Don't Miss!
- Travel മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
- News മോക്ക് പോളില് ഇവിഎമ്മില് ബിജെപിക്ക് കൂടുതല് വോട്ട്: പരാതിയുമായി യുഡിഎഫും എല്ഡിഎഫും
- Automobiles 25 തികഞ്ഞ 'ധൂം' ബൈക്കിന്റെ സ്പെഷ്യല് എഡിഷനുമായി സുസുക്കി! വാങ്ങാന് എസ്യുവിയുടെ വിലയാകും
- Lifestyle കെമ്പമ്മ ദേവി നല്കിയ സ്വപ്ന ദര്ശനം; നായയെ ദൈവമായി ആരാധിക്കുന്ന ക്ഷേത്രം
- Sports IPL 2024: സാറ സൂക്ഷിച്ചോ, ഗാലറിയിലെ സുന്ദരിയെ കണ്ട് കണ്ണുതള്ളി ഗില്! സ്പാനിഷ് നടിയോ, വീഡിയോ
- Finance സൂചിക ഇടിവ് തുടർന്നേക്കും, നേട്ടമുണ്ടാക്കണമെങ്കിൽ ഈ രണ്ട് ഓഹരി വാങ്ങാം, ബ്രോക്കറേജ് ശുപാർശ ഇതാണ്
- Technology തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്!
മമ്മൂക്കയോട് മിണ്ടൂല, ഏങ്ങലടിച്ച് കരഞ്ഞ ആരാധികയോട് പിണങ്ങല്ലേന്ന് സാക്ഷാല് മമ്മൂട്ടിയും! വീഡിയോ
ആരാധക സമ്പത്തില് വലിയ ധനികനാണ് മലയാളത്തിന്റെ മെഗാസ്റ്റാര് മമ്മൂട്ടി. പ്രായഭേദമന്യേ മമ്മൂട്ടിയെ സ്നേഹിക്കുന്നവരാണ് മലയാളികള്. സെപ്റ്റംബര് ഏഴിന് മമ്മൂട്ടി തന്റെ ജന്മദിനം ആഘോഷിച്ചപ്പോഴും അദ്ദേഹത്തോടുള്ള സ്നേഹം എത്രത്തോളമുണ്ടെന്ന് ആരാധകര് തെളിയിച്ചിരുന്നു. കഴിഞ്ഞ ദിവസങ്ങളിലെല്ലാം മെഗാസ്റ്റാറിന്റെ ജന്മദിനവുമായി ബന്ധപ്പെട്ടിട്ടുള്ള വിശേഷങ്ങളായിരുന്നു വൈറലായി കൊണ്ടിരുന്നത്.
Recommended Video
കൊറോണയും പ്രശ്നങ്ങളും കാരണം മമ്മൂട്ടിയ്ക്കോ ആരാധകര്ക്കോ പുറത്തിറങ്ങാന് കഴിയാത്ത സാഹചര്യമായിരുന്നു. എങ്കിലും സമൂഹ മാധ്യമങ്ങളിലൂടെ വലിയ തരംഗമായിരുന്നു ഉണ്ടായത്. ഇക്കൊല്ലം കുടുംബത്തോടൊപ്പം കേക്ക് മുറിച്ചായിരുന്നു മമ്മൂട്ടിയുടെ പിറന്നാള് ആഘോഷവും. ആരാധകര്ക്കൊപ്പം ആഘോഷിക്കാന് കഴിയാത്തതിന്റെ നിരാശ മമ്മൂട്ടി പങ്കുവെച്ചിരുന്നു.
ഇപ്പോഴിതാ മമ്മൂട്ടിയുടെ ഒരു കുഞ്ഞാരാധികയുടെ വീഡിയോ ആണ് സോഷ്യല് മീഡിയയിലൂടെ വൈറലായി കൊണ്ടിരിക്കുന്നത്. വലിയ സങ്കടത്തോടെ ഏങ്ങലടിച്ച് കരയുകയാണ് ഈ ആരാധിക. 'മമ്മൂക്കയോട് ഞാന് മിണ്ടൂല, മമ്മൂക്ക എന്നെ ഹാപ്പി ബെര്ത്ത് ഡേ യ്ക്ക് വിളിച്ചില്ല', എന്നൊക്കെ പരാതി പറഞ്ഞ് കൊണ്ടാണ് കുഞ്ഞ് കരയുന്നത്. മമ്മൂക്കയോട് പിണക്കമാണെന്നും എന്നെ മാത്രം വിളിച്ചില്ലെന്നുമൊക്കെയാണ് കുഞ്ഞ് പരിഭവം പറയുന്നത്. മാത്രമല്ല എല്ലാവരോടും പിണങ്ങി കരഞ്ഞ് നടക്കുകയായിരുന്നു ഈ കുഞ്ഞ് മോള്.
