ദിലീപിനൊപ്പമെത്തിയ മീനാക്ഷി മുത്തശ്ശിയെ കെട്ടിപ്പിടിച്ചു, മാമനെയും ആശ്വസിപ്പിച്ചു, പക്ഷേ മഞ്ജു വാര്യരെയോ?

അപ്രതീക്ഷിതമായ സന്ദര്‍ശനം

മാധവ വാര്യരെ അവസാനമായി കാണാന്‍ മീനാക്ഷിയും ദിലീപും എത്തുമെന്ന് പലരും പ്രതീക്ഷിച്ചിരുന്നില്ല. മുത്തച്ഛനെ അവസാനമായി കാണുന്നതിന് വേണ്ടിയാണ് മകളെയും കൂട്ടി ദിലീപ് എത്തിയത്. അപ്രതീക്ഷിതമായി ഇവരെത്തിയപ്പോള്‍ എല്ലാവരും ഞെട്ടിയിരുന്നു. സംസ്‌കാരത്തിന് നിമിഷങ്ങള്‍ ബാക്കിനില്‍ക്കവെയാണ് ഇവരെത്തിയത്. അടുത്ത ബന്ധുക്കളോട് സംസാരിച്ചതിന് ശേഷമാണ് ഇവര്‍ മടങ്ങിയത്.

പ്രതികരിക്കാന്‍ നിന്നില്ല

കുട്ടികളുടെയും കുടുംബ പ്രേക്ഷകരുടെയും പ്രിയപ്പെട്ട താരമായ ദിലീപ് ഏത് ചടങ്ങില്‍ പങ്കെടുക്കാനെത്തിയാലും അത് ശ്രദ്ധിക്കപ്പെടാറുണ്ട്. മീനാക്ഷി കൂടെയുണ്ടെങ്കിലും സമാന അവസ്ഥയാണ്. ഇരുവരും പുള്ളിലെ വീട്ടിലേക്കെത്തിയപ്പോള്‍ പ്രതികരണം ആരാഞ്ഞ് പലരും ഇവരെ വളഞ്ഞിരുന്നു. എന്നാല്‍ ഒന്നും പറയാതെ ഇരുവരും അപ്രത്യക്ഷരാവുകയായിരുന്നു. സന്ദര്‍ശനത്തിനിടയിലെ വീഡിയോയും ചിത്രങ്ങളും സോഷ്യല്‍ മീഡിയയിലൂടെ പ്രചരിച്ചിരുന്നു.

വീഡിയോ പ്രചരിച്ചു

ദിലീപിന്റെ കൈപിടിച്ച് മഞ്ജു വാര്യരുടെ വീട്ടിലേക്ക് കയറിപ്പോവുന്ന മീനാക്ഷിയുടെ വീഡിയോ സോഷ്യല്‍ മീഡിയയിലൂടെ വൈറലായിരുന്നു. വിവിധ മാധ്യമങ്ങളിലും ഫേസ്ബുക്കിലുമായി വീഡിയോ പ്രചരിച്ചിരുന്നു. എന്നാല്‍ അതിന് ശേഷം സംഭവിച്ച കാര്യത്തെക്കുറിച്ച് അറിയാനായാണ് പലരും കാത്തിരുത്. മധു വാര്യരോടും അടുത്ത ബന്ധുക്കളോടും ഇരുവരും സംസാരിച്ചിരുന്നുവെന്ന തരത്തിലുള്ള റിപ്പോര്‍ട്ടുകളായിരുന്നു നേരത്തെ പ്രചരിച്ചത്. എല്ലാവരോടും സംസാരിച്ചതിന് ശേഷമാണ് ഇവര്‍ മടങ്ങിയതെന്നും റിപ്പോര്‍ട്ടുകളുണ്ടായിരുന്നു.

മഞ്ജു വാര്യരുടെ അമ്മയെ ആശ്വസിപ്പിച്ചു

മാധവ വാര്യരെ ഒരുനോക്ക് കണ്ടതിന് ശേഷം മഞ്ജു വാര്യരുടെ അമ്മയെ കെട്ടിപ്പിടിച്ച് ആശ്വസിപ്പിച്ച ദിലീപ് പിന്നീട് മറ്റാരോടും സംസാരിച്ചിരുന്നില്ലെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. ലേഡി സൂപ്പര്‍ സ്റ്റാറിന്റെ കുടുംബവുമായി അടുത്ത ബന്ധമുള്ളവരാണ് ഇവരുടെ സന്ദര്‍ശനത്തെക്കുറിച്ചുള്ള കൂടുതല്‍ കാര്യങ്ങള്‍ വ്യക്തമാക്കിയത്.

മീനാക്ഷിയുടെ പെരുമാറ്റം

ദിലീപും മഞ്ജു വാര്യരും വേര്‍പിരിയുമ്പോള്‍ അച്ഛനൊപ്പം പോവാനാണ് മീനാക്ഷി താല്‍പര്യപ്പെട്ടത്. മകളുടെ തീരുമാനത്തെ അനുകൂലിക്കുകയായിരുന്നു മഞ്ജു വാര്യര്‍. കുട്ടിക്കാലം മുതല്‍ അച്ഛനോട് കൂടുതല്‍ അടുപ്പം പ്രകടിപ്പിച്ചിരുന്നു ഈ താരപുത്രി. മകളെ വളരയെധികം സ്‌നേഹിക്കുന്ന പിതാവാണ് താനെന്ന് ദിലീപും വ്യക്തമാക്കിയിരുന്നു. വര്‍ഷങ്ങളുടെ ഇടവേളയ്ക്ക് ശേഷം രണ്ടാമതായി വിവാഹം ചെയ്തത് മകളുടെ നിര്‍ബന്ധപ്രകാരമായിരുവെന്ന്് താരം വ്യക്തമാക്കിയിരുന്നു. മുത്തച്ഛന്റെ കാലില്‍ തൊട്ട്് വന്ദിച്ചതിന് ശേഷം മുത്തശ്ശിയേയും മാമനെയും ആശ്വസിപ്പിച്ച മീനാക്ഷി മഞ്ജു വാര്യരോട് സംസാരിക്കാന്‍ കൂട്ടാക്കിയിരുന്നില്ലെന്നും അടുത്ത വൃത്തങ്ങള്‍ പറയുന്നു.

തീരുമാനത്തിന് കൈയ്യടി

മുത്തച്ഛന്റെ വിയോഗത്തെക്കുറിച്ച് അറിഞ്ഞപ്പോള്‍ അവസാനമായി കാണാനെത്തിയ താരപുത്രിയുടെ തീരുമാനത്തിന് മികച്ച പിന്തുണ ലഭിച്ചിരുന്നു. ബോളിവുഡ് മാതൃക മലയാള സിനിമയും പിന്തുടര്‍ന്നതില്‍ സിനിമാപ്രേമികളും ആശ്വാസത്തിലായിരുന്നു. ബോൡുഡിലെ എവര്‍ഗ്രീന്‍ താരറാണിയായ ശ്രീദേവിയുടെ അപ്രതീക്ഷിത വിയോഗത്തെക്കുറിച്ച് അറിഞ്ഞപ്പോള്‍ പിണക്കം മാറ്റിവെച്ച് അര്‍ജുന്‍ കപൂര്‍ ഓടിയെത്തിയിരുന്നു. സമാനമായ കാര്യമാണ് ഇപ്പോള്‍ മലയാള സിനിമയിലും നടന്നത്.

വീഡിയോ കാണാം

ദിലീപിന്റെയും മീനാക്ഷിയുടെയും സന്ദര്‍ശനം, വീഡിയോ കാണാം.