മേഘ്‌ന വിന്‍സെന്‍റ് ഇനി അടഞ്ഞ അധ്യായം! പ്രിയതമയെ പരിചയപ്പെടുത്തി ഡോണ്‍ ടോണി! ചിത്രങ്ങള്‍ വൈറല്‍!

ഡോണ്‍ ടോണിയുടെ വിവാഹചിത്രങ്ങള്‍

ഡോണ്‍ ടോണി വിവാഹിതനായെന്നുള്ള വിവരം കഴിഞ്ഞ ദിവസം പുറത്തുവന്നിരുന്നു. കോട്ടയം സ്വദേശിനിയായ ഡിവൈന്‍ ക്ലാരയെയാണ് അദ്ദേഹം വിവാഹം ചെയ്തത്. തൃശ്ശൂരില്‍ വെച്ചായിരുന്നു വിവാഹം. ലോക് ഡൗണായതിനാല്‍ ലളിതമായാണ് വിവാഹം നടത്തിയത്. വിവാഹിതനായെന്ന സന്തോഷം പങ്കുവെച്ച് അദ്ദേഹം തന്നെ എത്തിയിരിക്കുകയാണ് ഇപ്പോള്‍. പ്രിയതമയ്‌ക്കൊപ്പമുള്ള ചിത്രങ്ങളും ഫേസ്ബുക്കില്‍ പോസ്റ്റ് ചെയ്തിട്ടുണ്ട്.

ക്ഷമ പറഞ്ഞ് ഡിംപിള്‍

സഹോദരന്റെ വിവാഹചിത്രങ്ങള്‍ പങ്കുവെച്ച് ഡിംപിളും എത്തിയിട്ടുണ്ട്. ഡോണും ക്ലാരയും ഒഫീഷ്യലി വിവാഹിതരായെന്നും വിവാഹത്തിന് ആരേയും വിളിക്കാനാവാത്തതിനെക്കുറിച്ചും താരം കുറിച്ചിട്ടുണ്ട്. കോവിഡ് 19 നിയന്ത്രണങ്ങളുള്ളതിനാല്‍ വിവാഹം ലളിതമാക്കുകയായിരുന്നു. മേഘ്‌നയും ഡോണും വിവാഹമോചനം നേടിയതിനെക്കുറിച്ച് പറഞ്ഞ് നേരത്തെ ഡിംപിള്‍ എത്തിയിരുന്നു. വിവാഹമോചനത്തിന്റെ കാരണങ്ങള്‍ അറിയാമെന്നും ഇതേക്കുറിച്ച് താനെവിടെയും പ്രതികരിച്ചിട്ടില്ലെന്നുമായിരുന്നു താരം പറഞ്ഞത്. യൂടൂബ് ചാനലിന്റെ ലിങ്കിന് കീഴിലായാണ് ഡിംപിള്‍ കമന്റ് ചെയ്തത്.

ഡോണിന്റെ പ്രതികരണം

പ്രശ്‌നങ്ങളെല്ലാം പറഞ്ഞുതീര്‍ത്ത് പരസ്പര സമ്മതത്തോടെയാണ് തങ്ങള്‍ വേര്‍പിരിഞ്ഞതെന്നും ഡോണ്‍ പറഞ്ഞിരുന്നു. 2018 മുതലേ പിരിഞ്ഞ് തമാസിക്കുകയായിരുന്നുവെന്നും 2019 ലാണ് വിവാഹമോചനം ലഭിച്ചതെന്നും അദ്ദേഹം പറഞ്ഞിരുന്നു. ലോക് ഡൗണ്‍ സമയത്ത് ഇത്തരത്തിലൊരു വാര്‍ത്ത എന്തുകൊണ്ടാണ് പ്രചരിക്കുന്നതെന്നറിയില്ലെന്നും ഡോണ്‍ പറഞ്ഞിരുന്നു. അദ്ദേഹത്തിന്റെ പ്രതികരണം നേരത്തെ തന്നെ വൈറലായിരുന്നു.

മേഘ്‌നയ്ക്ക് മൗനം

വിവാഹമോചന വാര്‍ത്തകള്‍ വൈറലായിക്കൊണ്ടിരിക്കുമ്പോഴും മേഘ്‌ന പ്രതികരിച്ചിരുന്നില്ല. യൂട്യൂബ് ചാനല്‍ തുടങ്ങിയതും തനിക്ക് ലഭിക്കുന്ന പിന്തുണ അമ്പരപ്പിച്ചുവെന്നുമായിരുന്നു താരം പറഞ്ഞത്. പാചക പരീക്ഷണങ്ങള്‍ മാത്രമല്ല അല്ലാത്ത വീഡിയോകളുമായും താരമെത്തുന്നുണ്ട്. അമ്മയ്‌ക്കൊപ്പം ചെന്നൈയില്‍ താമസമാക്കിയിരിക്കുകയാണ് താരം. തമിഴില്‍ മാത്രമല്ല മലയാളത്തിലും അധികം വൈകാതെ തന്നെ എത്തുമെന്നും മേഘ്‌ന പറഞ്ഞിരുന്നു.