മനുഷ്യത്വമില്ലാതെ പെരുമാറിക്കളയും; ആ മ്യൂസിക് ഡയറക്ടറെ ബ്ലോക്ക് ചെയ്തു; തുറന്ന് പറഞ്ഞ് നജീം അർഷാദ്

മ്യൂസിക് റിയാലിറ്റി ഷോകളിലൂടെ പിന്നണി ​ഗാന രം​ഗത്തേക്ക് കടന്ന് വന്ന ​ഗായകനാണ് നജീം അർഷാദ്. റിയാലിറ്റി ഷോകൾ കേരളത്തിൽ വൻ തരം​ഗമായ കാലത്ത് നിരവധി പുതുമുഖ ​ഗായകർ ജനശ്രദ്ധ നേടി. എന്നാൽ പിന്നണി​ ​ഗാനരം​ഗത്ത് കരിയർ തുടരാൻ കഴിഞ്ഞവർ ചുരുക്കമാണ്. എന്നാൽ നജീം അർഷാദിന് തുടരെ മികച്ച അവസരങ്ങൾ ലഭിച്ചു. ഇപ്പോഴിതാ കരിയറിലെ അനുഭവങ്ങൾ പങ്കുവെക്കുകയാണ് നജിം. കൗമുദി മൂവീസുമായുള്ള അഭിമുഖത്തിലാണ് പ്രതികരണം.

പണ്ടത്തെ പോലെ പാട്ടുകൾക്ക് വേണ്ടി ടെലിവഷൻ ഷോകളോ മറ്റ് പ്രോ​ഗ്രാമുകളോ ഇല്ലെന്ന് നജീം അർഷാദ് പറയുന്നു. പല പാട്ടുകളും മില്യൺസ് വ്യൂസ് എന്ന് പറഞ്ഞ് ജനങ്ങളെ കേൾപ്പിക്കുമ്പോൾ അവർ കേട്ടിട്ടുണ്ടാവില്ല. എന്റെ പാട്ട് വളരെ ഹിറ്റായി, ട്രെൻഡിം​ഗാണെന്ന് പറഞ്ഞ് കേൾപ്പിക്കുമ്പോൾ ഇതേതാണെന്ന് ചോദിക്കും. ഒരുപാട് പാട്ടുകൾ ജനങ്ങളിലേക്ക് എത്തുന്നില്ല. പണ്ട് പാട്ടിനായി ഒരുപാട് പ്രോ​ഗ്രാമുകൾ ഉണ്ടായിരുന്നു. അതിന് വേണ്ടി ചാനൽ വരെയുണ്ട്.

ഇപ്പോൾ റീലിന് വേണ്ടി പാട്ടുണ്ടാക്കുന്ന അവസ്ഥയാണെന്ന് തോന്നുന്നു. കാലത്തിനനുസരിച്ച് മാറിയേ പറ്റൂയെന്നും നജീം അർഷാദ് പറയുന്നു. സം​ഗീതത്തിന് ഓരോ കാലഘട്ടത്തിലും മാറ്റം വരുന്നുണ്ട്. കർണാട്ടിക്, ഹിന്ദുസ്ഥാനി സം​ഗീതം ബേസിക്കായി അവിടെയുണ്ട്. പക്ഷെ ഓരോ തലമുറയ്ക്കനുസരിച്ച് ആസ്വാദന രീതി മാറും. പഴയ പാട്ടുകൾക്ക് ഇപ്പോഴും മൂല്യമുണ്ട്. ഇപ്പോൾ പഴയ പാട്ടുകളാണ് കവർ സോങ് ആവുന്നതെന്നും നജീം അർഷാദ് ചൂണ്ടിക്കാട്ടി.

സ്റ്റാർ സിം​ഗറിലെ ഓർമകൾ മുമ്പൊരിക്കൽ ഒരു അഭിമുഖത്തിൽ നജീം പങ്കുവെച്ചിട്ടുണ്ട്. സ്റ്റാർ സിം​ഗറിൽ മത്സരിക്കുമ്പോൾ വളരെ ഷൈ ആയിരുന്നു. അന്ന് റിയാലിറ്റി ഷോകൾ ഉണ്ടായിരുന്നെങ്കിലും ഇത്ര വലിയ ഷോ വരുന്നത് ആദ്യമായിട്ടായിരുന്നു. അങ്ങനെ എല്ലാവരും പുഷ് ചെയ്താണ് ഏറ്റവും അവസാന ദിവസം ഞാൻ അപ്ലെെ ചെയ്യുന്നത്.

സിനിമ തന്നെയായിരുന്നു സ്റ്റാർ സിം​ഗറിൽ വന്നപ്പോൾ ലക്ഷ്യം. ഷോ നടക്കുമ്പോൾ തന്നെ സിനിമയിൽ പാടാൻ അവസരം ലഭിച്ചു. ഷോയിൽ ജഡ്ജായെത്തിയ ചിത്ര ചേച്ചിയോട് അമ്മയോടെന്ന പോലെ വലിയ ആത്മബന്ധമുണ്ടായിരുന്നെന്നും നജീം അർഷാദ് അന്ന് പറഞ്ഞു. സ്റ്റാർ സിം​ഗറിലെ വിജയിയായിരുന്നു നജീം അർഷാദ്. കരിയറിൽ 500 ഓളം ​ഗാനങ്ങൾ നജീം അർഷാദ് പാടിയിട്ടുണ്ട്.

2007 ൽ മിഷൻ 90 ഡേയ്സിലെ മിഴിനീർ എന്ന ​ഗാനത്തിലൂടെയാണ് പിന്നണി ​ഗാന രം​ഗത്ത് നജിം അർഷാദ് തുടക്കം കുറിക്കുന്നത്. മലയാളത്തിലെ പ്ര​ഗൽഭ സം​ഗീത സംവിധായകരുടെ പാട്ടുകൾ നജീമിന് പാടാനായി. ഡയമണ്ട് നെക്ക്ലേസ്, ട്രിവാൻഡ്രം ലോഡ്ജ്, അയാളും ഞാനും തമ്മിൽ, ഡാ തടിയാ തുടങ്ങിയ സിനിമകളിൽ നജീം മികച്ച പാട്ടുകൾ പാടി.