സിനിമയിലെ 50 വർഷങ്ങളെ കുറിച്ച് ഒരിക്കൽ കൂടി ചിന്തിച്ച് മമ്മൂട്ടി, പുതിയ ചിത്രം വൈറലാകുന്നു

ഇപ്പോഴിത സമൂഹമാധ്യമങ്ങളിലും സിനിമാ കോളങ്ങളിലും ചർച്ചയാകുന്നത് മെഗാസ്റ്റാറിന്റെ പുത്തൻ ചിത്രമാണ്. മമ്മൂക്ക തന്നെയാണ് ചിത്രം സമൂഹമാധ്യമങ്ങളിൽ പങ്കുവെച്ചിരിക്കുന്നത്. 50 വർഷങ്ങൾ എന്ന് കുറിച്ച് കൊണ്ടാണ് പുതിയ ഫോട്ടോ പങ്കുവെച്ചിരിക്കുന്നത്. മറ്റൊരു ചിത്രം ഇൻസ്റ്റഗ്രാമിൽ സ്റ്റോറിയായും പോസ്റ്റ് ചെയ്തിട്ടുണ്ട്. . സൺഡെ എന്ന് കുറിച്ച് കൊണ്ടാണ് ചിത്രം സ്റ്റോറിയാക്കിയിരിക്കുന്നത്. മമ്മൂക്കയുടെ പുതിയ ചിത്രം സമൂഹമാധ്യമങ്ങളിൽ വൈറലായിട്ടുണ്ട്.

വെള്ള നിറത്തിലുള്ള ഷർട്ടും മുണ്ടും ധരിച്ച് പുറത്തേയ്ക്ക് നോക്കി എന്തോ ആലോചിച്ചിരിക്കുന്ന മമ്മൂക്കയെയാണ് ചിത്രത്തിൽ കാണുന്നത്. ഇൻസ്റ്റഗ്രാം സ്റ്റോറിയായി പോസ്റ്റ് ചെയ്തിരിക്കുന്ന ചിത്രത്തിൽ മൊബൈലിൽ നോക്കിയിരിക്കുന്ന മെഗാസ്റ്റാറിനെയാണ് കാണുന്നത്. സാധാരണ പോലെ തന്നെ നിമിഷനേരം കൊണ്ട് ചിത്രങ്ങളും വൈറലായിട്ടുണ്ട്. താരങ്ങളും ആരാധകരും മെഗാസ്റ്റാറിന്റെ പുതിയ ചിത്രം ആഘോഷമാക്കുകയാണ്. വ്യത്യസ്ത ഗെറ്റപ്പുകളിലാണ് ഓരോ തവണയും താരം പ്രേക്ഷകരുടെ മുന്നിൽ എത്തുന്നത്.

നീരജ് മാധവന്, രമേഷ് പിഷാര‍ടി, പേളി മാണി, അഷിഖ് അബു, പൃഥ്വിരാജ് എന്നിങ്ങനെ നിരവധി താരങ്ങൾ ചിത്രത്തിന് കമന്റുമായി എത്തിയിരിക്കുന്നത്. പാളിച്ചകളില്ലാത്ത അനുഭവങ്ങൾ എന്നായിരുന്നു പിഷാരാടി കമന്റ് ചെയ്തത്. കിംഗ് എന്നായിരുന്നു പൃഥ്വി കമന്റ് ചെയ്തത്. നിങ്ങളൊരു ജിന്നാണ് ബോസ്, രാജകീയം, സിനിമാ ജീവിതത്തിലെ 50 വർഷങ്ങൾ, മലയാളം സിനമയുടെ രാജാവ്, ഒരോയൊരു രാജാവ് എന്നിങ്ങനെയുള്ള കമന്റുകളാണ് ചിത്രത്തിന് ലഭിക്കുന്നത്. മമ്മൂട്ടിയുടെ ഫാൻസ് പേജുകളിലും ചിത്രം വലിയ ചർച്ചയായിട്ടുണ്ട്.

Recommended Video

50 Years Of Mammoottysm: Interesting facts about the Megastar| FilmiBeat Malayalam

ഈ കഴിഞ്ഞ വെള്ളിയാഴ്ചയായിരുന്നു മമ്മൂട്ടി വെള്ളിത്തിരയിൽ എത്തിയിട്ട് 50 വർഷം പൂർത്തിയായത്. താരങ്ങളും ആരാധകരും ആശംസ നേർന്നു കൊണ്ട് രംഗത്ത് എത്തിയിരുന്നു. തൊട്ട് അടുത്ത ദിവസം എല്ലാവർക്കും നന്ദി അറിയിച്ചു കൊണ്ട് മെഗാസ്റ്റാറും എത്തിയിരുന്നു. ഇതിന് ശേഷമാണ് പുതിയ ചിത്രം പങ്കുവെച്ചത്. സിനിമയിൽ 50 വർഷം പിന്നിടുന്ന വേളയിലും മമ്മൂക്ക സിനിമാ ചർച്ചകളിലാണ്. 'ഭീഷ്മ പർവം', നവാഗതയായ റതീന ഷര്‍ഷാദ് ഒരുക്കുന്ന 'പുഴു' എന്നിവയാണ് മെഗാസ്റ്റാറിന്റെ ഫുതിയ ചിത്രങ്ങൾ. കൂടാതെ അഖിൽ അക്കിനേനിക്കൊപ്പം ഏജന്റ് എന്ന തെലുങ്ക് ചിത്രത്തിലും മെഗാസ്റ്റാർ എത്തുന്നുണ്ട്. താരപുത്രന്റെ വില്ലനായിട്ടാണ് മെഗാസ്റ്റാർ എത്തുന്നത്.