എന്നെ ആരെങ്കിലുമൊന്ന് അടിച്ചാല്‍ ഉമ്മയുടെ കണ്ണ് നിറയും, ഒരു പാവമാണ്, അമ്മയെ കുറിച്ച് മനസ് തുറന്ന് മമ്മൂട്ടി

ഇപ്പോഴിത സിനിമ കോളങ്ങളിലും സോഷ്യൽ മീഡിയയിലും വൈറലാവുന്നത് ഉമ്മയെ കുറിച്ച് മെഗാസ്റ്റാർ പറഞ്ഞ വാക്കുകളാണ്. മമ്മൂക്കയുടെ ഫാൻസ് പേജുകളിലൂടെ നിമിഷനേരം കൊണ്ട് ഇത് വൈറലായിരിക്കുകയാണ്. എന്റെ ഉമ്മ ഒരു പാവമാണ്. ഞാൻ അഭിനയിക്കുന്ന സിനിമയിൽ എന്റെ കഥാപാത്രത്തിന് എന്തെങ്കിലും സംഭവിച്ചാൽ എന്നെ ആരെങ്കിലുമൊന്ന് അടിച്ചാൽ ഉമ്മയുടെ കണ്ണ് ഇപ്പോഴും നിറയും. എന്റെ സിനിമയിൽ ഏതാണ് ഇഷ്ടം എന്റെ ഏതു കഥാപാത്രമാണ് കൂടുതൽ മികച്ചത് എന്നാരെങ്കിലും ചോദിച്ചാലും ഉമ്മ കൈമലർത്തും. അങ്ങനൊന്നും പറയാൻ എന്റെ ഉമ്മക്കറിയില്ല എന്നാണ് മെഗാസറ്റാർ പറയുന്നത്.

മികച്ച കമന്റുകാളാണ് സോഷ്യൽ മീഡിയയിൽ നിന്ന് ലഭിക്കുന്നത്. ഭാഗ്യം ചെയ്ത അമ്മയല്ലേ, മലയാളത്തിന്റെ പുണ്യവതിയായ ഉമ്മ ഫാത്തിമ ഉമ്മ, മമ്മൂക്ക എല്ലാ അർത്ഥത്തിലും ഭാഗ്യവാനാണ് തുടങ്ങിയ കമന്റുകളുമായാണ് ലഭിക്കുന്നത്. മുൻപ് കൈരളിയ്ക്ക് നൽകിയ അഭിമുഖത്തിൽ പിതാവിന്റെ വിയോഗത്തെ കുറിച്ച് മമ്മൂക്ക പറഞ്ഞിരുന്നു. അച്ഛന്റെ വിയോഗം താരത്തെ ഏറെ തളർത്തി എന്നായിരുന്നും അഭിമുഖത്തിൽ പറഞ്ഞിരുന്നത്. അതിന് ശേഷം മരണത്ത കുറിച്ച് ഏറെ ചിന്തിക്കാൻ തുടങ്ങിയെന്നു മമ്മൂട്ടി പറയുന്നുണ്ട്.

മെഗാസ്റ്റാറിന്റെ വാക്കുകൾ ഇങ്ങനെ... അച്ഛന്റെ നഷ്ടമാണ് ജീവിതത്തിൽ ഏറ്റവും കൂടുതൽ തളർത്തിയത്.വാപ്പയുടെ വിയോഗത്തിന് ശേഷമാണ് ഇതിനെ കുറിച്ച് കൂടുതൽ ചിന്തിക്കാൻ തുടങ്ങിയത്. ജീവിതത്തിലെ ഏറ്റവും വലിയ നഷ്ടമായിരുന്നു അത്. ചെറുപ്പത്തിൽ വാപ്പയുടെ സഹോദരനേയും ഏറ്റവും അടുത്ത ആളുകളേയുമെല്ലാം നഷ്ടപ്പെട്ടിട്ടുണ്ട്. എന്നാൽ വാപ്പയെ നഷ്ടപ്പെടുമെന്ന് ഞാൻ ഒരിക്കൽ പോലും വിചാരിച്ചിരുന്നില്ല. പെട്ടെന്നായിരുന്നു അദ്ദേഹത്തിന്റെ വിയോഗം. ആ സമയം ഞാൻ ഇവിടെ ഇല്ലായിരുന്നു. അതിന് ശേഷമാണ് മരണത്തെ കുറിച്ച് ഞാൻ ചിന്തിച്ച് തുടങ്ങുന്നത്. എന്നിൽ നിന്ന് ആദ്യമായി നഷ്ടപ്പെട്ട് പോകുന്നത് അച്ഛനെയാണെന്നും മമ്മൂട്ട അന്ന് പറഞ്ഞിരുന്നു,

Recommended Video

നയന്‍താരയെക്കൊണ്ടുള്ള പൊല്ലാപ്പ് ചില്ലറയല്ല..ഇവര്‍ മമ്മൂക്കയെ കണ്ട് പഠിക്കണം | FilmiBeat Malayalam

കൊവിഡ് ലോക്ക് ഡൗൺ പ്രതിസന്ധിയ്ക്ക് ശേഷം മെഗാസ്റ്റാർ വീണ്ടും സിനിമയിൽ സജീവമായിട്ടുണ്ട്. നിരവധി ചിത്രങ്ങളാണ് താരത്തിന്റേതായി അണിയറയിൽ ഒരുങ്ങുന്നത്. വൺ, പ്രീസ്റ്റ് എന്നീ ചിത്രങ്ങളാണ് ഈ വർഷം തിയേറ്ററിലെത്തിയ മെഗാസ്റ്റാർ ചിത്രം. ഭീഷ്മ പർവ്വം, പുഴു എന്നീ സനിമകളുടെ ചിത്രീകരണം പൂർത്തിയായിട്ടുണ്ട. തെലുങ്കിലും നടന്റെ ചിത്രം ഒരുങ്ങുന്നുണ്ട് ടോളിവുഡ് താരം നാഗർജ്ജുനയുടെ മകൻ അഖിൽ ആണ് നാടകൻ.യാത്രയ്ക്ക് ശേഷം മമ്മൂട്ടി ചെയ്യുന്ന തെലുങ്ക് ചിത്രമാണിത്. മലയാളത്തിൽ നിരവധി സിനിമകളുടെ ചർച്ചയും നടക്കുന്നുണ്ട്.