'അവനില്ലാതെ ജീവിക്കുന്നത് എന്തിനാണെന്ന് തോന്നി, ​ഗർഭിണി അല്ലായിരുന്നെങ്കിൽ തെറ്റായ തീരുമാനം എടുത്തേനെ'; മേഘ്ന!

മേഘ്നയുടേയും ചിരുവിന്റേയും മകൻ റായൻ രാജ് സർജയ്ക്ക് രണ്ട് വയസ് തികയാൻ പോവുകയാണ്. ഭർത്താവിന്റെ മരണവാർത്ത കേട്ടപ്പോഴും ആദ്യം കുഞ്ഞിനെ കുറിച്ചാണ് മേഘ്ന ചിന്തിച്ചത്. ഇന്ന് ചിരുവിന്റെ വിടവ് റായൻ രാജ് സർജ നികത്തുകയാണ്. ഏറെ നാളത്തെ പ്രണയത്തിന് ശേഷമാണ്ന മേഘ്നയും ചിരഞ്ജീവിയും 2018ൽ വിവാഹിതരായത്. 2020 ജൂൺ ഏഴിനാണ് ചിരു മരിച്ചത്. 'ചിരുവിന്റെ വേർപാട് ഉൾക്കൊള്ളാൻ പ്രയാസമായിരുന്നു. ആദ്യം ഞാൻ വാർത്ത അംഗീകരിച്ചില്ല. മരണം കേട്ട ശേഷം എന്റെ മനസിലേക്ക് ആദ്യം വന്നത് എനിക്കൊരു കുഞ്ഞുണ്ട് അതിനെ സംരക്ഷിക്കണം എന്ന ചിന്തയാണ്. അടുത്തതായി ഞാൻ ചെയ്തത് എന്റെ ഗൈനക്കോളജിസ്റ്റിനെ വിളിച്ച് സംഭവിച്ചത് വിവരിക്കുകയായിരുന്നു. ശേഷം അവർ വന്നു. ​ഗർഭിണിയായിരിക്കെ അമ്മമാർ ഇത്തരം ട്രോമകളിലൂടെ കടന്നുപോയാൽ ​ഗർഭാവസ്ഥയിലുള്ള കു‍ഞ്ഞ് അമ്മയെ മാനസീകമായി അതിജീവിക്കാൻ സഹായിക്കും എന്ന് ഞാൻ വായിച്ചിരുന്നു. അത് എന്റെ ജീവിതത്തിൽ അന്വർഥമായി.'

'ചിരുവിന്റെ വേർപാടിന് ശേഷമുള്ള എന്റെ ഓരോ ദിവസവും കുഞ്ഞിലൂടെയാണ് ഞാൻ തള്ളി നീക്കിയത്. എന്നെ സംബന്ധിച്ചിടത്തോളം ആ നിമിഷം മുതൽ എന്റെ കുഞ്ഞിനായിരുന്നു ഞാൻ മുൻഗണന നൽകിയത്. ചിരുവിനും കുഞ്ഞ് എത്ര പ്രധാനപ്പെട്ടതാണെന്ന് എനിക്കറിയാം. ഞാൻ ഗർഭിണിയാണെന്ന് പറഞ്ഞപ്പോൾ അവൻ എന്നെക്കാൾ ആവേശത്തിലായിരുന്നു... ഓ എന്റെ ദൈവമേ... എനിക്ക് ഒരു മകനെ കിട്ടാൻ പോകുന്നു... എന്നാണ് അവൻ ആദ്യം പറഞ്ഞത്. ഞാൻ അതിശയിച്ചുപോയി... എങ്ങനെയാണ് മകനാണെന്ന് ഉറപ്പിച്ചത് എന്ന് ഞാൻ ചിരുവിനോട് ചോദിച്ചിരുന്നു. അവന്റെ ആ​ഗ്രഹം പോലെ മകനെ ദൈവം തന്നു. എന്റെ ചിരുവിന്റെ കുഞ്ഞ് എനിക്കൊപ്പമുള്ളപ്പോൾ എനിക്ക് മുന്നോട്ട് ജീവിക്കാൻ മറ്റൊന്നും വേണ്ട.'

Recommended Video

Watch Video: Meghana Raj reveals Jr Chiru’s name in a special video on Instagram

'കിടക്കയിൽ നിന്ന് എഴുനേൽക്കാൻ ആഗ്രഹിക്കാത്ത ദിവസങ്ങളുണ്ടായിരുന്നു എനിക്ക്. എന്താണ് ജീവിച്ചിരിക്കുന്നത് എന്ന് എനിക്ക് തോന്നിയ ദിവസങ്ങളുണ്ടായിരുന്നു. എന്റെ ജീവിതത്തിൽ എന്താണ് അവശേഷിക്കുന്നത് എന്ന് ഞാൻ ചിന്തിച്ചിരുന്നു. ‌എന്റെ മുറിയിൽ ഇരിക്കാൻ ആയിരുന്നു എന്നും ഞാൻ ആഗ്രഹിച്ചത്. ഒരിക്കലും പുറത്തിറങ്ങാൻ ഞാൻ ആഗ്രഹിച്ചില്ല. അവൻ ഇവിടെ ഇല്ലാത്തപ്പോൾ ജീവിച്ചിട്ട് എന്ത് കാര്യം എന്ന് എനിക്ക് തോന്നിയ ഒരു പോയിന്റും ഉണ്ടായിരുന്നു. ഞാൻ ​ഗർഭിണി അല്ലായിരുന്നുവെങ്കിൽ ഞാൻ തെറ്റായ തീരുമാനങ്ങൾ എടുക്കുമായിരുന്നു' മേഘ്ന രാജ് പറയുന്നു.