രാജാവിന്റെ മകനല്ല മോഹൻലാലിന്റെ ആദ്യ സൂപ്പർ ഹിറ്റ് ചിത്രം! ആ ഹിറ്റായ ചിത്രം ഇതാണ്...

മോഹൻലാലിന്റേയും മകൻ പ്രണവ് മോഹൻലാലിന്റേയും കരിയറിൽ പ്രധാന പങ്കുവഹിച്ച വ്യക്തിയാണ് തമ്പി കണ്ണന്താനം. മോഹൻലാലിനെ സൂപ്പർ താരമാക്കിയതിനോടൊപ്പം പ്രണവിനെ ക്യാമറയ്ക്ക് മുന്നിൽ കൊണ്ടു വന്നതും തമ്പി കണ്ണന്താനമായിരുന്നു.'ഒന്നാമന്‍' എന്ന സിനിമയിലൂടെ ബാലതാരമായിട്ടാണ് പ്രണവ് സിനിമയിൽ എത്തിയത്.

നെഗറ്റീവ് ടച്ചുള്ള നായകനെയാണ് മോഹന്‍ലാല്‍ ചിത്രത്തിൽ അവതരിപ്പിച്ചത്. അത് മോഹന്‍ലാലിന്റേയും മലയാള സിനിമയും ജാതകം മാറ്റി. ചിത്രത്തിലെ പേര് ഏറെ കൗതുകം സൃഷ്ടിച്ചിരുന്നു. നെഗറ്റീവ് പ്രതികരണവും എത്തിയിരുന്നു.രാജാവിന്റെ മകന്‍ എന്നാല്‍ രാജകുമാരന്‍ എന്നല്ലേ വേണ്ടതെന്ന് പലരും ചോദിച്ചു. എന്നാല്‍ ആ പേരിന് 'പഞ്ച്' പോരെന്ന് പറഞ്ഞാണ് തമ്പി കണ്ണന്താനം 'രാജാവിന്റെ മകന്‍' എന്ന പേരില്‍ ഉറച്ചു നിന്നത്.

1980 ൽ ഫാസിൽ സംവിധാനം ചെയ്ത മഞ്ഞിൽ വിരിഞ്ഞ പൂക്കൾ എന്ന ചിത്രത്തിലൂടെയാണ് മോഹൻലാൽ വെള്ളിത്തിരയിൽ എത്തിയത്. നെഗറ്റീവ് കഥാപാത്രമായിരുന്നു ആദ്യം ക്യാമറയ്ക്ക് മുന്നിൽ അവതരിപ്പിച്ചത്. എന്നാൽ വില്ലനായി എത്തി പിന്നീട് മലയാള സിനിമയുടെ മുഖ്യ മുഖമാകുകയും പിന്നെ ഇന്ത്യൻ സിനിമയിൽ തന്നെ തന്റേതായ സ്ഥാനം കണ്ടെത്തുകയായിരുന്നു താരം

മോഹൻലാൽ ഹീറോയായി അഭിനയിച്ച ആദ്യ ചിത്രം പത്താമുദയമാണ് . ശശികുമാറാണ് ചിത്രത്തിന്റെ സംവിധായകൻ. ശശികുമാറിനെ കുറിച്ചുള്ള ഓർമ പങ്കുവെയ്ക്കവെയാണ് ഇക്കാര്യം ഡെന്നീസ് ജോസഫ് വെളിപ്പെടുത്തിയത്. അത് എല്ലാവരുടേയും തെറ്റിധാരണയാണെന്നും സംവിധായകൻ പറഞ്ഞു. എസ് എൽ പുരം സദാനന്ദൻ തിരക്കഥ എഴുതിയ ചിത്രം 1985 ആയിരുന്നു പുറത്തെത്തിയത്. മോഹൻലാൽ, ഉർവ്വശി, എംജി സോമൻ, ടിജി രവി എന്നിവരായിരുന്നു പ്രധാന കഥാപാത്രത്തെ അവതരിപ്പിച്ചത്.