'‍ഞങ്ങൾക്ക് എന്ത് സംഭവിച്ചുവെന്ന് ആദ്യം നോക്കും, 10 വർഷം മുമ്പേ ​ഗോപി സുന്ദർ ഫാനാണ്'; അമൃതയും ​ഗോപി സുന്ദറും!

അമൃതയും ​ഗോപി സുന്ദറും ‌തന്നെയാണ് മ്യൂസിക്ക് വീഡിയോയിൽ പാടി അഭിനയിച്ചിരുന്നത്. തൊന്തരവ് എന്ന് പേരിട്ടിരിക്കുന്ന മ്യൂസിക്ക് വീഡിയോ പ്രേക്ഷകർക്കുള്ള തങ്ങളുടെ പാർട്ടി ട്രീറ്റാണെന്നാണ് അമൃതയും ​ഗോപി സുന്ദറും പറയുന്നത്.

ചുരുങ്ങിയ സമയം കൊണ്ട് മികച്ച പ്രതികരണമാണ് വീഡിയോയ്ക്ക് ലഭിക്കുന്നത്. തങ്ങളുടെ പ്രണയ ജീവിതത്തെ കുറിച്ചും മ്യൂസിക്ക് വീഡിയോയെ കുറിച്ചുമുള്ള വിശേഷങ്ങൾ ജാങ്കോ സ്പേസ് എന്ന യുട്യൂബ് ചാനലിന് നൽകിയ അഭിമുഖത്തിൽ പങ്കുവെച്ചിരിക്കുകയാണ് ​ഗോപി സുന്ദറും അമൃത സുരേഷും.

'അമൃതയുടെ വ്യത്യസ്തമായൊരു ശബ്ദമാണ് തൊന്തരവ് മ്യൂസിക്ക് വീഡിയോയിൽ കേൾക്കാൻ സാധിക്കുക.'

'പലരും എന്നോട് ചോദിച്ചിരുന്നു ഇത് നീ തന്നെയാണോ പാടിയതെന്ന്. പുതിയ അനുഭവമായിരുന്നു തൊന്തരവിന് വേണ്ടി പാടിയപ്പോൾ ലഭിച്ചത്. ഞങ്ങൾ പാപ്പുവിനോട് ഒരു സന്ദർഭമുണ്ടാക്കിയ ശേഷം പറയുകയൊന്നുമായിരുന്നില്ല. എല്ലാ സ്വഭാവിക സംഭവിക്കുകയായിരുന്നു. പാപ്പുവിനും ഇഷ്ടമാണ് ഇപ്പോൾ.'

'എല്ലാം മനസിലാക്കി എടുക്കാൻ കുറച്ച് സമയം അവൾക്ക് കൊടുത്തിരുന്നു അത്രമാത്രം. ബാക്കിയൊക്കെ ഒരു ഫ്ലോയിൽ സംഭവിച്ചു. പ്രായത്തേക്കാൾ പക്വതയുള്ള കുട്ടിയാണ് പാപ്പു. ഇപ്പോൾ എന്നെ പറ്റിയുള്ള പരാതികളൊക്കെ അവൾ പറയുന്നതും ചേട്ടനോടാണ്. ഞങ്ങൾ പ്രണയ ചിത്രങ്ങൾ പങ്കുവെക്കുന്നത് ഷോയ്ക്ക് വേണ്ടിയല്ല.'

'അത് അങ്ങനെ പങ്കുവെക്കുന്നത് ഞങ്ങളുടെ സന്തോഷത്തിന് വേണ്ടിയാണ്. സ്നേഹം പ്രകടിപ്പിക്കാനുള്ളതല്ലോ.... അത് കാണിക്കുക തന്നെ വേണം. ഞങ്ങളുടെ ഇഷ്ടം കണ്ട് ആർക്കെങ്കിലും അവരുടെ പ്രണയം പറയാൻ പറ്റിയാൽ നല്ലതല്ലേ.'

'കാണാൻ താൽപര്യപ്പെടാത്തവർക്ക് കാണാതിരിക്കാം. ഞങ്ങൾ രാവിലെ ഉണരുന്നത് തന്നെ ഇന്ന് ഞങ്ങൾക്ക് എന്ത് സംഭവിച്ചുവെന്ന വാർത്തയാണ് വന്നിരിക്കുന്നതെന്ന് നോക്കാൻ വേണ്ടിയാണ്. ശരിക്കുമുള്ള കണ്ടന്റ് പോലുമല്ല. പലതും അവരായി സ്വയം ഉണ്ടാക്കിയ കണ്ടന്റാണ് പബ്ലിഷ് ചെയ്യുന്നത്.'

'പാപ്പുവിലേക്ക് പോലും അത് വളരെ പെട്ടന്ന് എത്തുന്നുണ്ട്. പക്ഷെ അവൾ അതൊന്നും വിശ്വസിക്കുന്ന കൂട്ടത്തിലല്ല. കാര്യങ്ങൾ‌ മനസിലാക്കാൻ അവൾക്കറിയാം. ചില പുതിയ വാർത്തകൾ അവൾ തന്നെ പറഞ്ഞ് തരാറുമുണ്ട്.'

'ഞാൻ പത്ത് വർഷം മുമ്പെ ​ഗോപി സുന്ദർ ഫാനാണ്. അന്ന് അത് പറഞ്ഞിട്ടുമുണ്ട്' ​ഗോപി സുന്ദറും അമൃതയും പറയുന്നു. അടുത്തിടെ ​ഗോപി സുന്ദറും അമൃതയും പഴനി ക്ഷേത്രം സന്ദർശിച്ച് പൂമാലകൾ കഴുത്തിലണിഞ്ഞ് നിൽക്കുന്ന ചിത്രങ്ങൾ വൈറലായിരുന്നു.