നാല് സിനിമകളുടെ വിജയം! ദശാബ്ദത്തിലെ താരമായി മോഹന്‍ലാല്‍

മോഹന്‍ലാല്‍ സ്ഥാപിച്ച റെക്കാര്‍ഡുകള്‍ നടന്‍ തന്നെ മറികടക്കുന്ന കാഴ്ചയാണ് ഇത്തവണയും കാണാനായത്. ദൃശ്യം, പുലിമുരുകന്‍, ഒടിയന്‍ എന്നീ സിനിമകള്‍ക്ക് പിന്നാലെയാണ് ലൂസിഫറും തരംഗമായി മാറിയത്. നാല് സിനിമകളുടെ വലിയ വിജയത്തിലൂടെ ഈ ദശാബ്ദത്തിലെ താരമായി മാറിയിരിക്കുകയാണ് ലാലേട്ടന്‍. ജീത്തു ജോസഫിന്റെ സംവിധാനത്തില്‍ പുറത്തിറങ്ങിയ ദൃശ്യം തിയ്യേറ്ററുകളില്‍ സര്‍പ്രൈസ് ഹിറ്റായി മാറിയ ചിത്രമായിരുന്നു.

ഒരു സാധാരണ ഫാമിലി ചിത്രം പ്രതീക്ഷിച്ചു പോയ പ്രേക്ഷകരെ അത്ഭുതപ്പെടുത്തിയ സിനിമയായിരുന്നു ദൃശ്യം. ഫാമിലി ത്രില്ലര്‍ ഗണത്തില്‍പ്പെടുന്ന ചിത്രം മികച്ച പ്രതികരണത്തോടൊപ്പം കളക്ഷന്റെ കാര്യത്തിലും വലിയ നേട്ടമാണുണ്ടാക്കിയത്.

60കോടിയിലധികമാണ് ദൃശ്യം തിയ്യേറ്ററുകളില്‍ നിന്ന് നേടിയത്. ദൃശൃത്തിന്റെ റെക്കോര്‍ഡ് മറികടന്നത് മോഹന്‍ലാലിന്റെ തന്നെ പുലിമുരുകനായിരുന്നു.

ദിലീപ് പേരില്‍ മാറ്റം വരുത്തിയോ? ചര്‍ച്ചയായി പുതിയ സിനിമയുടെ പോസ്റ്റര്‍

വൈശാഖിന്റെ സംവിധാനത്തില്‍ ഒരുങ്ങിയ സിനിമ മലയാളത്തില്‍ എറ്റവും കൂടുതല്‍ ആഘോഷിക്കപ്പെട്ട സിനിമയായും മാറി. ആരാധകരും, കുടുംബ പ്രേക്ഷകരും കുട്ടികളുമടക്കം പുലിമുരുകനെ ഏറ്റെടുത്തിരുന്നു. 150 കോടി കളക്ഷനാണ് സിനിമ ലോകമെമ്പാടുനിന്നും നേടിയത്. പുലിമുരുകന് പിന്നാലെയാണ് മോഹന്‍ലാലിന്റെ എറ്റവും വലിയ ചിത്രമായി ഒടിയന്‍ എത്തിയത്.

ഈ ദശകത്തില്‍ എറ്റവും കൂടുതല്‍ പേര്‍ ആകാംക്ഷയോടെ കാത്തിരുന്ന ചിത്രം ഒടിയനായിരുന്നു. വിഎ ശ്രീകുമാറിന്റെ സംവിധാനത്തില്‍ പുറത്തിറങ്ങിയ സിനിമ തിയ്യേറ്ററുകളില്‍ സമ്മിശ്ര പ്രതികരണമാണ് നേടിയതെങ്കിലും നൂറ് കോടിക്കടുത്ത് കളക്ഷന്‍ നേടിയിരുന്നു. വലിയ ഹൈപ്പുമായി എത്തിയ ചിത്രം ലോകമെമ്പാടുമായി വമ്പന്‍ റിലീസായിട്ടാണ് തിയ്യേറ്ററുകളിലേക്ക് എത്തിയത്.

ബിഗ് ബോസ് 2 മല്‍സരാര്‍ത്ഥികള്‍ക്ക് മുന്നറിയിപ്പുമായി സാബുമോന്‍! നടന്റെ നിര്‍ദ്ദേശങ്ങള്‍ ഇങ്ങനെ