തനിനാടനായി നവ്യ നായര്‍! കുറേയായി ഇങ്ങനെ കണ്ടിട്ട്! പുതിയ ചിത്രം ഏറ്റെടുത്ത് ആരാധകര്‍!

ഇഷ്ടമെന്ന ചിത്രത്തിലൂടെയായിരുന്നു നവ്യ നായര്‍ തുടക്കം കുറിച്ചത്. തുടക്കം മുതല്‍ത്തന്നെ താരത്തിന് ആരാധകര്‍ പിന്തുണയായിരുന്നു നല്‍കിയത്. വ്യത്യസ്തമായ നിരവധി കഥാപാത്രങ്ങളായിരുന്നു ഈ താരത്തിന് ലഭിച്ചത്. വിവാഹത്തോടെയായിരുന്നു നവ്യ നായര്‍ സിനിമയില്‍ നിന്നും ഇടവേളയെടുത്തത്. ഇടയ്ക്ക് റിയാലിറ്റി ഷോയിലൂടെ തിരിച്ചുവരവ് നടത്തിയിരുന്നുവെങ്കിലും സിനിമയിലേക്കുള്ള തിരിച്ചുവരവിനായി കാത്തിരിക്കുകയാണ് ആരാധകര്‍. വിവാഹത്തോടെ മുംബൈയിലേക്ക് ചേക്കേറിയിരുന്നുവെങ്കിലും ഇടയ്ക്കിടയ്ക്ക് കേരളത്തിലേക്ക് എത്താറുണ്ട്. സോഷ്യല്‍ മീഡിയയില്‍ സജീവമായ താരം പങ്കുവെക്കുന്ന പല പോസ്റ്റുകളും നിമിഷനേരം കൊണ്ടാണ് ശ്രദ്ധ നേടുന്നത്.

തനിനാടന്‍ ലുക്കിലുള്ള ചിത്രമായിരുന്നു കഴിഞ്ഞ ദിവസം നവ്യ നായര്‍ ഫേസ്ബുക്കില്‍ പോസ്റ്റ് ചെയ്തത്. ചന്ദനക്കുറിയും ചുരിദാറും മുല്ലപ്പൂവും ചൂടിയുള്ള ചിത്രമായിരുന്നു താരം പോസ്റ്റ് ചെയ്തത്. ഇതിനകം തന്നെ ചിത്രം വൈറലായി മാറിക്കഴിഞ്ഞിട്ടുണ്ട്. നിരവധി പേരാണ് ചിത്രത്തിന് കീഴില്‍ കമന്റുകളുമായി എത്തിയിട്ടുള്ളത്. നാളുകള്‍ക്ക് ശേഷം നാടന്‍ ലുക്കില്‍ കാണാന്‍ കഴിഞ്ഞതിന്റെ സന്തോഷമാണ് അവര്‍ പ്രകടിപ്പിച്ചിട്ടുള്ളത്. പെരുന്ന സുബ്രഹ്മണ്യ സ്വാമി ക്ഷേത്രത്തിലെ ഉത്സവത്തിനായി എത്തിയപ്പോഴുള്ള ചിത്രമാണ് സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുന്നത്.

കുറേക്കാലമായി ഇങ്ങനെ കണ്ടിട്ടെന്നും നല്ല ഭംഗിയുണ്ടെന്നുമുള്ള കമന്റുകളും ഫോട്ടോയ്ക്ക് കീഴിലുണ്ട്. യുവജനോത്സവ വേദിയില്‍ നിന്നും സിനിമയിലേക്കെത്തിയതാണ് നവ്യ നായര്‍. അഭിനയജീവിതവുമായി മുന്നേറുന്നതിനിടയിലും നൃത്തത്തെ താരം ഒപ്പം കൂട്ടിയിരുന്നു. ഇടയ്ക്ക് നൃത്തശില്‍പ്പവുമായും താരമെത്തിയിരുന്നു. ചിന്നച്ചെറുകിളിയെന്ന ഡാന്‍സ് ആല്‍ബത്തിനെ സിനിമാലോകവും പ്രേക്ഷകരും ഒരുപോലെ ഏറ്റെടുത്തിരുന്നു. എന്നാണ് അഭിനയത്തിലേക്ക് തിരികെയെത്തുന്നതെന്നുള്ള ചോദ്യങ്ങള്‍ ഇപ്പോഴും താരത്തിന് നേരെ ഉയര്‍ന്നുവന്നിട്ടുണ്ട്.