പ്രണവിന് അതേക്കുറിച്ച് ആകാംക്ഷയില്ല! മകനെക്കുറിച്ച് മോഹന്‍ലാലിന്‍റെ വെളിപ്പെടുത്തല്‍ ഇങ്ങനെ!

ലോക് ഡൗണ്‍ സമയം

നാളുകള്‍ക്ക് ശേഷമായാണ് താരങ്ങളെല്ലാം കുടുംബത്തിനൊപ്പം ഇത്രയും സമയം ഒരുമിച്ച് ചെലവഴിക്കുന്നത്. പൂര്‍ണമായും വീട്ടില്‍ കഴിയുകയാണ് താനെന്ന് മോഹന്‍ലാല്‍ പറയുന്നു. വീട്ടിലിരുന്നപ്പോഴുള്ള മാറ്റത്തെക്കുറിച്ച് അറിയണമെങ്കില്‍ പുറത്തിറങ്ങണം. കൂടെ ജോലി ചെയ്തവരടക്കം നിരവധി പേര്‍ കഷ്ടപ്പാടിലാണ്. ഇത്രയും കാലം ഒന്നും ആലോചിക്കാതെ വീട്ടില്‍ ഇരിക്കാനാവുന്നു എന്നുള്ളത് ചെറിയ സന്തോഷമാണ്. രാവിലെ എഴുന്നേറ്റാല്‍ പത്രം വായിക്കലും വ്യായാമം ചെയ്യലുമൊക്കെയാണ് പരിപാടികള്‍.

ഗുരുവായൂരില്‍ പോയത്

മോഹന്‍ലാലിന്റെ വിശ്വാസത്തെക്കുറിച്ചുള്ള ചോദ്യവും അഭിമുഖത്തിലുണ്ടായിരുന്നു. സ്വന്തം സിനിമയുടെ റിലീസിന് പോലും അമ്പലത്തില്‍ പോവുന്ന ശീലമില്ല അദ്ദേഹത്തിന്. അമ്പലത്തില്‍ പോയി ദൈവത്തോട് കാര്യം പറയാനാഗ്രഹിക്കുന്നയാളല്ല താനെന്ന് അദ്ദേഹം പറയുന്നു. ഗുരുവായൂരില്‍ പോയിട്ട് കുറേക്കാലമായല്ലോയെന്ന് പലരും ചോദിച്ചപ്പോള്‍ പോയി. അമ്പലത്തില്‍ പോയി പറയേണ്ട കാര്യമാണ് ഭക്തിയെന്ന് തോന്നുന്നില്ല. മനസ്സിലാണ് ഭക്തി. ആ സുഖവും വേദനയുമൊക്കെ താന്‍ അനുഭവിക്കുന്നുണ്ടെന്നും താരം പറയുന്നു.

12 വര്‍ഷം സിനിമ ചെയ്തില്ല

മോഹന്‍ലാലിനെക്കുറിച്ച് വാചാലരായി സംവിധായകരും എത്തിയിരുന്നു. എത്രയോ പേര്‍ തന്ന ഗുരുത്വവും വേഷങ്ങളുമാണ് തന്നെ ഇവിടെ എത്തിച്ചതെന്നും മോഹന്‍ലാല്‍ പറയുന്നു. സത്യന്‍ അന്തിക്കാടുമായി 12 വര്‍ഷം സിനിമ ചെയ്തിരുന്നില്ല, പല കാരണങ്ങളുമുണ്ടാവും, അങ്ങനെ സംഭവിച്ച് പോയി. ഈ സമയമത്രയും തനിക്കായി കഥ മാറ്റിവെച്ചുവെന്ന് അദ്ദേഹം പറയുമ്പോള്‍ സന്തോഷമുണ്ട്. അതുപോലെ തന്നെ എക്കാലത്തേയും മികച്ച ചിത്രങ്ങളാണ് പ്രിയദര്‍ശനും സമ്മാനിച്ചത്.

പ്രണവിന്റെ സിനിമാജീവിതം

പ്രണവിന്റെ സിനിമാജീവിതത്തെക്കുറിച്ച് ആകാംക്ഷയുണ്ടോയെന്നും മോഹന്‍ലാലിനോട് ചോദിച്ചിരുന്നു. അയാള്‍ക്ക് തന്നെ ആകാംക്ഷയില്ല, പിന്നെയാണോ എനിക്കെന്നായിരുന്നു മോഹന്‍ലാലിന്റെ മറുപടി. പുസ്തകവും പര്‍വതാരോഹണവുമാണ് അപ്പുവിന്‍രെ ലോകം. അതുമായി രസകരമായി ജീവിക്കുകയാണ്. ഇടയില്‍ സിനിമയും ആസ്വദിക്കുന്നു. തന്നെപ്പോലെ ആഗ്രഹങ്ങളില്ലാതെയാണ് മകനും ജീവിക്കുന്നതെന്നും അദ്ദേഹം പറയുന്നു.

Recommended Video

ദൃശ്യം 2 മോഹന്‍ലാലിന്‍റെ അടുത്ത സിനിമ | Filmibeat Malayalam

രാഷ്ട്രീയത്തില്‍

മോഹന്‍ലാല്‍ രാഷ്ട്രീയത്തില്‍ പ്രവേശിക്കുന്നുവെന്ന തരത്തിലുള്ള വാര്‍ത്തകളായിരുന്നു ഇടയ്ക്ക് പ്രചരിച്ചത്. രാഷ്ട്രീയ ലക്ഷ്യങ്ങളോ ഭാഗം പിടിക്കലോ തനിക്കില്ലെന്ന് അദ്ദേഹം പറയുന്നു. പ്രധാനമന്ത്രിയും മുഖ്യമന്ത്രിയുമായുള്ള അടുപ്പത്തെക്കുറിച്ചും അദ്ദേഹം വ്യക്തമാക്കിയിരുന്നു. വളരെ കഷ്ടപ്പെട്ട് നേതൃനിരയിലത്തി വലിയ കാര്യങ്ങള്‍ ചെയ്യുന്ന, സുതാര്യയുള്ളവരാണെന്ന് താന്‍ വിശ്വസിക്കുന്നവരാണ് അവര്‍. എന്റെ രാഷ്ട്രീയമല്ല അവരെ എന്നിലേക്ക് അടുപ്പിച്ചതെന്നും മോഹന്‍ലാല്‍ പറയുന്നു.