മമ്മൂട്ടിയും മോഹന്‍ലാലും തമ്മിലുളള പ്രധാന വ്യത്യാസം തുറന്നുപറഞ്ഞ് മുകേഷ്, സൂപ്പര്‍താരങ്ങളെ കുറിച്ച് നടന്‍

കരിയറിന്റെ തുടക്കത്തില്‍ മോഹന്‍ലാലിനൊപ്പമുളള സിനിമകളായിരുന്നു മുകേഷിന്റെതായി കൂടുതല്‍ ശ്രദ്ധിക്കപ്പെട്ടത്. പിന്നീട് മമ്മൂക്കയ്‌ക്കൊപ്പവും നടന്‍ സിനിമകള്‍ ചെയ്തു. സൂപ്പര്‍താര ചിത്രങ്ങളില്‍ നടന്‍ അവതരിപ്പിക്കാറുളള കഥാപാത്രങ്ങളെല്ലാം ശ്രദ്ധേയമാവാറുണ്ട്. ഹാസ്യവേഷങ്ങളിലൂടെയാണ് മുകേഷ് എല്ലാവരുടെയും പ്രിയപ്പെട്ട താരമായത്. മോഹന്‍ലാലിനൊപ്പം പ്രിയദര്‍ശന്റെ മരക്കാറിലാണ് മുകേഷ് ഒടുവില്‍ അഭിനയിച്ചത്.

രമേഷ് പിഷാരടി സംവിധാനം ചെയ്ത ഗാനഗന്ധര്‍വ്വനിലാണ് മമ്മൂട്ടിക്കൊപ്പം മുകേഷ് എത്തിയത്. അതേസമയം മോഹന്‍ലാലും മമ്മൂട്ടിയും തമ്മിലുളള പ്രധാന വ്യത്യാസം തുറന്നുപറഞ്ഞാണ് മുകേഷ് എത്തിയത്. മോഹന്‍ലാലും മമ്മൂട്ടിയും തമ്മിലുളള പ്രധാന വ്യത്യാസം മമ്മൂട്ടിയുടെ അടുത്ത് ഒരു ദിവസം തന്നെ ഒരു തമാശ തന്നെ അഞ്ച് പ്രാവശ്യം പറയാം എന്നതാണെന്ന് മുകേഷ് പറയുന്നു.

അപ്പോ ചിരിച്ച് ദേഹത്തൊക്കെ അടിച്ച് അപ്പോ തന്നെ മറക്കും. വേറെ കാര്യങ്ങളാ ചിന്താ. പിന്നെ പതിനൊന്ന് മണിക്ക് വന്ന് ചേട്ടാ ഒരു തമാശ ഉണ്ട് മമ്മൂക്ക എന്ന് പറഞ്ഞാ ഫ്രഷായിട്ട് കേള്‍ക്കും. മോഹന്‍ലാല്‍ അതല്ല, മോഹന്‍ലാല് പത്ത് കൊല്ലം മുന്‍പ് പറഞ്ഞ തമാശ ആണെങ്കിലും ഡേയ് നീ അത് പറഞ്ഞതല്ലെ എന്ന് പറയും.

ഓര്‍ത്തിരുന്ന് നമ്മളെ ഞെട്ടിച്ചിട്ടുണ്ട്. എന്നെയല്ല, എനിക്കറിയാ അദ്ദേഹത്തിന്‌റെ സ്വഭാവം. ഇന്നസെന്റ് ഏട്ടനും നല്ല കൗണ്ടറുകള്‍ പറയുന്ന ആളാണ്. അദ്ദേഹത്തിന്‌റെ കഥപറച്ചില്‍ രീതി എന്ന് പറഞ്ഞാല്‍ കുറച്ച് സമയമെടുക്കും. ഇന്നസെന്റ് ഏട്ടന്‍ അദ്ദേഹം കഥ മുഴുവന്‍ പറഞ്ഞ ശേഷമോ നമ്മളെ വിടാറൂളളു. കഥ മുഴുവനാക്കാതെ അദ്ദേഹം വിടില്ല.
അഭിമുഖത്തില്‍ മുകേഷ് പറഞ്ഞു.

Recommended Video

Drishyam 2 Exclusive Interview | Mohanlal | Jeethu Joseph | FilmiBeat Malayalam

സിനിമകള്‍ക്ക് പുറമെ ടെലിവിഷന്‍ രംഗത്തും തിളങ്ങിയ താരമാണ് മുകേഷ്. നിരവധി പരിപാടികളില്‍ അവതാരകനായി താരം എത്തി. കൂടാതെ രാഷ്ട്രീയ രംഗത്തും സജീവമാണ് താരം. 1982ല്‍ ബലൂണ്‍ എന്ന ചിത്രത്തിലൂടെയായിരുന്നു മുകേഷിന്റെ സിനിമാ അരങ്ങേറ്റം. തുടര്‍ന്ന് മലയാള സിനിമയുടെ അവിഭാജ്യ ഘടകമായി നടന്‍ മാറി.