മോഹൻലാലിന്റെ 'മോനെ' വിളിക്കു പിന്നിലെ കാരണം ഇതാണ്

എല്ലാ പ്രേക്ഷകരേയും രസിപ്പിക്കാൻ പറ്റുക എന്നത് നിസ്സാര കാര്യമല്ല. മോഹൻലാൽ രസിപ്പിക്കുക മാത്രമല്ല എല്ലാവരുടേയും ഹൃദയം കീഴടക്കാനും താരത്തിന് കഴിഞ്ഞിട്ടുണ്ട്. പ്രേക്ഷകരുടെ ഹൃദയത്തിൽ കയറി കൂടിയ ലാൽ ടെക്നിക് ഇതാണ്. ഞാൻ എല്ലാവരേയും ഇഷ്ടപ്പെടുന്നു, അതു കൊണ്ട് അവർ തിരിച്ചും എന്നെ സ്നേഹിക്കുന്നു. എന്നെ ഇഷ്ടമല്ലാത്തവരേയും എനിക്ക് ഇഷ്ടമാണ്. അവരേയുംഞാൻ സ്നേഹിച്ചു കൊണ്ടിരിക്കുന്നു ലാൽ പറഞ്ഞു.

സെറ്റുകളിൽ നിന്ന് സെറ്റുകളിലേയ്ക്കുള്ള ഓട്ടത്തിനിടയിലും കുടുംബ കാര്യത്തിൽ അദ്ദേഹം പെർഫക്ട്. ആണ് സിനിമ തിരക്കുകൾക്കിടയിലും കുടുംബത്തോടൊപ്പം സമയം ചെലവഴിക്കാൻ ലാൽ സമയം കണ്ടെത്താറുണ്ട്. ലാലിന് സിനിമയാണ് എല്ലാമെന്ന് ഭാര്യ സുചിത്ര പോലും തുറന്ന് പറഞ്ഞിട്ടുണ്ട്. എന്നാൽ കുടുംബ ബന്ധങ്ങളെ കുറിച്ച് ലാൽ പറയുന്നത് ഇങ്ങനെയാണ്. ഒരു ബന്ധത്തിലും കെമിസ്ട്രി കണ്ടെത്താൻ പാടില്ല. അത് തിരഞ്ഞ് പോകുകയും ചെയ്യരുത്. പ്രത്യേകിച്ച് വിവാഹ ജീവിതത്തിൽ. ആ അറിവില്ലായ്മയാണ് അതിന്റെ ഭംഗിയും. വിവാഹ ജീവിതത്തെ ലോകത്തിലെ ഏറ്റവും വലിയ അത്ഭുതമാണ്. ഭർത്താവും ഭര്യയും സ്വാഭാവ വൈചിത്യങ്ങളുള്ള രണ്ട് വ്യക്തികളാണെന്ന് മനസ്സിലാക്കിയാ പിന്നെ കുഴപ്പമൊന്നുമില്ല- ലാൽ അഭിമുഖത്തിൽ പറയുന്നു.

പൊസസീവ്നെസും പ്രേമവും ഒരു ബന്ധത്തിലും പാടില്ല. പ്രണയിക്കുകയേ ചെയ്യാവുള്ളൂ. കുഞ്ഞു കുഞ്ഞിഷ്ടങ്ങളെ തിരിച്ചറിഞ്ഞ് അത് വളർത്തി കൊണ്ട് പോയാൽ ജീവിതത്തിൽ നിറം കൂടും. ഒരു ചെറിയ തലവേദന വരുമ്പോൾ കൊടുക്കുന്ന കരുതലും പരിഗണനയും അത്രയും മതി സന്തോഷത്തിന്. ഞാൻ ഒരൊറ്റ കാര്യം മാത്രമേ ചെയ്യാറുള്ളൂ. 99 ശതമാനവും സത്യം പറയാൻ ശ്രമിക്കും. ഒരു ശതമാനം നമ്മൾ ഹ്യൂമറായാണ് കാണുന്നത്. അതിലെ തമാശ അതുപോലെ മനസ്സിലാക്കാൻ കഴിഞ്ഞില്ലെങ്കിലോ...മോഹൻലാൽ പറയുന്നു.

മോഹൻലാലിന്റെ മോനെ വിളി വൈറലാണ്. സഹപ്രവർത്തകരേയും അഭിമുഖങ്ങളിലും അദ്ദേഹത്തിന്റെ ഓരോ വാക്കിനൊപ്പം ഈ മോനെവിളി പ്രത്യക്ഷപ്പെടുന്നുണ്ട്. ഇപ്പോഴിത എല്ലാവരേയും അങ്ങനെ വിളിക്കാനുള്ള കാരണം വെളിപ്പെടുത്തിയിരിക്കുകയാണ്. പലപ്പോഴും പലരുടെ പേര് മറന്നു പോ കും. അതില്‍ നിന്ന് രക്ഷപ്പെടാനാണ് ‘മോ നെ' എന്നു വിളിച്ചു തുടങ്ങിയത്, അതു പിന്നെ ശീലമായി. ഇപ്പോഴും വിളിക്കാറുണ്ട്. പിന്നെ, ഈ ‘മോനെ' യുടെ മുൻപിൽ സ്നേഹത്തോടെയും ദേഷ്യത്തോടെയും നമുക്ക് ഇഷ്ടമുള്ളത് ചേർക്കാമല്ലോ..
ആ വാക്ക് മാത്രം സൈലന്റായി പറഞ്ഞാൽ മതി...'' ലാലേട്ടൻ പറയുന്നു.