മമ്മൂട്ടിയുടെ മേരി ടീച്ചർക്ക് എന്ത് പറ്റി!! മുടി എവിടെ? ആശുപത്രി ചിത്രം പങ്കുവച്ച് നഫീസ അലി

ക്യാൻസറിന്റെ മൂന്നാം ഘട്ടം

അസുഖം എല്ലാവരേയും തളർത്തും. അതും ക്യാൻസർ പോലുളള മാരകമായ അസുഖമാണെങ്കിൽ പറയേണ്ട കാര്യമില്ല . ജീവിതം അവസാനിച്ച ഒരു പ്രതീതിയാണ്. ഇത്തരക്കാർക്ക് ഒരു മാത്യകയാണ് മേരി ടീച്ചർ. ആശുപത്രി കിടക്കയിലുളള ചിത്രങ്ങളാണ് ഇവർ പങ്കുവെച്ചിരിക്കുന്നത്. നഫീസയെ എപ്പോൾ കണ്ടാലും അവരുടെ മുഖത്ത് ഒരു പുഞ്ചിരിയുണ്ടാകും. എന്നാൽ ആശുപത്രി കിടക്കയിൽ പോലും അത് ചുണ്ടിൽ നിന്ന് മാഞ്ഞിട്ടില്ല. പെരിറ്റോണിയൽ ക്യാൻസറിന്റെ മൂന്നാം ഘട്ട ചികിത്സയിലാണിവർ, ഫെബ്രുവരി 8 നായിരുന്നു ശസ്ത്രക്രിയ. ഇതിനു ശേഷമുളള ആശുപത്രങ്ങളാണ് താരം പുറത്തു വിട്ടിരിക്കുന്നത്.

വയറ്റിലെ പാളികളിലെ ക്യാൻസർ

2018 ലായിരുന്നു തന്റെ ക്യാൻസർ രോഗത്തെ കുറിച്ച് നഫീസ വെളിപ്പെടുത്തിയത്. എന്നാൽ ഇത് പ്രേക്ഷകരിൽ ഞെട്ടലുണ്ടാക്കിയിരുന്നു. വയറ്റിന്റെ പാളികളിലെ ക്യാൻസറാണ് പെരിറ്റോണിയൽ. ക്യാൻസറുണ്ടാകുന്ന കോശങ്ങൾ അണ്ഡാശയത്തിലും കണ്ടു വരുന്നതിനാൽ ചില സമയങ്ങളിൽ അർബുദബാധ അവിടെയ്ക്ക് വ്യാപിക്കാറുണ്ട്. പെരിറ്റോണിയൻ ക്യാൻസർ പുരുഷന്മാരെക്കാൾ കൂടുതൽ സ്ത്രീകളെയാണ് ബാധിക്കാറുള്ളത്. ഗർഭാശയത്തിലെ അർബുദത്തിന് സാധ്യതയുളള സ്ത്രീകൾക്കാണ് പെരിറ്റോണിയൽ ക്യാൻസറിനുളള സാധ്യത കൂടുതലായുള്ളത്.

കടുത്ത വയറു വേദന

മാസങ്ങളോളം നീണ്ടു നിന്ന വയറുവേദനയ്ക്ക് ഒടുവിലാണ് നഫീസ ഡോക്ടറെ കാണാൻ എത്തുന്നത്. എന്നാൽ ആർക്കും അസുഖം കണ്ടു പിടിക്കാൻ കഴിഞ്ഞിരുന്നില്ല. അണ്ഡാശത്തിലും ക്യാൻസർ ബാധയുണ്ടായിരുന്നതിനാൽ ആണ്ഡാശയ ക്യാൻസറാണോ എന്ന ആശയ കുഴപ്പം എല്ലാവർക്കും ഉണ്ടായിരുന്നു. ഒടുവിൽ മാക്സ് ഓങ്കോളജി ഡെകെ.ർ സെന്ററിലെ സീനിയർ ഡയറക്ടറ്‍ ഡോ പ്രമോദ് കുമാർ ജൂൽകയാണ് നഫീസയുടെ രോഗം കണ്ടു പിടിക്കുന്നത്.

ബോളിവുഡിലും

1979 ലായിരുന്നു താരത്തിന്റെ വെള്ളിത്തിരയിലെ പ്രവേശനം. എന്നാൽ സിനിമയിൽ നിറസാന്നിധ്യമാകാൻ ഇവർ ആഗ്രഹിച്ചിരുന്നില്ല. വിരലിൽ എണ്ണാവുന്ന ചിത്രങ്ങഇൽ മാത്രമാണ് താരം അഭിനയിച്ചത്. 2007 ൽ ബിഗ്ബിയിലൂടെ മലയാള സിനിമയിൽ എത്തിയെങ്കിലും. സജീവമായിരുന്നില്ല. സാഹിബ് ബീവി ഓർ ഗാങ്സ്റ്റർ എന്ന ചിത്രത്തിലായിരുന്നു ഏറ്റവും ഓടുവിൽ പ്രത്യക്ഷപ്പെട്ടത്.