രണ്ടാമതും കല്യാണം കഴിക്കാന്‍ പോയതായിരുന്നോ? ക്ഷേത്രത്തിലെത്തിയ നടി പ്രേമയോട് ആരാധകരുടെ ചോദ്യമിങ്ങനെ

2006 ലാണ് ബിസിനസുകാരനായ ജീവന്‍ അപ്പാച്ചുവും പ്രേമയും തമ്മിലുള്ള വിവാഹം നടക്കുന്നത്. പത്ത് വര്‍ഷത്തോളം ഇരുവരും ദമ്പതിമാരായി ജീവിച്ചെങ്കിലും ബന്ധം മുന്നോട്ട് കൊണ്ട് പോകാന്‍ പറ്റാത്ത അവസ്ഥ വന്നു. ഇതോട് കൂടിയാണ് 2016 ല്‍ നടി ഭര്‍ത്താവുമായി നിയമപരമായി വേര്‍പിരിയുന്നത്. ദാമ്പത്യം അവസാനിപ്പിച്ചതിന് പിന്നാലെ 2017 ല്‍ പ്രേമ അഭിനയത്തിലേക്ക് തിരികെ വരികയും ചെയ്തിരുന്നു. ചെറിയൊരു ഇടവേളയ്ക്ക് ശേഷം 2022 ലും നടി അഭിനയിച്ചു.

ഇതിനിടയില്‍ പ്രേമ രണ്ടാമതും വിവാഹിതയാവാന്‍ പോവുന്നുവെന്ന തരത്തില്‍ ചില വാര്‍ത്തകള്‍ വന്നിരിക്കുകയാണ്. അടുത്തി പ്രസിദ്ധമായ കൊരഗജന്മ ക്ഷേത്രം സന്ദര്‍ശിക്കാനെത്തിയ പ്രേമയുടെ ചിത്രങ്ങള്‍ പുറത്ത് വന്നിരുന്നു. ഇത് വിവാഹത്തിനുള്ള മുന്നൊരുക്കത്തിന്റെ ഭാഗാണോന്ന ചോദ്യം വന്നതോടെയാണ് നടിയുടെ കല്യാണക്കാര്യം വാര്‍ത്തകളില്‍ വീണ്ടും നിറഞ്ഞത്.

തന്നെ ചുറ്റിപ്പറ്റി ഇത്തരം വാര്‍ത്തകള്‍ വന്നതോടെ നടി തന്നെ ഇതിലൊരു വിശദീകരണവുമായി എത്തിയിരിക്കുകയാണ്. 'താന്‍ ക്ഷേത്രങ്ങളില്‍ സന്ദര്‍ശനം തുടങ്ങിയിട്ട് നാളുകള്‍ ഏറെയായി. അതിനാല്‍ മറ്റ് ലക്ഷ്യങ്ങളൊന്നുമില്ലാത്ത സാധാരണയൊരു ക്ഷേത്രദര്‍ശനം മാത്രമാണ് അവിടെ നടത്തിയതെന്നാണ്', നടി വ്യക്തമാക്കുന്നത്. ഇനിയിപ്പോള്‍ വിവാഹം കഴിക്കാന്‍ പോവുകയാണെങ്കില്‍ തന്നെ ഇക്കാര്യം എല്ലാവരോടും തുറന്ന് പറയുമെന്നും നടി കൂട്ടിച്ചേര്‍ത്തു.

'ഞാന്‍ വീണ്ടും വിവാഹിതയാവാന്‍ പോവുകയാണെങ്കില്‍ ആദ്യമേ തന്നെ അത് മാധ്യമങ്ങളെ അറിയിക്കും. അത് തീര്‍ച്ചയായും ഉറപ്പുള്ള കാര്യമാണ്. അതുവരെ കരിയറില്‍ ശ്രദ്ധ കേന്ദ്രീകരിച്ച് മികച്ച തിരിച്ച് വരവ് നടത്താനാണ് താന്‍ ഉദ്ദേശിക്കുന്നതെന്നാണ്', തന്നെ കുറിച്ച് വന്ന വാര്‍ത്തകള്‍ക്കെല്ലാമായി നടി നല്‍കിയിരിക്കുന്ന വിശദീകരണം. പ്രേമയുടെ ക്ഷേത്ര സന്ദര്‍ശനവും വിവാഹവും തമ്മില്‍ യാതൊരു ബന്ധവുമില്ലെന്ന് വ്യക്തമായതോടെ ഇതുവരെ വന്ന വാര്‍ത്തകള്‍ക്കെല്ലാം അവസാനമായിരിക്കുകയാണ്.

മോഹന്‍ലാലിന്റെ നായികയായി ദി പ്രിന്‍സ് എന്ന ചിത്രത്തിലൂടെയാണ് പ്രേമ മലയാളത്തിലേക്ക് അഭിനയിക്കാന്‍ എത്തുന്നത്. പിന്നീട് ജയറാമിനൊപ്പം ദൈവത്തിന്റെ മകന്‍ എന്ന ചിത്രത്തിലും നടി അഭിനയിച്ചിരുന്നു. 2006 ല്‍ വിവാഹിതയായതോടെ അഭിനയം നിര്‍ത്താന്‍ തീരുമാനിക്കുകയായിരുന്നു. 2009 ല്‍ പുറത്തിറങ്ങിയ ശിശിര എന്ന ചിത്രത്തിലാണ് പ്രേമ അവസാനമായി അഭിനയിച്ചത്.