കളർഫുൾ ഡ്രസ്സിൽ നൃത്തം ചെയ്ത് ​ഗോപി സുന്ദർ..., 'ഏത് മരുന്നാണ് കഴിച്ചതെന്ന്' ആരാധകൻ, കലക്കൻ മറുപടി നൽകി താരം!

ഇപ്പോഴിത തന്റെ അവധി ആഘോഷത്തിനിടയിൽ പകർത്തിയ ഒരു വീഡിയോ സോഷ്യൽമീഡയയിൽ പങ്കുവെച്ചിരിക്കുകയാണ് ​ഗോപി സുന്ദർ. കളർഫുൾ വസ്ത്രവും തൊപ്പിയും ധരിച്ച് നൃത്തം ചെയ്യുന്ന ​ഗോപി സുന്ദറാണ് വീഡിയോയിൽ ഉള്ളത്.

മൈ ലൈഫ് മൈ റൂൾസ് എന്നാണ് ​ഗോപി സുന്ദർ വീഡിയോയ്ക്ക് ക്യാപ്ഷൻ നൽകിയത്. എവിടെ നിന്ന് പകർത്തിയതാണ് വീഡിയോ എന്നത് ​ഗോപി സുന്ദർ വെളിപ്പെടുത്തിയിട്ടില്ല. പതിവ് പോലെ ​ഗോപി സുന്ദറിന്റെ പോസ്റ്റ് പ്രത്യക്ഷപ്പെട്ടതും കമന്റുകൾ നിറയാൻ തുടങ്ങി.

ഇത്തവണയും പരിഹാസ കമന്റുകൾക്ക് കുറവുണ്ടായില്ല. നൃത്തം ചെയ്യുന്ന വീഡിയോ വൈറലായപ്പോൾ ഒരാൾ കമന്റിലൂടെ ​ഗോപി സുന്ദറിനോട് ചോദിച്ചത് ഏത് മരുന്ന് കഴിച്ചത് എന്നാണ്.

പൊതുവെ ഇത്തരം മനപൂർവമുള്ള കളിയാക്കലുകൾക്ക് അപ്പോൾ തന്നെ മറുപടി കൊടുക്കുന്ന ​ഗോപി സുന്ദർ ഇത്തവണയും തന്നെ ചൊറിഞ്ഞ വ്യക്തിക്ക് അർഹിച്ച മറുപടി തന്നെ കൊടുത്തു. 'എന്റെ മാതാപിതാക്കൾ എന്നെ ജനിപ്പിച്ചപ്പോൾ തന്നെ എനിക്ക് തന്ന സമ്മാനമാണ്.'

Also Read: 'പുകവലിക്കൊപ്പം മദ്യപാനം, ശ്രീനി ചേട്ടനൊക്കെ സ്വയം പീഡിപ്പിച്ച് നശിച്ചു, നല്ല മനുഷ്യനാണ്'; ശാന്തിവിള ദിനേശ്

'അല്ലാതെ നിന്നെപ്പോലെ പുറത്തുപോയി മരുന്ന് അന്വേഷിക്കേണ്ട ആവശ്യം എനിക്കില്ല' ​ഗോപി സുന്ദർ മറുപടിയായി കുറിച്ചു. ഇത് കൂടാതെ വേറെയും നിരവധി കമന്റുകൾ‌ ​ഗോപി സുന്ദറിനെ അനുകൂലിച്ചും പ്രതികൂലിച്ചും വരുന്നുണ്ട്.

അനുപമ പരമേശ്വരനും നിഖില്‍ സിദ്ധാര്‍ഥയും ഒന്നിച്ച തെലുങ്ക് ചിത്രം 18 പേജെസ് തിയറ്ററുകളില്‍ പ്രദർശനം തുടരുന്നുവെന്നതാണ് ​ഗോപി സുന്ദറിന്റെ പുതിയ സന്തോഷം. ചിത്രത്തിന് സം​ഗീത സംവിധാനം നിർവഹിച്ചിരിക്കുന്നത് ​ഗോപി സുന്ദറാണ്.

അതിൽ ഒരു ​ഗാനം ആലപിച്ചിരിക്കുന്നത് നടൻ സിമ്പുവാണ്. ആ ​ഗാനം അടുത്തിടെ വൈറലായിരുന്നു. കൂടാതെ അമൃതയ്ക്കൊപ്പം സ്റ്റേജ് ഷോകളും മറ്റുമായി തിരക്കിലുമാണ് ​ഗോപി സുന്ദർ. നടൻ ബാലയുമായുള്ള വിവാഹ ബന്ധം വേർപ്പെടുത്തി പത്ത് വർഷങ്ങൾക്ക് ശേഷമാണ് അമൃത ​ഗോപി സുന്ദറുമായി പ്രണയത്തിലായത്.

അമൃത ജീവിതത്തിലേക്ക് വരും മുമ്പ് ​ഗോപി സുന്ദർ അഭയ ഹിരൺമയിയുമായി പ്രണയത്തിലാണ്. അതിന് മുമ്പ് പ്രിയ എന്നൊരു സ്ത്രീയെ വിവാഹം ചെയ്യുകയും ചെയ്തിരുന്നു ​ഗോപി സുന്ദർ.

ആ ബന്ധത്തിൽ രണ്ട് ആൺകുട്ടികളും ​ഗോപി സുന്ദറിനുണ്ട്. അമൃതയുടെ മകൾ അവന്തികയും ​ഗോപി സുന്ദറുമായി നല്ല സൗഹൃദത്തിലാണ്. ജീവിതം മാറിയത് ​ഗോപി സുന്ദർ വന്നശേഷമാണെന്ന് അമൃത പലപ്പോഴായി പറഞ്ഞിട്ടുണ്ട്.

മാത്രമല്ല ​ഗോപി സുന്ദറിന്റെ സം​ഗീതത്തിൽ നിരവധി ​ഗാനങ്ങൾ അമൃത ആലപിക്കുകയും ചെയ്തു. തങ്ങൾ എങ്ങനെയാണ് പ്രണയത്തിലായതെന്ന് വെളിപ്പെടുത്താൻ ​ഗോപി സുന്ദറും അമ‍ൃതയും ഇതുവരെ തയ്യാറായിട്ടില്ല.