മലയാളത്തില്‍ നടിമാര്‍ക്ക് നിലനില്‍പ്പ് പ്രയാസം; മൂന്ന് ടേണിങ്ങ് പോയിന്റുകളെ കുറിച്ച് നമിത പ്രമോദ്

എന്റെ സിനിമാജീവിതത്തില്‍ മൂന്ന് ടേണിങ്ങ് പോയിന്റുകള്‍ ഉണ്ടായിട്ടുണ്ടെന്ന് നമിത പ്രമോദ് പറയുന്നു. ആദ്യ ടേണിങ്ങ് പോയിന്റ് തന്റെ ആദ്യ സിനിമയായ ട്രാഫിക്ക് ആണെന്നും പുള്ളിപ്പുലികളും ആട്ടിന്‍കുട്ടിയുമാണ് രണ്ടാം ടേണിങ്ങ് പോയിന്റെന്നും നടി പറഞ്ഞു. മൂന്നാമത്തെ ടേണിങ്ങ് പോയിന്റ് പരാജയമാണെന്നും നടി കൂട്ടിച്ചേർത്തു.

നിലവില്‍ ജീവിതത്തിലെ ജയങ്ങളും പരാജയങ്ങളും ഒരുപോലെ കാണാന്‍ ശ്രമിക്കുന്നുണ്ട്. വിജയം വരുമ്പോള്‍ ഒരു പാട് സന്തോഷിക്കരുതെന്ന് പഠിച്ചു. ട്രാഫിക്കെന്ന നല്ലൊരു സിനിമയുടെ ഭാഗമാകാന്‍ കഴിഞ്ഞതില്‍ സന്തോഷമുണ്ട്. അഭിനേതാക്കളാണെങ്കിലും, അണിയറ പ്രവര്‍ത്തകരാണെങ്കിലും ക്രിയേറ്റീവായവരായിരുന്നു ട്രാഫിക്കിലുണ്ടായിരുന്നതെന്നും നമിത പറഞ്ഞു.ട്രാഫിക് കഴിഞ്ഞപ്പോള്‍ പഠനം തുടരണമെന്ന് കരുതിയതാണ്. എന്നാല്‍ അപ്പോഴേക്കും പുള്ളിപ്പുലികളും ആട്ടിന്‍കുട്ടിയും എന്ന ചിത്രത്തില്‍ നിന്ന് ഓഫര്‍ വന്നു. സിനിമയുമായി എന്തെങ്കിലും സംശയമുണ്ടെങ്കില്‍ ലാല്‍ ജോസിനെയാണ് വിളിക്കാറെന്നും നമിത അഭിമുഖത്തില്‍ പറഞ്ഞു.'അല്‍ മല്ലു' ആണ് നമിതയുടെ അവസാനമായി പുറത്തിറങ്ങിയ ചിത്രം.

പൊതുവെ നായികമാര്‍ക്ക് മലയാള സിനിമ നിലനിര്‍ത്തി കൊണ്ട് പോവുക പ്രയാസമാണ്. എപ്പോഴും പുതുമുഖങ്ങള്‍ വന്ന് കൊണ്ടിരിക്കും. നടി എന്നതിനേക്കാള്‍ വ്യക്തിപരമായി താന്‍ സംതൃപ്തയാണ്. അഭിനയം ആദ്യം ഇഷ്ടമായിരുന്നില്ല. എന്നാല്‍ ഇപ്പോള്‍ ഒരുപാട് ഇഷ്ടമാണ്. ഇനി സിനിമ കിട്ടുമോ എന്നൊന്നും അറിയില്ല. സിനിമയുടെ വിജയത്തില്‍ സന്തോഷിക്കുകയും പരാജയപ്പെടുമ്പോൾ സങ്കടപ്പെടുകയും ചെയ്യും. പക്ഷെ അത് വല്ലാതെ കൊണ്ട് നടക്കാറില്ല താരം കൂട്ടിച്ചേർത്തു.

Recommended Video

Namitha Pramod Exclusive Interview | Filmibeat Malayalam

വിവാഹത്തിന് ശേഷം അഭിനയിക്കില്ലെന്നും നടി അഭിമുഖത്തിൽ പറഞ്ഞു.അതേസമയം ഉടൻ വിവാഹം ഉണ്ടാകില്ലെന്നും നടി പറഞ്ഞിരുന്നു. നാല് വര്‍ഷത്തിനുള്ളില്‍ കല്യാണം ഉണ്ടാകും. അച്ഛനും അമ്മയും വിവാഹകാര്യമേ എന്നോടും അനിയത്തിയോടും പറയാറില്ല. വിവാഹം കഴിഞ്ഞാല്‍ ഞാന്‍ അഭിനയിക്കില്ല. വേറെ പദ്ധതികളുണ്ട്. അതെല്ലാം ചെയ്ത് സ്വസ്ഥമായിരിക്കണമെന്നും നമിത പറഞ്ഞു.