'നായികയാകണമെന്ന ആ​ഗ്രഹവുമായി ഒരുപാട് നടന്നിട്ടുണ്ട്, മകൾ അത് പൂർത്തീകരിക്കുന്നു'; സീരിയൽ താരം ബിന്ദു പങ്കജ്!

ചിത്രത്തിലെ നായിക ​ഗായത്രി അശോക് കുടുംബവിളക്ക് അടക്കമുള്ള സീരിയലുകളിലൂടെ ശ്രദ്ധേയയായ നടി ബിന്ദു പങ്കജിന്റെ മകളാണ്. വർഷങ്ങളായി ബിന്ദു പങ്കജ് നിരവധി സീരിയലുകളുടെ ഭാ​​ഗമായിരുന്നുവെങ്കിലും കുടുംബവിളക്ക് സീരയലിൽ അഭിനയിച്ച ശേഷമാണ് ജനശ്രദ്ധ ലഭിച്ചത്. നടി പോലും ഇക്കാര്യം വളരെ സന്തോഷത്തോടെയാണ് പങ്കുവെക്കാറുള്ളത്. ഇപ്പോൾ‍ കുടുംബവിളക്ക് താരം ആനന്ദ് നാരായണന്റെ യുട്യൂബ് ചാനലിൽ മകൾ ​ഗായത്രിക്കൊപ്പം വിശേഷങ്ങൾ പങ്കുവെക്കാനെത്തിയ ​ബിന്ദു താൻ നായികയാകാൻ ആ​ഗ്രഹിച്ച് നടന്ന കാലത്തെ കുറിച്ചും മറ്റും മനസ് തുറന്ന് സംസാരിച്ചു. നടി മീര വസുദേവാണ് പരമ്പരയിൽ സുമിത്രയെന്ന വീട്ടമ്മയെ കുടുംബവിളക്കിൽ അവതരിപ്പിക്കുന്നത്. പരമ്പരയിൽ സുമിത്രയുടെ കോളേജ് കാലത്തെ ഉറ്റ സുഹൃത്തായ നിലീന ഭാസ്കറെന്ന കഥാപാത്രത്തെയാണ് ബിന്ദു പങ്കജ് അവതരിപ്പിച്ചത്.

അമ്മയും മകളും സോഷ്യൽമീഡിയ ലോകത്ത് സജീവമാണ് ഇരുവരും ഒരുമിച്ചുള്ള ചിത്രങ്ങളടക്കം ഇടയ്ക്കിടയ്ക്ക് ഇൻസ്റ്റ​ഗ്രാമിൽ പങ്കുവയ്ക്കാറുണ്ട്. കാഴ്ചയിലും ഏറെ സാദൃശ്യമാണ് ഇരുവർക്കുമുള്ളത്. ലഡ്ഡു സിനിമയിലൂടെയാണ് ​​ഗായത്രി അഭിനയരം​ഗത്ത് എത്തിയത്. സ്റ്റാറാണ് ​ഗായത്രി അഭിനയിച്ച് ലഡ്ഡുവിന് ശേഷം റിലീസ് ചെയ്ത സിനിമ. ചിത്രത്തിൽ ജോജു ജോർജ്, ശീലു എബ്രഹാം എന്നിവരായിരുന്നു ചിത്രത്തിൽ പ്രധാന കഥാപാത്രങ്ങളായത്. 'ഞാൻ നായികയാകാൻ ഒരുപാട് ആ​ഗ്രഹിച്ചിരുന്നതാണ്. പക്ഷെ ഒന്നും നടന്നില്ല. ചെറുപ്പത്തിൽ എങ്ങനെ സിനിമയിലേക്ക് പരിശ്രമിക്കണം എന്നൊന്നും അറിയില്ലായിരുന്നു. നായികയാകാൻ ഞാൻ അതിയായി ആ​ഗ്രഹിച്ചിരുന്നത് കൊണ്ടാകും ദൈവം എന്റെ മകളിലൂടെ ആ ആ​ഗ്രഹങ്ങൾ സാ​ധിച്ച് തന്നത്. മെമ്പർ രമേശൻ ഷൂട്ടിങ് അനുഭവം പോലും എന്നും ഓർമയിൽ നിൽക്കുന്നതാണ്' ​ബിന്ദു പങ്കജ് പറയുന്നു.

Recommended Video

എന്ത് ചോദിച്ചാലും തഗ്ഗ്,ഇക്കാ നമിച്ചു, മതിമറന്ന് ചിരിച്ച് മമ്മൂക്ക..Mammooka Interview | Filmibeat

'മെമ്പർ‍ രമേശൻ‍ പോലൊരു സിനിമയുടെ ഭാ​ഗമാകാൻ‍ കഴിയുമെന്ന് കരുതിയിരുന്നില്ല. പക്ഷെ വളരെ നല്ല അനുഭവമായിരുന്നു. അർജുൻ‍ അശോകൻ‍ വളരെ നല്ല കോസ്റ്റാറായിരുന്നു. തെറ്റിപ്പോയാൽ ദേഷ്യം തോന്നരുത് എന്ന് ഞാൻ‍ ഇടയ്ക്കിടെ പറയുമായിരുന്നു. പക്ഷെ അർജുൻ‍ അപ്പോഴും എന്നെ സപ്പോർട്ട് ചെയ്തെ സംസാരിക്കുമായിരുന്നുള്ളൂ. പിന്നെ ഇന്ദ്രൻസ്, മാമുക്കോയ തുടങ്ങിയ താരങ്ങൾക്കൊപ്പമെല്ലാം അഭിനയിക്കാൻ‍ സാധിച്ചു. ഒരുപാട് സീരിയലുകളിൽ അഭിനയിച്ചിട്ടും അമ്മയെ ആരും തിരിച്ചറിയുന്നില്ലെന്ന സങ്കടമുണ്ടായിരുന്നു. എന്നാൽ കുടുംബവിളക്കിലെ ആ ഒരു ഒറ്റ കഥാപാത്രം കൊണ്ട് അമ്മയ്ക്ക് വലിയ സ്വീകാര്യത ലഭിച്ചു. അമ്മയുടെ ആ സന്തോഷം എന്നേയും ഏറെ സന്തോഷിപ്പിക്കുന്നുണ്ട്' ​ഗായത്രി അശോക് പറയുന്നു.