നല്ലൊരു സംവിധായകൻ ഇങ്ങനെയായിരിക്കണം!! ഗുണം മാത്രമേ ചെയ്യുള്ളൂ, വെളിപ്പെടുത്തി ലാലേട്ടൻ

ഇസ്റ്റർ ദിനത്തിൽ

ഈസ്റ്റർ ദിനത്തിലായിരുന്നു തന്റെ പുതിയ സംരംഭത്തെ കുറിച്ച് ലാലേട്ടൻ പ്രേക്ഷകരുമായി പങ്കുവെച്ചത്. ഏപ്രിൽ 21 ഈസ്റ്റർ ദിനത്തിലായിരുന്നു മോഹൻലാൽ തന്റെ പുതിയ ചിത്രത്തെ കുറിച്ച് വെളിപ്പെടുത്തിയത്. ബോറസ്സ് എന്നാണ് ചിത്രത്തിന് നൽകിയിരിക്കുന്ന പേര്. ബോഗിലൂടെയായിരുന്നു താരത്തിന്റെ വെളിപ്പെടുത്തൽ.

ആരാണ് മികച്ച സംവിധായകൻ

ഒരു മികച്ച സംവിധായകൻ എങ്ങനെയായിരിക്കണമെന്ന് തുറന്നു പറയുകയാണ് താരം. ഒരു നല്ല സംവിധായകൻ നല്ല പിക്നിക് പോലെയായിരിക്കണം. ആ തരത്തിൽ വേണം സംവിധായകൻ കാര്യങ്ങൾ കൊണ്ടു പോകേണ്ടത്. മാതൃഭൂമി വാരാന്ത്യത്തിനു നൽകിയ അഭിമുഖത്തിലാണ് മോഹൻലാൽ തന്റെ അഭിപ്രായ തുറന്നു പറഞ്ഞത്.

താരങ്ങളുടെ മൂഡ്

ഒരുപാട് സംവിധായകരുടെ കീഴിൽ പ്രവർത്തിച്ചിട്ടുണ്ട്. അവരെല്ലാം വ്യത്യസ്തരാണ്. ചിലർ അഭിനേതാക്കളെ എപ്പോഴും കംഫർട്ട് സോണിൽ നിർത്തും. ഇത് അവരുടെ മൂഡുകൾ അഭിനയത്തെ എങ്ങനെ ബാധിക്കും എന്ന് അറിഞ്ഞുകൊണ്ടാണ് ഇങ്ങനെ ചെയ്യുന്നത്. ഇതിന്റെ ഗുണഫലങ്ങൾ ലഭിക്കാറുമുണ്ട്. എന്നാൽ മറ്റുള്ളവരുടെ രീതി വ്യത്യാസമാണ്. ഒരു സംവിധായകൻ സിനിമ കാര്യങ്ങൾ കൊണ്ടുപോകേണ്ടത് നല്ലൊരു പിക്നിക് പോലെയായിരിക്കണം. അത് അഭിനേതാക്കളിൽ നിന്നും മറ്റുളളവരിൽ നിന്നും നല്ലഫലങ്ങൾ ലഭിക്കുമെന്നാണ് തന്റെ വിശ്വാസമെന്നും ലാലേട്ടൻ പറഞ്ഞു.

ആരാണ് ബറോസ്

പോർച്ചു ഗീസു പശ്ചാത്തലത്തിൽ എഴുതപ്പെട്ട ഒരു നിഗൂഡ രചനയാണ്.ഗാമയുടെ നിധി സൂക്ഷിക്കുന്ന ആളാണ് ബറോസ്സ് നൂറിലധികം വർഷങ്ങളായി അദ്ദേഹം ഈ നിധി കാത്ത് സൂക്ഷിക്കുകയാണ്. ഗാമയുടെ യാഥാർഥ പിൻതുടർച്ചക്കാർ വന്നാൽ മാത്രമേ ഈ നിധി കൈ മാറുകയുളളു. ബറോസ്സിനെ തേടി ഒരു കുട്ടിയെത്തുന്നതാണ് ചിത്രത്തിന്റെ കഥ. ബറോസ്സും കുട്ടിയും തമ്മിലുളള രസകരമായ സംഭവമാണ് സിനിമയുടെ പ്രമേയം. മുതിർന്നവരും കുട്ടികളും ഒരുപോലെ ഇഷ്ടപ്പെടുന്ന ചിത്രമായിരിക്കും ഇതെന്ന് ലാലേട്ടൻ ആദ്യം തന്നെ ഉറപ്പ് നൽകിയിട്ടുണ്ട്.

ബറോസ്സിനെ സമ്മാനിച്ചത് ജിജോ

ഇന്ത്യയിലെ ആദ്യത്തെ ത്രീഡി ചിത്രമായ മൈ ഡിയർ കുട്ടിച്ചാത്തൻ ഒരുക്കിയ ജിജോയുമായുള്ള സംസാരത്തിനിടയിലാണ് ബറോസ്സ് കടന്നു വന്നത്. അതൊരു മിത്തായിരുന്നു. ഒരു മലബാർ തീരദേശ മിത്ത്. "ബറോസ്സ് - ഗാർഡിയൻ ഓഫ് ഡി ഗാമാസ് ട്രഷർ,". പോർച്ചുഗീസ് പശ്ചാത്തലത്തിൽ എഴുതപ്പെട്ട ഒരു നിഗൂഢ രചന. കഥ കേട്ടപ്പോൾ ഇത് സിനിമയാക്കിയാൽ നന്നാവുമല്ലോ എന്ന് തോന്നിയിരുന്നു. അങ്ങനെയാണ് ബിറോസ്സ എന്ന സിനിമ തന്റെ ഉള്ളിൽ പിറക്കുന്നതെന്നും താരം പറഞ്ഞിരുന്നു. ചിത്രത്തിൽ ബറോസ്സായി എത്തുന്നത് മോഹൻലാൽ തന്നെയാണ്. നവോദയുമായി ചേർന്നാണ് ചിത്രം നിർമ്മിക്കുന്നത്.