മോഹൻലാലിനേയും മമ്മൂട്ടിയേയും അല്ല ഇഷ്ടം, മലയാളത്തിലെ തന്റെ പ്രിയപ്പെട്ട നടനെ കുറിച്ച് മീന

മോഹൻലാൽ മമ്മൂട്ടി ചിത്രങ്ങളിൽ തിളങ്ങിയ മീന തന്റെ പ്രിയപ്പെട്ട നടനെ കുറിച്ച് വെളിപ്പെടുത്തുകയാണ്. ഇൻസ്റ്റഗ്രാം ക്യു. എ സെക്ഷനിലാണ് ഇക്കാര്യം തുറന്ന് പറഞ്ഞത്. പ്രിയപ്പെട്ട നടൻ ആരാണ് എന്നുള്ള ആരാധകന്റെ ചോദ്യത്തിനായിരുന്ന നടിയുടെ മറുപടി. മലയാളത്തിലെ മാത്രമല്ല തെന്നിന്ത്യൻ സിനിമയില തന്റെ പ്രിയപ്പെട്ട നടന്മാരെ കുറിച്ചും നടി പറഞ്ഞിട്ടുണ്ട്.

നടൻ നെടുമുടി വേണുവാണ് മലയാളത്തിൽ മീനയുടെ പ്രിയപ്പെട്ട നടൻ. ശിവാജി ഗണേശനും നാഗേശ്വരറാവുമാണ് മീനയുടെ മറ്റ് രണ്ട് പ്രിയപ്പെട്ട അഭിനേതാക്കൾ. ശിവാജി ഗണേശന്റെ നെഞ്ചങ്ങൾ എന്ന തമിഴ് സിനിമയിൽ ബാലനടിയായിട്ടായിരുന്നു മീനയുടെ തുടക്കം. ശിവാജി ഗണേശൻ ആയിരുന്നു മീനയെ കണ്ടെത്തുന്നത്. അത് അഭിമാനത്തോടെയാണ് ഇപ്പോഴും മീന പറയുന്നത്. ഒരു പിറന്നാൾ പാർട്ടിക്കിടെയാണ് മീനയെ ആദ്യമായ നടൻ കാണുന്നത്. തുടർന്ന് സിനിമയിലേയ്ക്ക് ക്ഷണിക്കുകയായിരുന്നു. ഈ മൂന്ന് താരങ്ങളോടൊപ്പവും മീന മികച്ച ചിത്രങ്ങളിൽ അഭിനയിച്ചിട്ടുണ്ട്.

അതുപോലെ തന്റെ പ്രിയപ്പട്ട നായകന്മാരെ കുറിച്ചുമുളള്ള ചോദ്യങ്ങൾ നടി ഉത്തരം നൽകിയിട്ടുണ്ട്. മോഹൻലാലിനെയാണോ മമ്മൂട്ടിയെയാണോ കൂടുതൽ ഇഷ്ടമെന്ന് ഒരു ആരാധകൻ ചോദ്യം ചോദിച്ചിരുന്നു. രണ്ട് പേരേയും ഒരുപോലെ ഇഷ്ടമാണെന്ന രീതിയിൽ ''ലാലൂട്ടി'' എന്നായിരുന്നു നടി മറുപടി നൽകിയത്. കൂടാതെ കമൽ ഹാസാനുമായുള്ള ചിത്രവും രജനികാന്തുമായുളള ചിത്രവും നടി പങ്കുവെച്ചിരുന്നു. കൂടാതെ തന്റെ പ്രിയപ്പെട്ട സംവിധായകരെ കുറിച്ചും നടി വെളിപ്പെടുത്തിയിരുന്നു. ജീത്തു ജോസ്ഫ്, സിദ്ദിഖ് എന്നിവരാണ് മലയാളത്തിലെ പ്രിയപ്പെട്ട സംവിധായകർ.

Recommended Video

മീനയോടു പറഞ്ഞതാ മേക്കപ്പിന്റെ കാര്യം,,എന്ത് ചെയ്യാനാ ? ​| Filmibeat Malayalam

നടൻ പൃഥ്വിരാജ് സംവിധാനം ചെയ്യുന്ന ബ്രോ ഡാഡിയാണ് മീനയുടെ മലയാളത്തിലെ ഏറ്റവും പുതിയ പ്രൊജക്ട്. മോഹൻലാലാണ് ചിത്രത്തിലെ നായകൻ. കല്യാണി പ്രിയദർശനും ഒരു പ്രധാന വേഷത്തിലെത്തുന്നുണ്ട്. ദൃശ്യം 2 ആണ് ഏറ്റവും ഒടുവിൽ പുറത്തിറങ്ങിയ ചിത്രം. ആമസോൺ പ്രൈമിലാണ് സിനിമ റിലീസ് ചെയ്തത്. ദൃശ്യത്തിന്റെ തെലുങ്ക് പതിപ്പും പൂർത്തിയായിട്ടുണ്ട്. കൂടാതെ ദൃശ്യത്തിന്റെ തമിഴ് പതിപ്പിൽ കമൽ ഹാസന്റെ നായികയായും മീന എത്തുന്നു എന്നുള്ള റിപ്പോർട്ട് പ്രചരിച്ചിരുന്നു. ഇതിനെ കുറിച്ചും പ്രേക്ഷകർ ചോദിച്ചിരുന്നു. കമൽ ഹാസനോട് ചോദിക്കു എന്നായിരുന്നു നടിയടുടെ രസകരമായ മറുപടി.