്നെ വല്ലാതെ വേദനിപ്പിച്ചുവെന്നും മാർക്കോസ് ഈ അവസരത്തിൽ പറഞ്ഞു. വെള്ള വസ്ത്രം ധരിക്കുന്ന ട്രെന്റ് ആദ്യമായി കൊണ്ട് വന്നത് ദാസേട്ടൻ തന്നെയാണ് എന്നാൽ അത് മാറ്റാരും പിന്തുടരരുതെ എന്ന് പറയുന്നത് ശരിയായ കാര്യമല്ലെന്നും മാർക്കോസ് അഭിപ്രായപ്പെട്ടു.

സിനിമയിൽ അവസരം കുറഞ്ഞു

ഇതു കാരണം തനിയ്ക്ക് സിനിമ മേഖസയിൽ തന്നെ അവസര കുറഞ്ഞിരുന്നു. സിനിമ മേഖലയിലുളള പലരും തന്നെ പരിഹസിക്കാനും വിമർശിക്കാനും തുടങ്ങി. ദാസേട്ടനെ അനുകരിക്കുന്നു എന്നായിരുന്നു ഇവരുടെ ആരോപണവും വിമർശനവും. എന്നാൽ ഇവരുടെ ഈ നിലപാടുകൾക്കെതിരെ ശക്തമായ ഭാഷയിൽ തന്നെ താൻ പ്രതികരിക്കുകയും ചെയ്തിരുന്നെന്നും മാർക്കോസ് പറഞ്ഞു.