Click it and Unblock the Notifications
Don't Miss!
-
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ -
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
തിരഞ്ഞെടുപ്പ് കമ്മീഷന്റെ സ്വീപ് യൂത്ത് ഐക്കൺ ആണ്; പക്ഷേ മമിത ബൈജുവിന് ഇത്തവണ വോട്ടില്ല -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നാല് സിനിമകളുടെ വിജയം! ദശാബ്ദത്തിലെ താരമായി മോഹന്‍ലാല്‍
ലൂസിഫറിന്റെ വലിയ വിജയത്തിലൂടെ കഴിഞ്ഞ വര്‍ഷം കൂടുതല്‍ തിളങ്ങിയ താരമാണ് മോഹന്‍ലാല്‍. ഇന്‍ഡസ്ട്രി ഹിറ്റായി മാറിയ സിനിമ നടന്റെയും കരിയറില്‍ വലിയ വഴിത്തിരിവുണ്ടാക്കിയിരുന്നു. മികച്ച പ്രതികരണത്തോടൊപ്പം ബോക്‌സോഫീസ് കളക്ഷന്റെ കാര്യത്തിലും വലിയ നേട്ടമാണ് ചിത്രം ഉണ്ടാക്കിയത്. പുലിമുരുകന്റെ കളക്ഷന്‍ റെക്കോര്‍ഡുകള്‍ മറികടന്നുകൊണ്ടാണ് ലൂസിഫര്‍ മോളിവുഡിലെ എറ്റവും വലിയ വിജയ ചിത്രമായി മാറിയത്. ലൂസിഫറിന്റെ വമ്പന്‍ വിജയത്തിലൂടെ ലോകമെമ്പാടുമായി മോഹന്‍ലാല്‍ വീണ്ടും തരംഗമായി മാറിയിരുന്നു. ആരാധകര്‍ക്കൊപ്പം തന്നെ കുടുംബ പ്രേക്ഷകരും ചിത്രത്തെ ഏറ്റെടുത്തു.
മോഹന്‍ലാല്‍ സ്ഥാപിച്ച റെക്കാര്‍ഡുകള്‍ നടന്‍ തന്നെ മറികടക്കുന്ന കാഴ്ചയാണ് ഇത്തവണയും കാണാനായത്. ദൃശ്യം, പുലിമുരുകന്, ഒടിയന്‍ എന്നീ സിനിമകള്‍ക്ക് പിന്നാലെയാണ് ലൂസിഫറും തരംഗമായി മാറിയത്. നാല് സിനിമകളുടെ വലിയ വിജയത്തിലൂടെ ഈ ദശാബ്ദത്തിലെ താരമായി മാറിയിരിക്കുകയാണ് ലാലേട്ടന്‍. ജീത്തു ജോസഫിന്റെ സംവിധാനത്തില്‍ പുറത്തിറങ്ങിയ ദൃശ്യം തിയ്യേറ്ററുകളില്‍ സര്‍പ്രൈസ് ഹിറ്റായി മാറിയ ചിത്രമായിരുന്നു.
ഒരു സാധാരണ ഫാമിലി ചിത്രം പ്രതീക്ഷിച്ചു പോയ പ്രേക്ഷകരെ അത്ഭുതപ്പെടുത്തിയ സിനിമയായിരുന്നു ദൃശ്യം. ഫാമിലി ത്രില്ലര്‍ ഗണത്തില്‍പ്പെടുന്ന ചിത്രം മികച്ച പ്രതികരണത്തോടൊപ്പം കളക്ഷന്റെ കാര്യത്തിലും വലിയ നേട്ടമാണുണ്ടാക്കിയത്.
60കോടിയിലധികമാണ് ദൃശ്യം തിയ്യേറ്ററുകളില്‍ നിന്ന് നേടിയത്. ദൃശൃത്തിന്റെ റെക്കോര്‍ഡ് മറികടന്നത് മോഹന്‍ലാലിന്റെ തന്നെ പുലിമുരുകനായിരുന്നു.
വൈശാഖിന്റെ സംവിധാനത്തില്‍ ഒരുങ്ങിയ സിനിമ മലയാളത്തില്‍ എറ്റവും കൂടുതല്‍ ആഘോഷിക്കപ്പെട്ട സിനിമയായും മാറി. ആരാധകരും, കുടുംബ പ്രേക്ഷകരും കുട്ടികളുമടക്കം പുലിമുരുകനെ ഏറ്റെടുത്തിരുന്നു. 150 കോടി കളക്ഷനാണ് സിനിമ ലോകമെമ്പാടുനിന്നും നേടിയത്. പുലിമുരുകന് പിന്നാലെയാണ് മോഹന്‍ലാലിന്റെ എറ്റവും വലിയ ചിത്രമായി ഒടിയന്‍ എത്തിയത്.
ഈ ദശകത്തില്‍ എറ്റവും കൂടുതല്‍ പേര്‍ ആകാംക്ഷയോടെ കാത്തിരുന്ന ചിത്രം ഒടിയനായിരുന്നു. വിഎ ശ്രീകുമാറിന്റെ സംവിധാനത്തില്‍ പുറത്തിറങ്ങിയ സിനിമ തിയ്യേറ്ററുകളില്‍ സമ്മിശ്ര പ്രതികരണമാണ് നേടിയതെങ്കിലും നൂറ് കോടിക്കടുത്ത് കളക്ഷന്‍ നേടിയിരുന്നു. വലിയ ഹൈപ്പുമായി എത്തിയ ചിത്രം ലോകമെമ്പാടുമായി വമ്പന്‍ റിലീസായിട്ടാണ് തിയ്യേറ്ററുകളിലേക്ക് എത്തിയത്.
