ആ സമയത്ത് അച്ഛനും അമ്മയും എനിക്കൊപ്പം ഉണ്ടായിരുന്നു; എന്ത് വന്നാലും കൂടെയുണ്ടെന്ന് പറഞ്ഞു, മീനാക്ഷി

അഡല്‍ട്ടില്‍ അഭിനയിക്കാന്‍ തീരുമാനിച്ചപ്പോഴോ അഭിനയിച്ച് കൊണ്ടിരുന്നപ്പോഴോ ഇത്രയും വലിയ പ്രതികരണം പ്രേക്ഷകരുടെ ഭാഗത്ത് നിന്ന് ഉണ്ടാകുമെന്ന് ഞാന്‍ ഒരിക്കലും കരുതിയില്ല. സിനിമ യൂട്യൂബില്‍ റിലീസ് ചെയ്തതിന് ശേഷമാണ് എനിക്ക് ധാരാളം കോളുകളും സന്ദേശങ്ങളും വന്ന് കൊണ്ടിരിക്കുന്നത്. അവരില്‍ അമ്മമാരേക്കാള്‍ കൂടുതല്‍ അച്ഛന്മാരായിരുന്നു.

കാരണം അവരില്‍ പലര്‍ക്കും സ്വന്തം ജീവിതവുമായി റിലേറ്റ് ചെയ്യാന്‍ പറ്റി എന്നതാണ്. എന്റെ അച്ഛനും ചോദിച്ചു. നീ വലിയ കുട്ടിയായാല്‍ എന്നില്‍ നിന്ന് അകന്ന് പോകുമോ എന്ന്. അപ്പോഴാണ് മനസിലായത് അഡല്‍റ്റിന് ഒരുപാട് ആളുകളുടെ ഹൃദയത്തില്‍ സ്പര്‍ശിക്കാന്‍ സാധിച്ചുവെന്ന്. ഞാന്‍ കുറച്ച് സിനിമകള്‍ ചെയ്തിട്ടുണ്ടെങ്കിലും എന്റെ കഥാപാത്രത്തിന് സാധാരണക്കാരുടെ ഭാഗത്ത് നിന്നായാലും സിനിമാ പ്രവര്‍ത്തകരുടെ ഭാഗത്ത് നിന്നായാലും ഇത്രയേറെ സ്വീകാര്യത കിട്ടുന്നത് ഇതാദ്യമായാണ്.

ആദ്യമായി എനിക്ക് ആര്‍ത്തവമുണ്ടായ സമയത്ത് എനിക്കൊപ്പം അച്ഛനും അമ്മയും ഉണ്ടായിരുന്നു. എന്നിരുന്നാലും സിനിമയില്‍ കാണിച്ചിരിക്കുന്ന കഥാപാത്രത്തിന്റെ മാനസികാവസ്ഥ എന്തായിരിക്കുമെന്ന് എനിക്ക് നന്നായി അറിയാം. വല്ലാത്ത ദേഷ്യവും സങ്കടവുമായിരുന്നു അപ്പോഴെനിക്ക്. സങ്കടപ്പെടേണ്ട, ഇതൊന്നും വലിയ കാര്യമല്ല. തികച്ചും സ്വാഭാവികമാണെന്ന് അച്ഛന്‍ പറഞ്ഞ് ആശ്വസിപ്പിച്ചു.

എന്ത് വന്നാലും കൂടെയുണ്ടെന്ന് അമ്മയും. അവരുടെ വാക്കുകള്‍ നല്‍കിയ ആശ്വാസം പറഞ്ഞറിയിക്കാന്‍ വയ്യ. ബോബന്‍ സാമുവല്‍ (സംവിധായകന്‍ ബോബന്‍ സാമുവല്‍) അങ്കിളിനോട് ഞാന്‍ കടപ്പെട്ടിരിക്കുന്നു. കാരണം അദ്ദഹമാണ് എന്നെ ഈ ചിത്രത്തിലേക്ക് നിര്‍ദ്ദേശിക്കുന്നത്. ഞാന്‍ നേരത്തെ അദ്ദേഹത്തോടൊപ്പം അമീറ എന്നൊരു സിനിമ ചെയ്തിട്ടുണ്ട്.

Recommended Video

സാന്ദ്രയുടെ കുസൃതി കുഞ്ഞുങ്ങളെ കണ്ടോ | FilmiBeat Malayalam

ഈ ക്യാരക്ടര്‍ മീനൂട്ടി ചെയ്താല്‍ നന്നായിരിക്കുമെന്ന് അങ്കിള്‍ പറഞ്ഞപ്പള്‍ വലിയ സന്തോഷമായി. എന്നില്‍ അദ്ദേഹത്തിന് ആത്മവിശ്വാസം ഉള്ളത് കൊണ്ടാണല്ലോ നിര്‍ദ്ദേശിച്ചത്. അതുപോലെ സംവിധായകന്‍ അഘോഷ് വൈഷ്ണവത്തിനും നിര്‍മാതാവിനും മറ്റ് എല്ലാ അണിയറ പ്രവര്‍ത്തകര്‍ക്കം ചിത്രത്തെയും എന്റെ കഥാപാത്രത്തെയും ഏറ്റെടുത്ത പ്രേക്ഷകര്‍ക്കും ഞാന്‍ നന്ദി പറയുന്നു.