ചേട്ടന്‍ പിണങ്ങിപ്പോയപ്പോള്‍ അവനും വീട് വിട്ടിറങ്ങി, മോഹന്‍ലാലിനെ കുറിച്ചുളള ഓര്‍മ്മകളുമായി മുത്തശ്ശി

ചെറുപ്പത്തില്‍ എന്നെയും അവന്‌റെ അമ്മയെയും ഇരുത്തി അഭിനയിച്ച് കാണിക്കും. ചെറുപ്പത്തില്‍ തന്നെ വലിയ കളിക്കാരന്‍ ആയിരുന്നു. ഇപ്പോഴും എന്റെ അടുത്തുവന്നാല്‍ കാലു തിരുമ്മണം അവന്, എപ്പോള്‍ വന്നാലും എന്റെ കൂടെ വന്ന് കിടക്കുകയും ഉറങ്ങാന്‍ സമയത്ത് കാലു തിരുമ്മുകയും ചെയ്യാറുണ്ട്., മുത്തശ്ശി പറയുന്നു. ഒരിക്കല്‍ ഒരാള്‍ മുണ്ട് അലക്കികൊണ്ട് വീട്ടില്‍ വന്നപ്പോള്‍ ലാലുവും ചേട്ടന്‍ പ്യാരിയും മുറ്റത്ത് കളിക്കുകയാണ്.

ഇത് കണ്ടപ്പോള്‍ വന്ന ആള് ചോദിച്ചു ഇത് എന്തൊരു കുഞ്ഞുങ്ങള്‍ ആണെന്ന്. അത് കേട്ടപ്പോള്‍ എനിക്ക് ദേഷ്യം വന്നിട്ട് പ്യാരിയെ ഞാന്‍ അടി വെച്ചുകൊടുത്തു. പ്യാരിക്ക് അടി കൊടുത്തപ്പോള്‍ അവന്‍ ഇലന്തൂര്‍ക്ക് പോവുകയാണെന്ന് പറഞ്ഞ് ദേശ്യപ്പെട്ട് ഇറങ്ങിപ്പോയി. ഇത് കണ്ടതോടെ എന്റെ ചേട്ടന്‍ പോയി ഞാനും ഇനി ഇവിടെ നിക്കില്ലെന്ന് ലാലു പറഞ്ഞു.

രണ്ട് ദിവസം കഴിഞ്ഞപ്പോള്‍ പ്യാരി തിരികെ വീട്ടിലെത്തി. പിറകെ തനിക്ക് പോണം എന്ന് പറഞ്ഞു വഴക്കിട്ട് അവനും എത്തി. ഇങ്ങനെയൊക്കെയുളള ചില്ലറ കുസൃതികളും മറ്റും അവന്റെ കൈയ്യിലുണ്ടായിരുന്നു. ചെറുപ്പത്തില്‍ ഒരുപാട് കുസൃതികള്‍ ലാലു ഒപ്പിച്ചിട്ടുണ്ടെന്നും മുത്തശ്ശി ഗൗരിക്കുട്ടിയമ്മ പറഞ്ഞു. കൂട്ടുകാരന്‌റെ അച്ഛന് അസുഖമാണ് എന്ന് പറഞ്ഞ് ലാലു അമ്മയോട് പൈസ വാങ്ങിപ്പോയി.

കൂട്ടുകാരന്‍ ലാലുവിന്‌റെ അച്ഛന് അസുഖമാണെന്ന് പറഞ്ഞ് അവന്‌റെ വീട്ടിന്നും പൈസ വാങ്ങിച്ചു. പെെസ വാങ്ങിച്ചതിന് പിന്നാലെ പിളേളരെ കണ്ടില്ല. ഒരു ദിവസമെങ്ങാന്‍ കഴിഞ്ഞ് പിറ്റേദിവസം ഇങ്ങ് വന്നു. വന്ന് കഴിഞ്ഞപ്പോ രണ്ട് പേരെയും ചേര്‍ത്ത് നിര്‍ത്തി അച്ഛനും അമ്മയും എവിടെ പോയെന്ന് ചോദിച്ചു. ഇങ്ങനെയൊക്കെയായിരുന്നു കഥ.

Recommended Video

മോഹൻലാലും ശ്രീനിവാസനും ഒന്നിക്കുന്നു...

പഠിച്ചുകൊണ്ടിരിക്കുന്ന സമയത്ത് ഇങ്ങനെയൊക്കെ കുറെ തമാശകള്‍ കാണിച്ചിട്ടുണ്ട്. കോളേജിലും വലിയ കുസൃതിയും കാര്യവുമൊക്കെയായിരുന്നു. എറണാകുളത്തുനിന്ന് ഇങ്ങോട്ട് വന്നപ്പോള്‍ ഇടപ്പളളി എത്തിയപ്പോള്‍ ഒരു സ്ത്രീ വണ്ടിയില്‍ നിന്ന് താഴെ വീണത് കണ്ടു. വണ്ടി വിട്ടങ്ങ് പോയി. അവന്‍ ആ സ്ത്രീയെ ആശുപത്രിയില്‍ കൊണ്ടുപോയി. രൂപയും കൊടുത്താണ് തിരിച്ചുവന്നത്, മുത്തശ്ശി അഭിമുഖത്തില്‍ പറഞ്ഞു.