അതാണ് മിസ്സ് ചെയ്യുന്നത്! പ്ലാന്‍ ചെയ്ത യാത്രകളും പൊളിഞ്ഞു! ലോക് ഡൗണിനെക്കുറിച്ച് നവ്യ നായര്‍

ഇഷ്ടം പോലെ സമയമുണ്ട്

അഭിനയ ജീവിതം തുടങ്ങിയതിന് ശേഷം ഇതാദ്യമായാണ് ഇത്രയും ദിവസം താന്‍ വീട്ടിലിരിക്കുന്നതെന്ന് നവ്യ നായര്‍ പറയുന്നു. മകന്‍ ജനിച്ച സമയത്തും അവന്റെ കാര്യങ്ങള്‍ക്കുമൊക്കെയായി കുറച്ച് സമയം കിട്ടിയിരുന്നു. ആവശ്യത്തിലുമധികം സമയമുണ്ട് ഇപ്പോള്‍. ഗ്രാമപ്രദേശത്താണ് എന്റെ വീട്. രാവിലെ എഴുന്നേറ്റ് കുറേ നടക്കാറുണ്ട്. വീട്ടുജോലികളെല്ലാം ചെയ്യാറുണ്ട്. സാധനങ്ങളെല്ലാം അതാത് സ്ഥാനത്ത് തന്നെ ഇരിക്കണമെന്നത് നിര്‍ബന്ധമാണ്.

ചക്കയിലെ പരീക്ഷണങ്ങള്‍

ചക്ക സീസണായതിനാല്‍ അമ്മയ്‌ക്കൊപ്പം പരീക്ഷണങ്ങള്‍ നടത്താറുണ്ട്. അറിഞ്ഞ് കഴിച്ചാല്‍ തടി കൂടുമോയെന്ന ഭയമുണ്ട്. വൈഫെ കിട്ടാന്‍ ബുദ്ധിമുട്ടാണ്.മകന്‍രെ കൂടെ ഇരുന്ന് അവനിഷ്ടമുള്ള സിനിമ കാണാറുണ്ടെന്നും നവ്യ പറയുന്നു. അത് പോലെ തന്നെ വീടിന് ചുറ്റുമുള്ള പറമ്പ് വൃത്തിയാക്കലാണ് മറ്റൊരു ജോലി. വെള്ളിയാഴ്ച വന്ന് തിങ്കളാഴ്ച പോവാമെന്ന് കരുതിയാണ് ഒരുത്തിയുടെ ലൊക്കേഷനില്‍ നിന്നും താനെത്തിയതെന്നും താരം പറയുന്നു.

പ്ലാനുകളെല്ലാം പൊളിഞ്ഞു

തിയേറ്ററില്‍ പോയി സിനിമ കാണാന്‍ ഒരുപാട് ഇഷ്ടമാണ്. അത് ഇപ്പോ മിസ്സ് ചെയ്യുന്നുണ്ട്. ഗുരുവായൂര്‍ ദര്‍ശനം നടക്കുന്നില്ല. അത് പോലെ തന്നെ കുറേ യാത്രകള്‍ പ്ലാന്‍ ചെയ്തിരുന്നു. അതൊക്കെ പൊളിഞ്ഞുവെന്നും താരം പറയുന്നു. കേരളത്തില്‍ താരതമ്യേന പെട്ടെന്ന് തന്നെ ജീവിതം സാധാരണ നിലയിലാവുമെന്നാണ് പ്രതീക്ഷ. നാട്ടിന്‍പുറത്ത് ജീവിച്ചുവളര്‍ന്നതിനാല്‍ ആ ജീവിതമാണ് നവ്യയ്ക്ക് കൂടുതലിഷ്ടം. മനുഷ്യര്‍ വീടുകളിലേക്ക് ചുരുങ്ങിയപ്പോഴുള്ള പ്രകൃതിയുടെ മാറ്റം തന്നെ അത്ഭുതപ്പെടുത്തിയെന്നും താരം പറയുന്നു.

നഗരജീവിതം ഇഷ്ടമല്ല

ഗ്രാമീണ ജീവിതത്തില്‍ നഗരജീവിതത്തിലേക്ക് പറിച്ചു നട്ടപ്പോഴും മനസ്സില്‍ നാട്ടിന്‍പുറത്തെ ജീവിതമുണ്ടായിരുന്നു. ദിവസവും രാവിലെ കിളികളുടെ ശബ്ദം കേട്ട് ഉണരാനും പുറത്തിറങ്ങി ശുദ്ധവായു ശ്വസിക്കാനും പറ്റുന്നുണ്ട്. എന്റെ വീടിന്റെ അടുത്ത് പൊതുവെ തിരക്ക് കുറവാണ്. വീടിന് മുന്നിലെ ഇലക്ട്രിക് ലൈനില്‍ കൂട്ടത്തോടെ തത്തകള്‍ ഇരിക്കുന്നത് കാണാം. ഉള്ളുകൊണ്ട് താനൊരു നാട്ടിന്‍പുറത്തുകാരിയാണെന്നും താരം പറയുന്നു. നഗരത്തിലായിരുന്നുവെങ്കില്‍ ഭ്രാന്ത് വന്നേനെയെന്നും താരം പറയുന്നു.