മേഘ്‌നയുടേയും ചിരുവിന്‍റെയും കുഞ്ഞിന്‍റെ ചെല്ലപ്പേര് പുറത്തുവിട്ട് മുത്തച്ഛന്‍, ഇങ്ങനെ വിളിക്കും

മരുമകന്‍ തിരിച്ചുവന്നു

ചിരുവിന്റെ പുനര്‍ജന്മമായാണ് എല്ലാവരും കുഞ്ഞിനെ വിശേഷിപ്പിക്കുന്നത്. മകന്‍ ജനിച്ചുവെന്നറിഞ്ഞപ്പോള്‍ എല്ലാവരും സന്തോഷത്തിലായിരുന്നു. ധ്രുവ സര്‍ജയായിരുന്നു കുഞ്ഞിനെ ഏറ്റുവാങ്ങിയത്. ആശുപത്രിയില്‍ നിന്നും വീട്ടിലേക്ക് എത്തിയിരിക്കുകയാണ് മേഘ്‌നയും കുഞ്ഞും. മരുമകന്‍ വീട്ടിലേക്ക് തിരിച്ച് വന്നതിന്റെ സന്തോഷത്തിലാണ് എല്ലാവരുമെന്ന് മേഘ്‌നയുടെ പിതാവായ സുന്ദര്‍രാജ് പറയുന്നു. വിശേഷ ദിനത്തിലാണ് കുഞ്ഞതിഥി വീട്ടിലേക്ക് എത്തിയത്. മരുമകന്‍ വീണ്ടും വീട്ടിലേക്ക് വന്ന് കയറിയെന്ന് വിശ്വസിക്കുകയാണ് എല്ലാവരും.

ചെല്ലപ്പേര് ഇതാണ്

കുഞ്ഞിന്റെ ജനനത്തോടെ കുടുംബത്തിലുള്ളവരുടെയെല്ലാം ദൈവവിശ്വാസം കൂടിയെന്നും അദ്ദേഹം പറയുന്നു. കുടുംബത്തിലെല്ലാവരേയും സന്തോഷിപ്പിച്ചാണ് കുഞ്ഞതിഥി എത്തിയിട്ടുള്ളത്. ചിന്റുവെന്നാണ് അവനെ ഞങ്ങള്‍ വിളിക്കുന്നത്. ചിരുവിന്റെ മകന്‍ ചിന്റു. ഞങ്ങളുടെ പേടിയില്‍ നിന്നും ആശങ്കയില്‍ നിന്നുമെല്ലാം അവന്‍ ഞങ്ങളെ സുരക്ഷിതരാക്കുകയാണ്. അവന്റെ വരവില്‍ എല്ലാവരും ത്രില്ലിലാണെന്നും മേഘ്‌നയുടെ പിതാവ് പറയുന്നു. മകളെക്കുറിച്ചും പേരക്കുട്ടിയെക്കുറിച്ചും വാചാലനാവുകയായിരുന്നു അദ്ദേഹം.

പേരിടല്‍ ചടങ്ങ് നടത്തും

എല്ലാവരേയും ഉള്‍പ്പെടുത്തി കുഞ്ഞതിഥിയുടെ പേരിടല്‍ ചടങ്ങ് നടത്തുമെന്നും അദ്ദേഹം പറയുന്നു. ആചാരപ്രകാരമുള്ള രീതിയിലായാരിക്കും ചടങ്ങുകള്‍ നടത്തുന്നത്. ആ ചടങ്ങില്‍ വെച്ച് അവന്റെ പേര് ഞങ്ങള്‍ പുറത്തുവിടുമെന്നും സുന്ദര്‍രാജ് പറയുന്നു. അവന്‍ ഇപ്പോള്‍ സന്തോഷത്തോടെ ഇരിക്കുകയാണ്. എന്നും താന്‍ അത് ഉറപ്പ് വരുത്തും. കരുത്തയായ പെണ്‍കുട്ടിയാണ് ഞങ്ങളുടെ മകള്‍. ചിരു പോയപ്പോഴും അവള്‍ നിശ്ചയദാര്‍ഢ്യത്തോടെ മുന്നേറുകയായിരുന്നു. ആശുപത്രിയില്‍ മുറിയില്‍ ചിരുവിന്റെ ഫോട്ടോ വെച്ചിരുന്നു മകള്‍.

ധ്രുവയും അര്‍ജുനും

മേഘ്‌നയ്ക്ക് എല്ലാകാര്യങ്ങളിലും ധ്രുവയുടേയും ഭാര്യയുടേയും പിന്തുണയുണ്ടായിരുന്നു. ഭര്‍തൃകുടുംബത്തിലുള്ളവരെല്ലാം മേഘ്‌നയെ ചേര്‍ത്തുപിടിച്ചിരുന്നു. കുഞ്ഞതിഥിയുടെ കാര്യങ്ങളും വിശേഷങ്ങളുമെല്ലാം പങ്കുവെച്ച് ധ്രുവ എത്തിയിരുന്നു. തനിക്ക് ജനിക്കുന്നത് ആണ്‍കുഞ്ഞായിരിക്കുമെന്ന് ചിരു നേരത്തെ പറഞ്ഞിരുന്നു. നമ്മള്‍ കാണിച്ചിരുന്ന വികൃതികളൊക്കെ അവനും കാണിക്കുമെന്നുമായിരുന്നു ചിരു എന്ന് പറഞ്ഞത്. കുഞ്ഞതിഥി വന്നതോടെ എല്ലാവരും സന്തോഷത്തിലാണെന്നായിരുന്നു അര്‍ജുന്‍ പറഞ്ഞത്.