വളരെ നിഷ്കളങ്കമായ സ്നേഹം തുളുമ്പുന്ന ഈ വീഡിയോ കുഞ്ഞിന്റെ അച്ഛന് തന്നെ പകര്ത്തിയതയതായിരുന്നു. മമ്മൂക്കയോട് കുഞ്ഞിനെ വിളിക്കാത്തത് പറഞ്ഞ് കൊടുക്കാമെന്നും നമുക്ക് മമ്മൂക്കയുടെ വീട്ടിൽ പോകാമെന്നുമൊക്കെയുള്ള ഉറപ്പ് അച്ഛന് നല്കുന്നുണ്ട്. പെരിന്തല്മണ്ണ തിരൂര്ക്കാട് സ്വദേശികളായ ഹമീദലി പുന്നക്കാടന്-സജ്ല ദമ്പതികളുടെ മകള് പീലിയാണ് മമ്മൂക്കയുടെ കട്ടഫാനായ ഈ കുഞ്ഞ്. സമൂഹ മാധ്യമങ്ങളിലൂടെ പുറത്ത് വന്ന ഈ വീഡിയോ ആരാധകര്ക്കിടയില് വലിയ തരംഗമായി മാറി. കറങ്ങി തിരിഞ്ഞ് ഒടുവില് മമ്മൂട്ടിയുടെ കൈയില് തന്നെ ഇത് എത്തി എന്നുള്ളതാണ് രസകരമായ മറ്റൊരു കാര്യം. ഒടുവിലിതാ സാക്ഷാല് മമ്മൂട്ടി തന്നെ ഈ വീഡിയോ ഷെയര് ചെയ്തിരിക്കുകയാണ്.
'പിണങ്ങല്ലേ, എന്താ മോള്ടേ പേര്? എന്ന് ചോദിച്ച് കൊണ്ടായിരുന്നു ആരാധികയുടെ വീഡിയോ മമ്മൂട്ടി തന്റെ ഔദ്യോഗിക ഫേസ്ബുക്ക് പേജിലൂടെ പങ്കുവെച്ചത്. ആരാധകരുടെ സ്നേഹപ്രകടനങ്ങള് ഒരുപാട് കണ്ടിട്ടുള്ള വ്യക്തിയാണെങ്കിലും ആത്മമാര്ഥത നിറഞ്ഞ കുഞ്ഞിന്റെ വീഡിയോ മെഗാസ്റ്റാറിനെയും അമ്പരിപ്പിച്ചെന്ന് സൂചിപ്പിച്ച് കൊണ്ടാണ് താരരാജാവ് ഈ വീഡിയോ പോസ്റ്റ് ചെയ്തിരിക്കുന്നത്. ലക്ഷക്കണക്കിന് ആരാധകര് ഫോളോ ചെയ്യുന്ന മമ്മൂട്ടിയുടെ ഫേസ്ബുക്ക് പേജിലൂടെ വീഡിയോ വന്നതോടെ ഒരു രാത്രി കൊണ്ട് തന്നെ മമ്മൂട്ടിയും ആരാധികയും തമ്മിലുള്ള സ്നേഹം ചര്ച്ചയായി.
സെപ്റ്റംബര് ഏഴിനായിരുന്നു മെഗാസ്റ്റാര് മമ്മൂട്ടി തന്റെ 69-ാം ജന്മദിനം ആഘോഷിക്കുന്നത്. ലോകത്തിന്റെ വിവിധ കോണുകളില് നിന്ന് ജന്മദിനാശംസകള് കൊണ്ട് മൂടിയ ദിവസമായിരുന്നു അത്. ട്വിറ്ററിലും ഹാഷ് ടാഗുകള് കൊണ്ട് പുതിയൊരു റെക്കോര്ഡ് സൃഷ്ടിച്ചിരുന്നു. ഭാര്യ സുല്ഫത്തിനും മകന് ദുല്ഖറിനും അദ്ദേഹത്തിന്റെ കുടുംബത്തിനും മകള് സുറുമിയ്ക്കുമൊപ്പമായിരുന്നു പിറന്നാള് ആഘോഷം. സുറുമി സര്പ്രൈസായി സമ്മാനിച്ച കേക്ക് മുറിക്കുന്ന ചിത്രങ്ങള് മമ്മൂട്ടി തന്നെയായിരുന്നു പുറത്ത് വിട്ടത്. ഈ ചിത്രങ്ങള് വന്നതോടെയാണ് തന്നെ ഹാപ്പി ബെര്ത്ത്ഡേയ്ക്ക് മമ്മൂക്ക വിളിച്ചില്ലെന്ന പരാതിയുമായി ആരാധിക എത്തിയത്.
-
'ബിഗ് ബോസ് കഴിഞ്ഞാല് ജാസ്മിന് നല്ല ചീത്തപ്പേര്, വിവാഹം പോലും നടക്കില്ല; ഗബ്രി പൊടിയും തട്ടി പോകും'
-
അമ്മ എന്നെ വിളിച്ചു; കരച്ചിൽ വരുന്നെന്ന് പറഞ്ഞു; അതുവരെയും അങ്ങനെ സംസാരിച്ചിട്ടില്ല; നയൻസിന്റെ വാക്കുകൾ
-
'ഇവന് എന്ത് തേങ്ങയാ പറയുന്നതെന്ന് തോന്നും; പക്ഷെ ഇതൊന്നും ഇല്ലെങ്കില് എന്റെ സിനിമ ഓടില്ലല്ലോ'